᭓. ᬲᬸᬤ᭄ᬥᬶᬦ᭄ᬤ᭄ᬭᬶᬬᬯᬵᬭᭀ

(ᬓ) ᬅᬦᬸᬮᭀᬫᬂ

᭑᭔᭐. (ᬓ) ᬘᬓ᭄ᬔᬸ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬘᬓ᭄ᬔᬸᬦ᭄ᬤ᭄ᬭᬶᬬᬦ᭄ᬢᬶ?

ᬘᬓ᭄ᬔᬸᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬘᬓ᭄ᬔᬸᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬘᬓ᭄ᬔᬸᬦ᭄ᬤ᭄ᬭᬶᬬᬂ.

(ᬓ) ᬲᭀᬢᬂ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬬᬂ ᬲᭀᬢᬂ ᬇᬦ᭄ᬤ᭄ᬭᬶᬬᬂ ᬢᬂ ᬲᭀᬢᬜ᭄ᬘᬾᬯ ᬇᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬂ ᬲᭀᬢᬂ ᬦ ᬇᬦ᭄ᬤ᭄ᬭᬶᬬᬂ.

(ᬔ) ᬇᬦ᭄ᬤ᭄ᬭᬶᬬᬵ ᬲᭀᬢᬶᬦ᭄ᬤ᭄ᬭᬶᬬᬦ᭄ᬢᬶ? ᬲᭀᬢᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬲᭀᬢᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᭀᬢᬶᬦ᭄ᬤ᭄ᬭᬶᬬᬂ.

(ᬓ) ᬖᬵᬦᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬖᬵᬦᬶᬦ᭄ᬤ᭄ᬭᬶᬬᬦ᭄ᬢᬶ?

ᬖᬵᬦᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬖᬵᬦᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬖᬵᬦᬶᬦ᭄ᬤ᭄ᬭᬶᬬᬂ.

(ᬓ) ᬚᬶᬯ᭄ᬳᬵ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬚᬶᬯ᭄ᬳᬶᬦ᭄ᬤ᭄ᬭᬶᬬᬦ᭄ᬢᬶ?

ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬚᬶᬯ᭄ᬳᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ.

(ᬓ) ᬓᬵᬬᭀ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬬᭀ ᬓᬵᬬᭀ ᬇᬦ᭄ᬤ᭄ᬭᬶᬬᬂ ᬲᭀ ᬓᬵᬬᭀ ᬘᬾᬯ ᬇᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᭀ ᬓᬵᬬᭀ ᬦ ᬇᬦ᭄ᬤ᭄ᬭᬶᬬᬵ.

(ᬔ) ᬇᬦ᭄ᬤ᭄ᬭᬶᬬᬵ ᬓᬵᬬᬶᬦ᭄ᬤ᭄ᬭᬶᬬᬦ᭄ᬢᬶ?

ᬓᬵᬬᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬓᬵᬬᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬓᬵᬬᬶᬦ᭄ᬤ᭄ᬭᬶᬬᬂ.

(ᬓ) ᬫᬦᭀ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬫᬦᬶᬦ᭄ᬤ᭄ᬭᬶᬬᬦ᭄ᬢᬶ?

ᬫᬦᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬫᬦᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬫᬦᬶᬦ᭄ᬤ᭄ᬭᬶᬬᬂ.

(ᬓ) ᬇᬢ᭄ᬣᬷ ᬇᬦ᭄ᬤ᭄ᬭᬶᬬᬦ᭄ᬢᬶ? ᬦᭀ.

(ᬔ) ᬇᬦ᭄ᬤ᭄ᬭᬶᬬᬵ ᬇᬢ᭄ᬣᬶᬦ᭄ᬤ᭄ᬭᬶᬬᬦ᭄ᬢᬶ?

ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬇᬢ᭄ᬣᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬇᬢ᭄ᬣᬶᬦ᭄ᬤ᭄ᬭᬶᬬᬂ.

(ᬓ) ᬧᬸᬭᬶᬲᭀ ᬇᬦ᭄ᬤ᭄ᬭᬶᬬᬦ᭄ᬢᬶ? ᬦᭀ.

(ᬔ) ᬇᬦ᭄ᬤ᭄ᬭᬶᬬᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬦ᭄ᬢᬶ?

ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬧᬸᬭᬶᬲᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬧᬸᬭᬶᬲᬶᬦ᭄ᬤ᭄ᬭᬶᬬᬂ.

(ᬓ) ᬚᬷᬯᬶᬢᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬚᬷᬯᬶᬢᬶᬦ᭄ᬤ᭄ᬭᬶᬬᬦ᭄ᬢᬶ?

ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬚᬷᬯᬶᬢᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬚᬷᬯᬶᬢᬶᬦ᭄ᬤ᭄ᬭᬶᬬᬂ.

(ᬓ) ᬲᬸᬔᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬲᬸᬔᬶᬦ᭄ᬤ᭄ᬭᬶᬬᬦ᭄ᬢᬶ?

ᬲᬸᬔᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬲᬸᬔᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬸᬔᬶᬦ᭄ᬤ᭄ᬭᬶᬬᬂ.

(ᬓ) ᬤᬸᬓ᭄ᬔᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬤᬸᬓ᭄ᬔᬶᬦ᭄ᬤ᭄ᬭᬶᬬᬦ᭄ᬢᬶ?

ᬤᬸᬓ᭄ᬔᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬤᬸᬓ᭄ᬔᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬤᬸᬓ᭄ᬔᬶᬦ᭄ᬤ᭄ᬭᬶᬬᬂ.

(ᬓ) ᬲᭀᬫᬦᬲ᭄ᬲᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬦ᭄ᬢᬶ?

ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ.

(ᬓ) ᬤᭀᬫᬦᬲ᭄ᬲᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬇᬦ᭄ᬤ᭄ᬭᬶᬬᬵ ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬦ᭄ᬢᬶ?

ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ.

(ᬓ) ᬉᬧᬾᬓ᭄ᬔᬵ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬬᬵ ᬉᬧᬾᬓ᭄ᬔᬵ ᬇᬦ᭄ᬤ᭄ᬭᬶᬬᬂ ᬲᬵ ᬉᬧᬾᬓ᭄ᬔᬵ ᬘᬾᬯ ᬇᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬉᬧᬾᬓ᭄ᬔᬵ ᬦ ᬇᬦ᭄ᬤ᭄ᬭᬶᬬᬂ.

(ᬔ) ᬇᬦ᭄ᬤ᭄ᬭᬶᬬᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬦ᭄ᬢᬶ?

ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ.

(ᬓ) ᬲᬤ᭄ᬥᬵ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬲᬤ᭄ᬥᬶᬦ᭄ᬤ᭄ᬭᬶᬬᬦ᭄ᬢᬶ?

ᬲᬤ᭄ᬥᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬲᬤ᭄ᬥᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬤ᭄ᬥᬶᬦ᭄ᬤ᭄ᬭᬶᬬᬂ.

(ᬓ) ᬯᬷᬭᬶᬬᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬯᬷᬭᬶᬬᬶᬦ᭄ᬤ᭄ᬭᬶᬬᬦ᭄ᬢᬶ?

ᬯᬷᬭᬶᬬᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬯᬷᬭᬶᬬᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬯᬷᬭᬶᬬᬶᬦ᭄ᬤ᭄ᬭᬶᬬᬂ.

(ᬓ) ᬲᬢᬶ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬲᬢᬶᬦ᭄ᬤ᭄ᬭᬶᬬᬦ᭄ᬢᬶ?

ᬲᬢᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬲᬢᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬢᬶᬦ᭄ᬤ᭄ᬭᬶᬬᬂ.

(ᬓ) ᬲᬫᬵᬥᬶ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬲᬫᬵᬥᬶᬦ᭄ᬤ᭄ᬭᬶᬬᬦ᭄ᬢᬶ?

ᬲᬫᬵᬥᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬲᬫᬵᬥᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬫᬵᬥᬶᬦ᭄ᬤ᭄ᬭᬶᬬᬂ.

(ᬓ) ᬧᬜ᭄ᬜᬵ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬧᬜ᭄ᬜᬶᬦ᭄ᬤ᭄ᬭᬶᬬᬦ᭄ᬢᬶ?

ᬧᬜ᭄ᬜᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬧᬜ᭄ᬜᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬧᬜ᭄ᬜᬶᬦ᭄ᬤ᭄ᬭᬶᬬᬂ.

(ᬓ) ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬦ᭄ᬢᬶ?

ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ.

(ᬓ) ᬅᬜ᭄ᬜᬂ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬅᬜ᭄ᬜᬶᬦ᭄ᬤ᭄ᬭᬶᬬᬦ᭄ᬢᬶ?

ᬅᬜ᭄ᬜᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬅᬜ᭄ᬜᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬅᬜ᭄ᬜᬶᬦ᭄ᬤ᭄ᬭᬶᬬᬂ.

(ᬓ) ᬅᬜ᭄ᬜᬵᬢᬵᬯᬷ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬇᬦ᭄ᬤ᭄ᬭᬶᬬᬵ ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬦ᭄ᬢᬶ?

ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ ᬇᬦ᭄ᬤ᭄ᬭᬶᬬᬜ᭄ᬘᬾᬯ ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬜ᭄ᬘ. ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ.

(ᬔ) ᬧᬘ᭄ᬘᬦᬷᬓᬂ

᭑᭔᭑. (ᬓ) ᬦ ᬘᬓ᭄ᬔᬸ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬘᬓ᭄ᬔᬸᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬘᬓ᭄ᬔᬸ, ᬇᬦ᭄ᬤ᭄ᬭᬶᬬᬵ. ᬘᬓ᭄ᬔᬸᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬘᬓ᭄ᬔᬸ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬘᬓ᭄ᬔᬸᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬲᭀᬢᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬲᭀᬢᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᭀᬢᬂ, ᬇᬦ᭄ᬤ᭄ᬭᬶᬬᬵ. ᬲᭀᬢᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᭀᬢᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬲᭀᬢᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬖᬵᬦᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬖᬵᬦᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬖᬵᬦᬂ, ᬇᬦ᭄ᬤ᭄ᬭᬶᬬᬵ. ᬖᬵᬦᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬖᬵᬦᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬖᬵᬦᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬚᬶᬯ᭄ᬳᬵ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬚᬶᬯ᭄ᬳᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬚᬶᬯ᭄ᬳᬵ, ᬇᬦ᭄ᬤ᭄ᬭᬶᬬᬵ. ᬚᬶᬯ᭄ᬳᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬚᬶᬯ᭄ᬳᬵ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬚᬶᬯ᭄ᬳᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬓᬵᬬᭀ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬓᬵᬬᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬫᬦᭀ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬫᬦᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬫᬦᭀ, ᬇᬦ᭄ᬤ᭄ᬭᬶᬬᬵ. ᬫᬦᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬫᬦᭀ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬫᬦᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬇᬢ᭄ᬣᬷ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬇᬢ᭄ᬣᬶᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬇᬢ᭄ᬣᬷ, ᬇᬦ᭄ᬤ᭄ᬭᬶᬬᬵ. ᬇᬢ᭄ᬣᬶᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬇᬢ᭄ᬣᬷ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬇᬢ᭄ᬣᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬧᬸᬭᬶᬲᭀ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬧᬸᬭᬶᬲᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬧᬸᬭᬶᬲᭀ, ᬇᬦ᭄ᬤ᭄ᬭᬶᬬᬵ. ᬧᬸᬭᬶᬲᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬧᬸᬭᬶᬲᭀ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬧᬸᬭᬶᬲᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬚᬷᬯᬶᬢᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬚᬷᬯᬶᬢᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬚᬷᬯᬶᬢᬂ, ᬇᬦ᭄ᬤ᭄ᬭᬶᬬᬵ. ᬚᬷᬯᬶᬢᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬚᬷᬯᬶᬢᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬚᬷᬯᬶᬢᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬲᬸᬔᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬲᬸᬔᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬸᬔᬂ, ᬇᬦ᭄ᬤ᭄ᬭᬶᬬᬵ. ᬲᬸᬔᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᬸᬔᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬲᬸᬔᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬤᬸᬓ᭄ᬔᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬤᬸᬓ᭄ᬔᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬤᬸᬓ᭄ᬔᬂ, ᬇᬦ᭄ᬤ᭄ᬭᬶᬬᬵ. ᬤᬸᬓ᭄ᬔᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬤᬸᬓ᭄ᬔᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬤᬸᬓ᭄ᬔᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬲᭀᬫᬦᬲ᭄ᬲᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬲᭀᬫᬦᬲ᭄ᬲᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᭀᬫᬦᬲ᭄ᬲᬂ, ᬇᬦ᭄ᬤ᭄ᬭᬶᬬᬵ. ᬲᭀᬫᬦᬲ᭄ᬲᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᭀᬫᬦᬲ᭄ᬲᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬤᭀᬫᬦᬲ᭄ᬲᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬤᭀᬫᬦᬲ᭄ᬲᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬤᭀᬫᬦᬲ᭄ᬲᬂ, ᬇᬦ᭄ᬤ᭄ᬭᬶᬬᬵ. ᬤᭀᬫᬦᬲ᭄ᬲᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬤᭀᬫᬦᬲ᭄ᬲᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬉᬧᬾᬓ᭄ᬔᬵ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬉᬧᬾᬓ᭄ᬔᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬉᬧᬾᬓ᭄ᬔᬵ, ᬇᬦ᭄ᬤ᭄ᬭᬶᬬᬵ. ᬉᬧᬾᬓ᭄ᬔᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬉᬧᬾᬓ᭄ᬔᬵ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬲᬤ᭄ᬥᬵ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬲᬤ᭄ᬥᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬤ᭄ᬥᬵ, ᬇᬦ᭄ᬤ᭄ᬭᬶᬬᬵ. ᬲᬤ᭄ᬥᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᬤ᭄ᬥᬵ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬲᬤ᭄ᬥᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬯᬷᬭᬶᬬᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬯᬷᬭᬶᬬᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬯᬷᬭᬶᬬᬂ, ᬇᬦ᭄ᬤ᭄ᬭᬶᬬᬵ. ᬯᬷᬭᬶᬬᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬯᬷᬭᬶᬬᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬯᬷᬭᬶᬬᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬲᬢᬶ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬲᬢᬶᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬢᬶ, ᬇᬦ᭄ᬤ᭄ᬭᬶᬬᬵ. ᬲᬢᬶᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᬢᬶ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬲᬢᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬲᬫᬵᬥᬶ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬲᬫᬵᬥᬶᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬲᬫᬵᬥᬶ, ᬇᬦ᭄ᬤ᭄ᬭᬶᬬᬵ. ᬲᬫᬵᬥᬶᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᬫᬵᬥᬶ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬲᬫᬵᬥᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬧᬜ᭄ᬜᬵ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬧᬜ᭄ᬜᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬧᬜ᭄ᬜᬵ, ᬇᬦ᭄ᬤ᭄ᬭᬶᬬᬵ. ᬧᬜ᭄ᬜᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬧᬜ᭄ᬜᬵ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬧᬜ᭄ᬜᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶ, ᬇᬦ᭄ᬤ᭄ᬭᬶᬬᬵ. ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬅᬜ᭄ᬜᬂ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬅᬜ᭄ᬜᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬅᬜ᭄ᬜᬂ, ᬇᬦ᭄ᬤ᭄ᬭᬶᬬᬵ. ᬅᬜ᭄ᬜᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬅᬜ᭄ᬜᬂ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬅᬜ᭄ᬜᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.

(ᬓ) ᬦ ᬅᬜ᭄ᬜᬵᬢᬵᬯᬷ ᬦ ᬇᬦ᭄ᬤ᭄ᬭᬶᬬᬦ᭄ᬢᬶ?

ᬅᬜ᭄ᬜᬵᬢᬵᬯᬶᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬇᬦ᭄ᬤ᭄ᬭᬶᬬᬵ ᬦ ᬅᬜ᭄ᬜᬵᬢᬵᬯᬷ, ᬇᬦ᭄ᬤ᭄ᬭᬶᬬᬵ. ᬅᬜ᭄ᬜᬵᬢᬵᬯᬶᬜ᭄ᬘ ᬇᬦ᭄ᬤ᭄ᬭᬶᬬᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬅᬜ᭄ᬜᬵᬢᬵᬯᬷ ᬦ ᬘ ᬇᬦ᭄ᬤ᭄ᬭᬶᬬᬵ.

(ᬔ) ᬦ ᬇᬦ᭄ᬤ᭄ᬭᬶᬬᬵ ᬦ ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬦ᭄ᬢᬶ? ᬆᬫᬦ᭄ᬢᬵ.