(᭕) ᬧᬘ᭄ᬘᬸᬧ᭄ᬧᬦ᭄ᬦᬵᬦᬵᬕᬢᬯᬵᬭᭀ

(ᬓ) ᬅᬦᬸᬮᭀᬫᬧᬸᬕ᭄ᬕᬮᭀ

᭗᭙. (ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ. ᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ.

(ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ. ᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ.

᭘᭐. (ᬓ) ᬬᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ. ᬅᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ.

(ᬔ) ᬅᬦᬸᬮᭀᬫᬑᬓᬵᬲᭀ

᭘᭑. ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?…ᬧᬾ….

(ᬕ) ᬅᬦᬸᬮᭀᬫᬧᬸᬕ᭄ᬕᬮᭀᬓᬵᬲᬵ

᭘᭒. (ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ. ᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ.

(ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ. ᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ.

᭘᭓. (ᬓ) ᬬᬲ᭄ᬲ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ. ᬅᬓᬸᬲᬮᬵᬦᬂ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬦ᭄ᬢᬶ.

(ᬖ) ᬧᬘ᭄ᬘᬦᬷᬓᬧᬸᬕ᭄ᬕᬮᭀ

᭘᭔. (ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬅᬕ᭄ᬕᬫᬕ᭄ᬕᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ. ᬅᬕ᭄ᬕᬫᬕ᭄ᬕᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ.

(ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬷᬢᬶ? ᬆᬫᬦ᭄ᬢᬵ.

᭘᭕. (ᬓ) ᬬᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬗ) ᬧᬘ᭄ᬘᬦᬷᬓᬑᬓᬵᬲᭀ

᭘᭖. ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?…ᬧᬾ….

(ᬘ) ᬧᬘ᭄ᬘᬦᬷᬓᬧᬸᬕ᭄ᬕᬮᭀᬓᬵᬲᬵ

᭘᭗. (ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬅᬕ᭄ᬕᬫᬕ᭄ᬕᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ. ᬅᬕ᭄ᬕᬫᬕ᭄ᬕᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬲ᭄ᬲ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ.

(ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬷᬢᬶ? ᬆᬫᬦ᭄ᬢᬵ.

᭘᭘. (ᬓ) ᬬᬲ᭄ᬲ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬲᬩ᭄ᬩᬾᬲᬂ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬓᬸᬲᬮᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬦ᭄ᬢᬷᬢᬶ? ᬆᬫᬦ᭄ᬢᬵ.