(᭓) ᬅᬦᬵᬕᬢᬯᬵᬭᭀ

(ᬓ) ᬅᬦᬸᬮᭀᬫᬧᬸᬕ᭄ᬕᬮᭀ

᭕᭗. (ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬢᬾᬲᬂ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬢᬾᬲᬂ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

᭕᭘. (ᬓ) ᬬᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬢᬾᬲᬂ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬅᬦᬸᬮᭀᬫᬑᬓᬵᬲᭀ

᭕᭙. (ᬓ) ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬢ᭄ᬣ ᬯᬵ ᬧᬦ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬓ) ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬢ᭄ᬣ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬲᬜ᭄ᬜᬲᬢ᭄ᬢᬾ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬘᬢᬸᬯᭀᬓᬵᬭᬾ ᬧᬜ᭄ᬘᬯᭀᬓᬵᬭᬾ ᬢᬢ᭄ᬣ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

᭖᭐. (ᬓ) ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬢ᭄ᬣ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬲᬜ᭄ᬜᬲᬢ᭄ᬢᬾ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬘᬢᬸᬯᭀᬓᬵᬭᬾ ᬧᬜ᭄ᬘᬯᭀᬓᬵᬭᬾ ᬢᬢ᭄ᬣ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬕ) ᬅᬦᬸᬮᭀᬫᬧᬸᬕ᭄ᬕᬮᭀᬓᬵᬲᬵ

᭖᭑. (ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬘᬢᬸᬯᭀᬓᬵᬭᬵᬦᬂ ᬧᬜ᭄ᬘᬯᭀᬓᬵᬭᬵᬦᬂ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬘᬢᬸᬯᭀᬓᬵᬭᬵᬦᬂ ᬧᬜ᭄ᬘᬯᭀᬓᬵᬭᬵᬦᬂ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

᭖᭒. (ᬓ) ᬬᬲ᭄ᬲ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬇᬢᬭᬾᬲᬂ ᬘᬢᬸᬯᭀᬓᬵᬭᬵᬦᬂ ᬧᬜ᭄ᬘᬯᭀᬓᬵᬭᬵᬦᬂ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬓᬸᬲᬮᬵ ᬘ ᬥᬫ᭄ᬫᬵ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬖ) ᬧᬘ᭄ᬘᬦᬷᬓᬧᬸᬕ᭄ᬕᬮᭀ

᭖᭓. (ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬢᬾᬲᬂ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬓ) ᬬᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬢᬾᬲᬂ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

᭖᭔. (ᬓ) ᬬᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾᬲᬂ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬗ) ᬧᬘ᭄ᬘᬦᬷᬓᬑᬓᬵᬲᭀ

᭖᭕. (ᬓ) ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬢ᭄ᬣ ᬯᬵ ᬧᬦ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬓ) ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬢ᭄ᬣ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬦᬢ᭄ᬣᬶ.

᭖᭖. (ᬓ) ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬢ᭄ᬣ ᬯᬵ ᬧᬦ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬦᬢ᭄ᬣᬶ.

(ᬘ) ᬧᬘ᭄ᬘᬦᬷᬓᬧᬸᬕ᭄ᬕᬮᭀᬓᬵᬲᬵ

᭖᭗. (ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬓ) ᬬᬲ᭄ᬲ ᬬᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬢᬢ᭄ᬣ ᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.

᭖᭘. (ᬓ) ᬬᬲ᭄ᬲ ᬬᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷᬦᬂ ᬅᬭᬳᬦ᭄ᬢᬵᬦᬂ ᬬᬲ᭄ᬲ ᬘᬶᬢ᭄ᬢᬲ᭄ᬲ ᬅᬦᬦ᭄ᬢᬭᬵ ᬅᬕ᭄ᬕᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ. ᬧᬘ᭄ᬙᬶᬫᬘᬶᬢ᭄ᬢᬲᬫᬗ᭄ᬕᬷᬦᬂ ᬢᬾᬲᬂ ᬢᬢ᭄ᬣ ᬅᬓᬸᬲᬮᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬅᬩ᭄ᬬᬵᬓᬢᬵ ᬘ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬅᬩ᭄ᬬᬵᬓᬢᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬶ ᬢᬲ᭄ᬲ ᬢᬢ᭄ᬣ ᬅᬓᬸᬲᬮᬵ ᬥᬫ᭄ᬫᬵ ᬦ ᬉᬧ᭄ᬧᬚ᭄ᬚᬶᬲ᭄ᬲᬦ᭄ᬢᬷᬢᬶ? ᬆᬫᬦ᭄ᬢᬵ.