(᭔) ᬧᬘ᭄ᬘᬸᬧ᭄ᬧᬦ᭄ᬦᬵᬢᬷᬢᬯᬵᬭᭀ

(ᬓ) ᬅᬦᬸᬮᭀᬫᬧᬸᬕ᭄ᬕᬮᭀ

᭑᭐᭖. (ᬓ) ᬬᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣᬵᬢᬶ? ᬆᬫᬦ᭄ᬢᬵ.

(ᬔ) ᬬᬲ᭄ᬲ ᬯᬵ ᬧᬦ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬷᬢᬶ?

ᬲᬩ᭄ᬩᬾᬲᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ. ᬲᬩ᭄ᬩᬾᬲᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ.

(ᬓ) ᬬᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬦᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ. ᬅᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬷᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ. ᬅᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ.

᭑᭐᭗. (ᬓ) ᬬᬲ᭄ᬲ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ. ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬷᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬶ. ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ.

(ᬔ) ᬅᬦᬸᬮᭀᬫᬑᬓᬵᬲᭀ

᭑᭐᭘. ᬬᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ…ᬧᬾ….

(ᬕ) ᬅᬦᬸᬮᭀᬫᬧᬸᬕ᭄ᬕᬮᭀᬓᬵᬲᬵ

᭑᭐᭙. (ᬓ) ᬬᬲ᭄ᬲ ᬬᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵ ᬘᬯᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ. ᬇᬢᬭᬾᬲᬂ ᬘᬢᬸᬯᭀᬓᬵᬭᬵ ᬧᬜ᭄ᬘᬯᭀᬓᬵᬭᬵ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬷᬢᬶ?

ᬘᬢᬸᬯᭀᬓᬵᬭᬂ ᬧᬜ᭄ᬘᬯᭀᬓᬵᬭᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ. ᬘᬢᬸᬯᭀᬓᬵᬭᬵ ᬧᬜ᭄ᬘᬯᭀᬓᬵᬭᬵ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ.

(ᬓ) ᬬᬲ᭄ᬲ ᬬᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬦᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵ ᬘᬯᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ. ᬅᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬷᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦᬶᬭᬸᬚ᭄ᬛᬢᬶ. ᬅᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ.

᭑᭑᭐. (ᬓ) ᬬᬲ᭄ᬲ ᬬᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ. ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬷᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦᬶᬭᬸᬚ᭄ᬛᬢᬶ. ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬶᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦᬶᬭᬸᬚ᭄ᬛᬢᬶ.

(ᬖ) ᬧᬘ᭄ᬘᬦᬷᬓᬧᬸᬕ᭄ᬕᬮᭀ

᭑᭑᭑. (ᬓ) ᬬᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣᬵᬢᬶ? ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬷᬢᬶ? ᬦᬢ᭄ᬣᬶ.

(ᬓ) ᬬᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ. ᬅᬦᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬤᬸᬓ᭄ᬔᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬷᬢᬶ?

ᬅᬦᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ. ᬅᬦᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬢᬾᬲᬂ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ.

᭑᭑᭒. (ᬓ) ᬬᬲ᭄ᬲ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬦᬶᬭᭀᬥᬲᬫᬵᬧᬦ᭄ᬦᬵᬦᬂ ᬢᬾᬲᬂ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ. ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬲᬫᬸᬤᬬᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬷᬢᬶ?

ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ. ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ.

(ᬗ) ᬧᬘ᭄ᬘᬦᬷᬓᬑᬓᬵᬲᭀ

᭑᭑᭓. ᬬᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ…ᬧᬾ….

(ᬘ) ᬧᬘ᭄ᬘᬦᬷᬓᬧᬸᬕ᭄ᬕᬮᭀᬓᬵᬲᬵ

᭑᭑᭔. (ᬓ) ᬬᬲ᭄ᬲ ᬬᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬘᬢᬸᬯᭀᬓᬵᬭᬂ ᬧᬜ᭄ᬘᬯᭀᬓᬵᬭᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ. ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬂ ᬉᬧᬧᬚ᭄ᬚᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ ᬲᬫᬸᬤᬬᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬷᬢᬶ?

ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵ ᬘᬯᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ. ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬂ ᬉᬧᬧᬚ᭄ᬚᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ.

(ᬓ) ᬬᬲ᭄ᬲ ᬬᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬭᬹᬧᬾ ᬫᬕ᭄ᬕᬲ᭄ᬲ ᬘ ᬨᬮᬲ᭄ᬲ ᬘ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ. ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬦᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬂ ᬉᬧᬧᬚ᭄ᬚᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬷᬢᬶ?

ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬦᬪᬶᬲᬫᬾᬢᬵᬯᬷᬦᬂ ᬘᬯᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬪᬗ᭄ᬕᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬵ ᬘᬯᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬢᬢ᭄ᬣ ᬤᬸᬓ᭄ᬔᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ. ᬲᬸᬤ᭄ᬥᬵᬯᬵᬲᬵᬦᬂ ᬉᬧᬧᬢ᭄ᬢᬶᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬦᬪᬶᬲᬫᬾᬢᬵᬯᬷᬦᬂ ᬉᬧᬧᬚ᭄ᬚᬦ᭄ᬢᬵᬦᬂ ᬧᬯᬢ᭄ᬢᬾ ᬘᬶᬢ᭄ᬢᬲ᭄ᬲ ᬉᬧ᭄ᬧᬵᬤᬓ᭄ᬔᬡᬾ ᬅᬲᬜ᭄ᬜᬲᬢ᭄ᬢᬂ ᬉᬧᬧᬚ᭄ᬚᬦ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ ᬤᬸᬓ᭄ᬔᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ.

᭑᭑᭕. (ᬓ) ᬬᬲ᭄ᬲ ᬬᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ ᬢᬲ᭄ᬲ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣᬵᬢᬶ?

ᬅᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ, ᬦᭀ ᬘ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ. ᬲᬸᬤ᭄ᬥᬵᬯᬵᬲᬵᬦᬂ ᬤᬸᬢᬶᬬᬾ ᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ.

(ᬔ) ᬬᬲ᭄ᬲ ᬯᬵ ᬧᬦ ᬬᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ ᬢᬲ᭄ᬲ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬷᬢᬶ?

ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬪᬗ᭄ᬕᬓ᭄ᬔᬡᬾ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬂ ᬦ ᬦᬶᬭᬸᬚ᭄ᬛᬶᬢ᭄ᬣ, ᬦᭀ ᬘ ᬢᬾᬲᬂ ᬢᬢ᭄ᬣ ᬲᬫᬸᬤᬬᬲᬘ᭄ᬘᬂ ᬦ ᬦᬶᬭᬸᬚ᭄ᬛᬢᬶ. ᬲᬸᬤ᭄ᬥᬵᬯᬵᬲᬵᬦᬂ ᬤᬸᬢᬶᬬᬾ ᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬅᬦᬪᬶᬲᬫᬾᬢᬵᬯᬷᬦᬂ ᬢᬡ᭄ᬳᬵᬬ ᬉᬧ᭄ᬧᬵᬤᬓ᭄ᬔᬡᬾ ᬢᬡ᭄ᬳᬵᬯᬶᬧ᭄ᬧᬬᬸᬢ᭄ᬢᬘᬶᬢ᭄ᬢᬾ ᬯᬢ᭄ᬢᬫᬵᬦᬾ ᬅᬲᬜ᭄ᬜᬲᬢ᭄ᬢᬵᬦᬂ ᬢᬾᬲᬂ ᬢᬢ᭄ᬣ ᬫᬕ᭄ᬕᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬶᬢ᭄ᬣ ᬲᬫᬸᬤᬬᬲᬘ᭄ᬘᬜ᭄ᬘ ᬦ ᬦᬶᬭᬸᬚ᭄ᬛᬢᬶ.