(᭖) ᬅᬢᬷᬢᬵᬦᬵᬕᬢᬯᬵᬭᭀ

(ᬓ) ᬅᬦᬸᬮᭀᬫᬧᬸᬕ᭄ᬕᬮᭀ

᭒᭔᭘. (ᬓ) ᬬᬲ᭄ᬲ ᬘᬓ᭄ᬔᬵᬬᬢᬦᬂ ᬉᬧ᭄ᬧᬚ᭄ᬚᬶᬢ᭄ᬣ ᬢᬲ᭄ᬲ ᬲᭀᬢᬵᬬᬢᬦᬂ ᬦᬶᬭᬸᬚ᭄ᬛᬶᬲ᭄ᬲᬢᬷᬢᬶ?

ᬧᬜ᭄ᬘᬯᭀᬓᬵᬭᬾ ᬧᬭᬶᬦᬶᬩ᭄ᬩᬦ᭄ᬢᬵᬦᬂ ᬅᬭᬹᬧᬾ ᬧᬘ᭄ᬙᬶᬫᬪᬯᬶᬓᬵᬦᬂ ᬬᬾ ᬘ ᬅᬭᬹᬧᬂ ᬉᬧᬧᬚ᭄ᬚᬶᬢ᭄ᬯᬵ ᬧᬭᬶᬦᬶᬩ᭄ᬩᬵᬬᬶᬲ᭄ᬲᬦ᭄ᬢᬶ ᬢᬾᬲᬂ ᬘᬯᬦ᭄ᬢᬵᬦᬂ ᬢᬾᬲᬂ ᬘᬓ᭄ᬔᬵᬬᬢᬦᬂ ᬉᬧ᭄ᬧᬚ᭄ᬚᬶᬢ᭄ᬣ, ᬦᭀ ᬘ ᬢᬾᬲᬂ ᬲᭀᬢᬵᬬᬢᬦᬂ ᬦᬶᬭᬸᬚ᭄ᬛᬶᬲ᭄ᬲᬢᬶ. ᬇᬢᬭᬾᬲᬂ ᬢᬾᬲᬂ ᬘᬓ᭄ᬔᬵᬬᬢᬦᬜ᭄ᬘ ᬉᬧ᭄ᬧᬚ᭄ᬚᬶᬢ᭄ᬣ ᬲᭀᬢᬵᬬᬢᬦᬜ᭄ᬘ ᬦᬶᬭᬸᬚ᭄ᬛᬶᬲ᭄ᬲᬢᬶ.

(ᬔ) ᬬᬲ᭄ᬲ ᬯᬵ ᬧᬦ ᬲᭀᬢᬵᬬᬢᬦᬂ ᬦᬶᬭᬸᬚ᭄ᬛᬶᬲ᭄ᬲᬢᬶ ᬢᬲ᭄ᬲ ᬘᬓ᭄ᬔᬵᬬᬢᬦᬂ ᬉᬧ᭄ᬧᬚ᭄ᬚᬶᬢ᭄ᬣᬵᬢᬶ? ᬆᬫᬦ᭄ᬢᬵ.

(ᬬᬣᬵ ᬦᬶᬭᭀᬥᬯᬵᬭᬾ ᬅᬢᬷᬢᬵᬦᬵᬕᬢᬵ [ᬅᬢᬷᬢᬾᬦᬵᬦᬵᬕᬢᬵ (ᬲ᭄ᬬᬵ.)] ᬧᬸᬘ᭄ᬙᬵ ᬬᬲ᭄ᬲᬓᬫ᭄ᬧᬶ ᬬᬢ᭄ᬣᬓᬫ᭄ᬧᬶ ᬬᬲ᭄ᬲᬬᬢ᭄ᬣᬓᬫ᭄ᬧᬶ ᬅᬦᬸᬮᭀᬫᬫ᭄ᬧᬶ ᬧᬘ᭄ᬘᬦᬷᬓᬫ᭄ᬧᬶ ᬯᬶᬪᬢ᭄ᬢᬂ, ᬏᬯᬂ ᬉᬧ᭄ᬧᬵᬤᬦᬶᬭᭀᬥᬾᬧᬶ ᬅᬢᬷᬢᬵᬦᬵᬕᬢᬵ ᬧᬸᬘ᭄ᬙᬵ ᬯᬶᬪᬚᬶᬢᬩ᭄ᬩᬵ.)

ᬉᬧ᭄ᬧᬵᬤᬦᬶᬭᭀᬥᬯᬵᬭᭀ.

ᬧᬯᬢ᭄ᬢᬶᬯᬵᬭᭀ ᬦᬶᬝ᭄ᬞᬶᬢᭀ.