᭓. ᬲᬸᬤ᭄ᬥᬔᬦ᭄ᬥᬯᬵᬭᭀ

(ᬓ) ᬅᬦᬸᬮᭀᬫᬂ

᭓᭘. (ᬓ) ᬭᬹᬧᬂ ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬔ) ᬔᬦ᭄ᬥᬵ ᬭᬹᬧᬓ᭄ᬔᬦ᭄ᬥᭀᬢᬶ?

ᬭᬹᬧᬓ᭄ᬔᬦ᭄ᬥᭀ ᬔᬦ᭄ᬥᭀ ᬘᬾᬯ ᬭᬹᬧᬓ᭄ᬔᬦ᭄ᬥᭀ ᬘ. ᬅᬯᬲᬾᬲᬵ ᬔᬦ᭄ᬥᬵ ᬦ ᬭᬹᬧᬓ᭄ᬔᬦ᭄ᬥᭀ.

(ᬓ) ᬯᬾᬤᬦᬵ ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬔ) ᬔᬦ᭄ᬥᬵ ᬯᬾᬤᬦᬵᬓ᭄ᬔᬦ᭄ᬥᭀᬢᬶ?

ᬯᬾᬤᬦᬵᬓ᭄ᬔᬦ᭄ᬥᭀ ᬔᬦ᭄ᬥᭀ ᬘᬾᬯ ᬯᬾᬤᬦᬵᬓ᭄ᬔᬦ᭄ᬥᭀ ᬘ. ᬅᬯᬲᬾᬲᬵ ᬔᬦ᭄ᬥᬵ ᬦ ᬯᬾᬤᬦᬵᬓ᭄ᬔᬦ᭄ᬥᭀ.

(ᬓ) ᬲᬜ᭄ᬜᬵ ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬔ) ᬔᬦ᭄ᬥᬵ ᬲᬜ᭄ᬜᬵᬓ᭄ᬔᬦ᭄ᬥᭀᬢᬶ?

ᬲᬜ᭄ᬜᬵᬓ᭄ᬔᬦ᭄ᬥᭀ ᬔᬦ᭄ᬥᭀ ᬘᬾᬯ ᬲᬜ᭄ᬜᬵᬓ᭄ᬔᬦ᭄ᬥᭀ ᬘ. ᬅᬯᬲᬾᬲᬵ ᬔᬦ᭄ᬥᬵ ᬦ ᬲᬜ᭄ᬜᬵᬓ᭄ᬔᬦ᭄ᬥᭀ.

(ᬓ) ᬲᬗ᭄ᬔᬵᬭᬵ ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬔ) ᬔᬦ᭄ᬥᬵ ᬲᬗ᭄ᬔᬵᬭᬓ᭄ᬔᬦ᭄ᬥᭀᬢᬶ?

ᬲᬗ᭄ᬔᬵᬭᬓ᭄ᬔᬦ᭄ᬥᭀ ᬔᬦ᭄ᬥᭀ ᬘᬾᬯ ᬲᬗ᭄ᬔᬵᬭᬓ᭄ᬔᬦ᭄ᬥᭀ ᬘ. ᬅᬯᬲᬾᬲᬵ ᬔᬦ᭄ᬥᬵ ᬦ ᬲᬗ᭄ᬔᬵᬭᬓ᭄ᬔᬦ᭄ᬥᭀ.

(ᬓ) ᬯᬶᬜ᭄ᬜᬵᬡᬂ ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬔ) ᬔᬦ᭄ᬥᬵ ᬯᬶᬜ᭄ᬜᬵᬡᬓ᭄ᬔᬦ᭄ᬥᭀᬢᬶ?

ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ ᬔᬦ᭄ᬥᭀ ᬘᬾᬯ ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ ᬘ. ᬅᬯᬲᬾᬲᬵ ᬔᬦ᭄ᬥᬵ ᬦ ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ.

(ᬔ) ᬧᬘ᭄ᬘᬦᬷᬓᬂ

᭓᭙. (ᬓ) ᬦ ᬭᬹᬧᬂ ᬦ ᬔᬦ᭄ᬥᭀᬢᬶ?

ᬭᬹᬧᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬔᬦ᭄ᬥᬵ ᬦ ᬭᬹᬧᬂ, ᬔᬦ᭄ᬥᬵ. ᬭᬹᬧᬜ᭄ᬘ ᬔᬦ᭄ᬥᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬭᬹᬧᬂ ᬦ ᬘ ᬔᬦ᭄ᬥᬵ.

(ᬔ) ᬦ ᬔᬦ᭄ᬥᬵ ᬦ ᬭᬹᬧᬓ᭄ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬓ) ᬦ ᬯᬾᬤᬦᬵ ᬦ ᬔᬦ᭄ᬥᭀᬢᬶ?

ᬯᬾᬤᬦᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬔᬦ᭄ᬥᬵ ᬦ ᬯᬾᬤᬦᬵ, ᬔᬦ᭄ᬥᬵ. ᬯᬾᬤᬦᬜ᭄ᬘ ᬔᬦ᭄ᬥᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬯᬾᬤᬦᬵ ᬦ ᬘ ᬔᬦ᭄ᬥᬵ.

(ᬔ) ᬦ ᬔᬦ᭄ᬥᬵ ᬦ ᬯᬾᬤᬦᬵᬓ᭄ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬓ) ᬦ ᬲᬜ᭄ᬜᬵ ᬦ ᬔᬦ᭄ᬥᭀᬢᬶ?

ᬲᬜ᭄ᬜᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬔᬦ᭄ᬥᬵ ᬦ ᬲᬜ᭄ᬜᬵ, ᬔᬦ᭄ᬥᬵ. ᬲᬜ᭄ᬜᬜ᭄ᬘ ᬔᬦ᭄ᬥᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬲᬜ᭄ᬜᬵ ᬦ ᬘ ᬔᬦ᭄ᬥᬵ.

(ᬔ) ᬦ ᬔᬦ᭄ᬥᬵ ᬦ ᬲᬜ᭄ᬜᬵᬓ᭄ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬓ) ᬦ ᬲᬗ᭄ᬔᬵᬭᬵ ᬦ ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬔ) ᬦ ᬔᬦ᭄ᬥᬵ ᬦ ᬲᬗ᭄ᬔᬵᬭᬓ᭄ᬔᬦ᭄ᬥᭀᬢᬶ? ᬆᬫᬦ᭄ᬢᬵ.

(ᬓ) ᬦ ᬯᬶᬜ᭄ᬜᬵᬡᬂ ᬦ ᬔᬦ᭄ᬥᭀᬢᬶ?

ᬯᬶᬜ᭄ᬜᬵᬡᬂ ᬞᬧᬾᬢ᭄ᬯᬵ ᬅᬯᬲᬾᬲᬵ ᬔᬦ᭄ᬥᬵ ᬦ ᬯᬶᬜ᭄ᬜᬵᬡᬂ, ᬔᬦ᭄ᬥᬵ. ᬯᬶᬜ᭄ᬜᬵᬡᬜ᭄ᬘ ᬔᬦ᭄ᬥᬾ ᬘ ᬞᬧᬾᬢ᭄ᬯᬵ ᬅᬯᬲᬾᬲᬵ ᬦ ᬘᬾᬯ ᬯᬶᬜ᭄ᬜᬵᬡᬂ ᬦ ᬘ ᬔᬦ᭄ᬥᬵ.

(ᬔ) ᬦ ᬔᬦ᭄ᬥᬵ ᬦ ᬯᬶᬜ᭄ᬜᬵᬡᬓ᭄ᬔᬦ᭄ᬥᭀᬢᬶ? ᬆᬫᬦ᭄ᬢᬵ.