᭒. ᬤᬸᬓᬂ

᭔᭓᭐. ᬦ ᬳᬾᬢᬹ. ᬲᬳᬾᬢᬸᬓᬵ. ᬳᬾᬢᬸᬲᬫ᭄ᬧᬬᬸᬢ᭄ᬢᬵ. ᬦ ᬯᬢ᭄ᬢᬩ᭄ᬩᬵ ᬳᬾᬢᬹ ᬘᬾᬯ ᬲᬳᬾᬢᬸᬓᬵ ᬘᬵᬢᬶ, ᬲᬳᬾᬢᬸᬓᬵ ᬘᬾᬯ ᬦ ᬘ ᬳᬾᬢᬹ. ᬦ ᬯᬢ᭄ᬢᬩ᭄ᬩᬵ ᬳᬾᬢᬹ ᬘᬾᬯ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬵᬢᬶ, ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦ ᬘ ᬳᬾᬢᬹ. ᬦ ᬳᬾᬢᬹ ᬲᬳᬾᬢᬸᬓᬵ. ᬲᬧ᭄ᬧᬘ᭄ᬘᬬᬵ. ᬲᬗ᭄ᬔᬢᬵ. ᬅᬦᬶᬤᬲ᭄ᬲᬦᬵ. ᬅᬧ᭄ᬧᬝᬶᬖᬵ. ᬅᬭᬹᬧᬵ. ᬮᭀᬓᬸᬢ᭄ᬢᬭᬵ. ᬓᬾᬦᬘᬶ ᬯᬶᬜ᭄ᬜᬾᬬ᭄ᬬᬵ, ᬓᬾᬦᬘᬶ ᬦ ᬯᬶᬜ᭄ᬜᬾᬬ᭄ᬬᬵ. ᬦᭀ ᬆᬲᬯᬵ. ᬅᬦᬵᬲᬯᬵ. ᬆᬲᬯᬯᬶᬧ᭄ᬧᬬᬸᬢ᭄ᬢᬵ. ᬦ ᬯᬢ᭄ᬢᬩ᭄ᬩᬵ ᬆᬲᬯᬵ ᬘᬾᬯ ᬲᬵᬲᬯᬵ ᬘᬵᬢᬶᬧᬶ, ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵᬢᬶᬧᬶ. ᬦ ᬯᬢ᭄ᬢᬩ᭄ᬩᬵ ᬆᬲᬯᬵ ᬘᬾᬯ ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬵᬢᬶᬧᬶ, ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬆᬲᬯᬵᬢᬶᬧᬶ. ᬆᬲᬯᬯᬶᬧ᭄ᬧᬬᬸᬢ᭄ᬢᬵ. ᬅᬦᬵᬲᬯᬵ. ᬦᭀ ᬲᬂᬬᭀᬚᬦᬵ…ᬧᬾ… ᬦᭀ ᬕᬦ᭄ᬣᬵ…ᬧᬾ… ᬦᭀ ᬑᬖᬵ…ᬧᬾ… ᬦᭀ ᬬᭀᬕᬵ…ᬧᬾ… ᬦᭀ ᬦᬷᬯᬭᬡᬵ…ᬧᬾ… ᬦᭀ ᬧᬭᬵᬫᬵᬲᬵ…ᬧᬾ… ᬲᬵᬭᬫ᭄ᬫᬡᬵ. ᬦᭀ ᬘᬶᬢ᭄ᬢᬵ. ᬘᬾᬢᬲᬶᬓᬵ. ᬘᬶᬢ᭄ᬢᬲᬫ᭄ᬧᬬᬸᬢ᭄ᬢᬵ. ᬘᬶᬢ᭄ᬢᬲᬂᬲᬝ᭄ᬞᬵ. ᬘᬶᬢ᭄ᬢᬲᬫᬸᬝ᭄ᬞᬵᬦᬵ. ᬘᬶᬢ᭄ᬢᬲᬳᬪᬸᬦᭀ. ᬘᬶᬢ᭄ᬢᬵᬦᬸᬧᬭᬶᬯᬢ᭄ᬢᬶᬦᭀ. ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵ. ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬲᬳᬪᬸᬦᭀ. ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵᬦᬸᬧᬭᬶᬯᬢ᭄ᬢᬶᬦᭀ. ᬩᬵᬳᬶᬭᬵ. ᬦᭀ ᬉᬧᬵᬤᬵ. ᬅᬦᬸᬧᬵᬤᬶᬦ᭄ᬦᬵ. ᬦᭀ ᬉᬧᬵᬤᬵᬦᬵ…ᬧᬾ… ᬦᭀ ᬓᬶᬮᬾᬲᬵ…ᬧᬾ… ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬵ. ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬵ. ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬳᬾᬢᬸᬓᬵ. ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬳᬾᬢᬸᬓᬵ. ᬲᬶᬬᬵ ᬲᬯᬶᬢᬓ᭄ᬓᬵ, ᬲᬶᬬᬵ ᬅᬯᬶᬢᬓ᭄ᬓᬵ. ᬲᬶᬬᬵ ᬲᬯᬶᬘᬵᬭᬵ, ᬲᬶᬬᬵ ᬅᬯᬶᬘᬵᬭᬵ. ᬲᬶᬬᬵ ᬲᬧ᭄ᬧᬷᬢᬶᬓᬵ, ᬲᬶᬬᬵ ᬅᬧ᭄ᬧᬷᬢᬶᬓᬵ. ᬲᬶᬬᬵ ᬧᬷᬢᬶᬲᬳᬕᬢᬵ, ᬲᬶᬬᬵ ᬦ ᬧᬷᬢᬶᬲᬳᬕᬢᬵ. ᬲᬶᬬᬵ ᬲᬸᬔᬲᬳᬕᬢᬵ, ᬲᬶᬬᬵ ᬦ ᬲᬸᬔᬲᬳᬕᬢᬵ. ᬲᬶᬬᬵ ᬉᬧᬾᬓ᭄ᬔᬵᬲᬳᬕᬢᬵ, ᬲᬶᬬᬵ ᬦ ᬉᬧᬾᬓ᭄ᬔᬵᬲᬳᬕᬢᬵ. ᬦ ᬓᬵᬫᬵᬯᬘᬭᬵ. ᬦ ᬭᬹᬧᬵᬯᬘᬭᬵ. ᬦ ᬅᬭᬹᬧᬵᬯᬘᬭᬵ. ᬅᬧᬭᬶᬬᬵᬧᬦ᭄ᬦᬵ. ᬦᬶᬬ᭄ᬬᬵᬦᬶᬓᬵ. ᬦᬶᬬᬢᬵ. ᬅᬦᬸᬢ᭄ᬢᬭᬵ. ᬅᬭᬡᬵᬢᬶ.

ᬧᬜ᭄ᬳᬵᬧᬸᬘ᭄ᬙᬓᬂ.

ᬲᬫ᭄ᬫᬧ᭄ᬧᬥᬵᬦᬯᬶᬪᬗ᭄ᬕᭀ ᬦᬶᬝ᭄ᬞᬶᬢᭀ.