᭓. ᬘᬶᬢ᭄ᬢᬵᬦᬸᬧᬲ᭄ᬲᬦᬵᬦᬶᬤ᭄ᬤᬾᬲᭀ

᭓᭖᭕. ᬓᬣᬜ᭄ᬘ ᬪᬶᬓ᭄ᬔᬸ ᬅᬚ᭄ᬛᬢ᭄ᬢᬂ ᬘᬶᬢ᭄ᬢᬾ ᬘᬶᬢ᭄ᬢᬵᬦᬸᬧᬲ᭄ᬲᬷ ᬯᬶᬳᬭᬢᬶ? ᬇᬥ ᬪᬶᬓ᭄ᬔᬸ ᬲᬭᬵᬕᬂ ᬯᬵ ᬘᬶᬢ᭄ᬢᬂ ‘‘ᬲᬭᬵᬕᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬭᬵᬕᬂ ᬯᬵ ᬘᬶᬢ᭄ᬢᬂ ‘‘ᬯᬷᬢᬭᬵᬕᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬤᭀᬲᬂ ᬯᬵ ᬘᬶᬢ᭄ᬢᬂ ‘‘ᬲᬤᭀᬲᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬤᭀᬲᬂ ᬯᬵ ᬘᬶᬢ᭄ᬢᬂ ‘‘ᬯᬷᬢᬤᭀᬲᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬫᭀᬳᬂ ᬯᬵ ᬘᬶᬢ᭄ᬢᬂ ‘‘ᬲᬫᭀᬳᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬫᭀᬳᬂ ᬯᬵ ᬘᬶᬢ᭄ᬢᬂ ‘‘ᬯᬷᬢᬫᭀᬳᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬂᬔᬶᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬲᬂᬔᬶᬢ᭄ᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬶᬓ᭄ᬔᬶᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬯᬶᬓ᭄ᬔᬶᬢ᭄ᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬫᬳᬕ᭄ᬕᬢᬂ ᬯᬵ ᬘᬶᬢ᭄ᬢᬂ ‘‘ᬫᬳᬕ᭄ᬕᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬫᬳᬕ᭄ᬕᬢᬂ ᬯᬵ ᬘᬶᬢ᭄ᬢᬂ ‘‘ᬅᬫᬳᬕ᭄ᬕᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬉᬢ᭄ᬢᬭᬂ ᬯᬵ ᬘᬶᬢ᭄ᬢᬂ ‘‘ᬲᬉᬢ᭄ᬢᬭᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬦᬸᬢ᭄ᬢᬭᬂ ᬯᬵ ᬘᬶᬢ᭄ᬢᬂ ‘‘ᬅᬦᬸᬢ᭄ᬢᬭᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬫᬵᬳᬶᬢᬂ ᬯᬵ ᬘᬶᬢ᭄ᬢᬂ ‘‘ᬲᬫᬵᬳᬶᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬲᬫᬵᬳᬶᬢᬂ ᬯᬵ ᬘᬶᬢ᭄ᬢᬂ ‘‘ᬅᬲᬫᬵᬳᬶᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬶᬫᬸᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬯᬶᬫᬸᬢ᭄ᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬯᬶᬫᬸᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬅᬯᬶᬫᬸᬢ᭄ᬢᬂ ᬫᬾ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ. ᬲᭀ ᬢᬂ ᬦᬶᬫᬶᬢ᭄ᬢᬂ ᬆᬲᬾᬯᬢᬶ ᬪᬵᬯᬾᬢᬶ ᬩᬳᬸᬮᬷᬓᬭᭀᬢᬶ ᬲ᭄ᬯᬵᬯᬢ᭄ᬣᬶᬢᬂ ᬯᬯᬢ᭄ᬣᬧᬾᬢᬶ. ᬲᭀ ᬢᬂ ᬦᬶᬫᬶᬢ᭄ᬢᬂ ᬆᬲᬾᬯᬶᬢ᭄ᬯᬵ ᬪᬵᬯᬾᬢ᭄ᬯᬵ ᬩᬳᬸᬮᬷᬓᬭᬶᬢ᭄ᬯᬵ ᬲ᭄ᬯᬵᬯᬢ᭄ᬣᬶᬢᬂ ᬯᬯᬢ᭄ᬣᬧᬾᬢ᭄ᬯᬵ ᬩᬳᬶᬤ᭄ᬥᬵ ᬘᬶᬢ᭄ᬢᬾ ᬘᬶᬢ᭄ᬢᬂ ᬉᬧᬲᬂᬳᬭᬢᬶ.

ᬓᬣᬜ᭄ᬘ ᬪᬶᬓ᭄ᬔᬸ ᬩᬳᬶᬤ᭄ᬥᬵ ᬘᬶᬢ᭄ᬢᬾ ᬘᬶᬢ᭄ᬢᬵᬦᬸᬧᬲ᭄ᬲᬷ ᬯᬶᬳᬭᬢᬶ? ᬇᬥ ᬪᬶᬓ᭄ᬔᬸ ᬲᬭᬵᬕᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬲᬭᬵᬕᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬭᬵᬕᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬯᬷᬢᬭᬵᬕᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬤᭀᬲᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬲᬤᭀᬲᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬤᭀᬲᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬯᬷᬢᬤᭀᬲᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬫᭀᬳᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬲᬫᭀᬳᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬫᭀᬳᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬯᬷᬢᬫᭀᬳᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬂᬔᬶᬢ᭄ᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬲᬂᬔᬶᬢ᭄ᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬶᬓ᭄ᬔᬶᬢ᭄ᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬯᬶᬓ᭄ᬔᬶᬢ᭄ᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬫᬳᬕ᭄ᬕᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬫᬳᬕ᭄ᬕᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬫᬳᬕ᭄ᬕᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬅᬫᬳᬕ᭄ᬕᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬉᬢ᭄ᬢᬭᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬲᬉᬢ᭄ᬢᬭᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬦᬸᬢ᭄ᬢᬭᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬅᬦᬸᬢ᭄ᬢᬭᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬫᬵᬳᬶᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬲᬫᬵᬳᬶᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬲᬫᬵᬳᬶᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬅᬲᬫᬵᬳᬶᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬶᬫᬸᬢ᭄ᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬯᬶᬫᬸᬢ᭄ᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬯᬶᬫᬸᬢ᭄ᬢᬂ ᬯᬵᬲ᭄ᬲ ᬘᬶᬢ᭄ᬢᬂ ‘‘ᬅᬯᬶᬫᬸᬢ᭄ᬢᬫᬲ᭄ᬲ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ. ᬲᭀ ᬢᬂ ᬦᬶᬫᬶᬢ᭄ᬢᬂ ᬆᬲᬾᬯᬢᬶ ᬪᬵᬯᬾᬢᬶ ᬩᬳᬸᬮᬷᬓᬭᭀᬢᬶ ᬲ᭄ᬯᬵᬯᬢ᭄ᬣᬶᬢᬂ ᬯᬯᬢ᭄ᬣᬧᬾᬢᬶ. ᬲᭀ ᬢᬂ ᬦᬶᬫᬶᬢ᭄ᬢᬂ ᬆᬲᬾᬯᬶᬢ᭄ᬯᬵ ᬪᬵᬯᬾᬢ᭄ᬯᬵ ᬩᬳᬸᬮᬷᬓᬭᬶᬢ᭄ᬯᬵ ᬲ᭄ᬯᬵᬯᬢ᭄ᬣᬶᬢᬂ ᬯᬯᬢ᭄ᬣᬧᬾᬢ᭄ᬯᬵ ᬅᬚ᭄ᬛᬢ᭄ᬢᬩᬳᬶᬤ᭄ᬥᬵ ᬘᬶᬢ᭄ᬢᬾ ᬘᬶᬢ᭄ᬢᬂ ᬉᬧᬲᬂᬳᬭᬢᬶ.

ᬓᬣᬜ᭄ᬘ ᬪᬶᬓ᭄ᬔᬸ ᬅᬚ᭄ᬛᬢ᭄ᬢᬩᬳᬶᬤ᭄ᬥᬵ ᬘᬶᬢ᭄ᬢᬾ ᬘᬶᬢ᭄ᬢᬵᬦᬸᬧᬲ᭄ᬲᬷ ᬯᬶᬳᬭᬢᬶ? ᬇᬥ ᬪᬶᬓ᭄ᬔᬸ ᬲᬭᬵᬕᬂ ᬯᬵ ᬘᬶᬢ᭄ᬢᬂ ‘‘ᬲᬭᬵᬕᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬭᬵᬕᬂ ᬯᬵ ᬘᬶᬢ᭄ᬢᬂ ‘‘ᬯᬷᬢᬭᬵᬕᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬤᭀᬲᬂ ᬯᬵ ᬘᬶᬢ᭄ᬢᬂ ‘‘ᬲᬤᭀᬲᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬤᭀᬲᬂ ᬯᬵ ᬘᬶᬢ᭄ᬢᬂ ‘‘ᬯᬷᬢᬤᭀᬲᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬫᭀᬳᬂ ᬯᬵ ᬘᬶᬢ᭄ᬢᬂ ‘‘ᬲᬫᭀᬳᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬷᬢᬫᭀᬳᬂ ᬯᬵ ᬘᬶᬢ᭄ᬢᬂ ‘‘ᬯᬷᬢᬫᭀᬳᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬂᬔᬶᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬲᬂᬔᬶᬢ᭄ᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬶᬓ᭄ᬔᬶᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬯᬶᬓ᭄ᬔᬶᬢ᭄ᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬫᬳᬕ᭄ᬕᬢᬂ ᬯᬵ ᬘᬶᬢ᭄ᬢᬂ ‘‘ᬫᬳᬕ᭄ᬕᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬫᬳᬕ᭄ᬕᬢᬂ ᬯᬵ ᬘᬶᬢ᭄ᬢᬂ ‘‘ᬅᬫᬳᬕ᭄ᬕᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬉᬢ᭄ᬢᬭᬂ ᬯᬵ ᬘᬶᬢ᭄ᬢᬂ ‘‘ᬲᬉᬢ᭄ᬢᬭᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬦᬸᬢ᭄ᬢᬭᬂ ᬯᬵ ᬘᬶᬢ᭄ᬢᬂ ‘‘ᬅᬦᬸᬢ᭄ᬢᬭᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬲᬫᬵᬳᬶᬢᬂ ᬯᬵ ᬘᬶᬢ᭄ᬢᬂ ‘‘ᬲᬫᬵᬳᬶᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬲᬫᬵᬳᬶᬢᬂ ᬯᬵ ᬘᬶᬢ᭄ᬢᬂ ‘‘ᬅᬲᬫᬵᬳᬶᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬯᬶᬫᬸᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬯᬶᬫᬸᬢ᭄ᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ, ᬅᬯᬶᬫᬸᬢ᭄ᬢᬂ ᬯᬵ ᬘᬶᬢ᭄ᬢᬂ ‘‘ᬅᬯᬶᬫᬸᬢ᭄ᬢᬂ ᬘᬶᬢ᭄ᬢ’’ᬦ᭄ᬢᬶ ᬧᬚᬵᬦᬵᬢᬶ. ᬏᬯᬂ ᬪᬶᬓ᭄ᬔᬸ ᬅᬚ᭄ᬛᬢ᭄ᬢᬩᬳᬶᬤ᭄ᬥᬵ ᬘᬶᬢ᭄ᬢᬾ ᬘᬶᬢ᭄ᬢᬵᬦᬸᬧᬲ᭄ᬲᬷ ᬯᬶᬳᬭᬢᬶ ᬆᬢᬵᬧᬷ ᬲᬫ᭄ᬧᬚᬵᬦᭀ ᬲᬢᬶᬫᬵ ᬯᬶᬦᬾᬬ᭄ᬬ ᬮᭀᬓᬾ ᬅᬪᬶᬚ᭄ᬛᬵᬤᭀᬫᬦᬲ᭄ᬲᬂ.

᭓᭖᭖. ᬅᬦᬸᬧᬲ᭄ᬲᬷᬢᬶ…ᬧᬾ… ᬯᬶᬳᬭᬢᬷᬢᬶ…ᬧᬾ… ᬆᬢᬵᬧᬷᬢᬶ…ᬧᬾ… ᬲᬫ᭄ᬧᬚᬵᬦᭀᬢᬶ…ᬧᬾ… ᬲᬢᬶᬫᬵᬢᬶ…ᬧᬾ… ᬯᬶᬦᬾᬬ᭄ᬬ ᬮᭀᬓᬾ ᬅᬪᬶᬚ᭄ᬛᬵᬤᭀᬫᬦᬲ᭄ᬲᬦ᭄ᬢᬶ. ᬢᬢ᭄ᬣ ᬓᬢᬫᭀ ᬮᭀᬓᭀ? ᬢᬂᬬᬾᬯ ᬘᬶᬢ᭄ᬢᬂ ᬮᭀᬓᭀ. ᬧᬜ᭄ᬘᬧᬶ ᬉᬧᬵᬤᬵᬦᬓ᭄ᬔᬦ᭄ᬥᬵ ᬮᭀᬓᭀ – ᬢᬢ᭄ᬣ ᬓᬢᬫᬵ ᬅᬪᬶᬚ᭄ᬛᬵ? ᬬᭀ ᬭᬵᬕᭀ ᬲᬵᬭᬵᬕᭀ…ᬧᬾ… ᬘᬶᬢ᭄ᬢᬲ᭄ᬲ ᬲᬵᬭᬵᬕᭀ – ᬅᬬᬂ ᬯᬸᬘ᭄ᬘᬢᬶ ‘‘ᬅᬪᬶᬚ᭄ᬛᬵ’’. ᬢᬢ᭄ᬣ ᬓᬢᬫᬂ ᬤᭀᬫᬦᬲ᭄ᬲᬂ? ᬬᬂ ᬘᬾᬢᬲᬶᬓᬂ ᬅᬲᬵᬢᬂ ᬘᬾᬢᬲᬶᬓᬂ ᬤᬸᬓ᭄ᬔᬂ ᬘᬾᬢᭀᬲᬫ᭄ᬨᬲ᭄ᬲᬚᬂ ᬅᬲᬵᬢᬂ ᬤᬸᬓ᭄ᬔᬂ ᬯᬾᬤᬬᬶᬢᬂ ᬘᬾᬢᭀᬲᬫ᭄ᬨᬲ᭄ᬲᬚᬵ ᬅᬲᬵᬢᬵ ᬤᬸᬓ᭄ᬔᬵ ᬯᬾᬤᬦᬵ – ᬇᬤᬂ ᬯᬸᬘ᭄ᬘᬢᬶ ‘‘ᬤᭀᬫᬦᬲ᭄ᬲᬂ’’. ᬇᬢᬶ ᬅᬬᬜ᭄ᬘ ᬅᬪᬶᬚ᭄ᬛᬵ ᬇᬤᬜ᭄ᬘ ᬤᭀᬫᬦᬲ᭄ᬲᬂ ᬇᬫᬫ᭄ᬳᬶ ᬮᭀᬓᬾ ᬯᬶᬦᬷᬢᬵ ᬳᭀᬦ᭄ᬢᬶ ᬧᬝᬶᬯᬶᬦᬷᬢᬵ ᬲᬦ᭄ᬢᬵ ᬲᬫᬶᬢᬵ ᬯᬹᬧᬲᬦ᭄ᬢᬵ ᬅᬢ᭄ᬣᬗ᭄ᬕᬢᬵ ᬅᬩ᭄ᬪᬢ᭄ᬣᬗ᭄ᬕᬢᬵ ᬅᬧ᭄ᬧᬶᬢᬵ ᬩ᭄ᬬᬧ᭄ᬧᬶᬢᬵ ᬲᭀᬲᬶᬢᬵ ᬯᬶᬲᭀᬲᬶᬢᬵ ᬩ᭄ᬬᬦ᭄ᬢᬷᬓᬢᬵ. ᬢᬾᬦ ᬯᬸᬘ᭄ᬘᬢᬶ ‘‘ᬯᬶᬦᬾᬬ᭄ᬬ ᬮᭀᬓᬾ ᬅᬪᬶᬚ᭄ᬛᬵᬤᭀᬫᬦᬲ᭄ᬲ’’ᬦ᭄ᬢᬶ.

ᬘᬶᬢ᭄ᬢᬵᬦᬸᬧᬲ᭄ᬲᬦᬵᬦᬶᬤ᭄ᬤᬾᬲᭀ.