᭒. ᬤᬸᬓᬂ

᭒᭒᭔. ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵ ᬳᬾᬢᬹ. ᬅᬝ᭄ᬞᬵᬭᬲᬶᬦ᭄ᬤ᭄ᬭᬶᬬᬵ ᬦ ᬳᬾᬢᬹ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬲᬳᬾᬢᬸᬓᬵ. ᬦᬯᬶᬦ᭄ᬤ᭄ᬭᬶᬬᬵ ᬅᬳᬾᬢᬸᬓᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬲᬳᬾᬢᬸᬓᬵ, ᬲᬶᬬᬵ ᬅᬳᬾᬢᬸᬓᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬳᬾᬢᬸᬲᬫ᭄ᬧᬬᬸᬢ᭄ᬢᬵ. ᬦᬯᬶᬦ᭄ᬤ᭄ᬭᬶᬬᬵ ᬳᬾᬢᬸᬯᬶᬧ᭄ᬧᬬᬸᬢ᭄ᬢᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬳᬾᬢᬸᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬳᬾᬢᬸᬯᬶᬧ᭄ᬧᬬᬸᬢ᭄ᬢᬵ. ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵ ᬳᬾᬢᬹ ᬘᬾᬯ ᬲᬳᬾᬢᬸᬓᬵ ᬘ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬹ ᬘᬾᬯ ᬲᬳᬾᬢᬸᬓᬵ ᬘᬵ’’ᬢᬶᬧᬶ, ‘‘ᬲᬳᬾᬢᬸᬓᬵ ᬘᬾᬯ ᬦ ᬘ ᬳᬾᬢᬹ’’ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬹ ᬘᬾᬯ ᬲᬳᬾᬢᬸᬓᬵ ᬘᬵ’’ᬢᬶ. ᬲᬳᬾᬢᬸᬓᬵ ᬘᬾᬯ ᬦ ᬘ ᬳᬾᬢᬹ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬹ ᬘᬾᬯ ᬲᬳᬾᬢᬸᬓᬵ ᬘᬵ’’ᬢᬶ, ᬲᬶᬬᬵ ᬲᬳᬾᬢᬸᬓᬵ ᬘᬾᬯ ᬦ ᬘ ᬳᬾᬢᬹ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬳᬾᬢᬸᬓᬵ ᬘᬾᬯ ᬦ ᬘ ᬳᬾᬢᬹ’’ᬢᬶ.

ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵ ᬳᬾᬢᬹ ᬘᬾᬯ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬹ ᬘᬾᬯ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦ ᬘ ᬳᬾᬢᬹ’’ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬹ ᬘᬾᬯ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ‘‘ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦ ᬘ ᬳᬾᬢᬹ’’. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬹ ᬘᬾᬯ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦ ᬘ ᬳᬾᬢᬹ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦ ᬘ ᬳᬾᬢᬹ’’ᬢᬶ.

ᬦᬯᬶᬦ᭄ᬤ᭄ᬭᬶᬬᬵ ᬦ ᬳᬾᬢᬹ ᬅᬳᬾᬢᬸᬓᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬳᬾᬢᬹ ᬲᬳᬾᬢᬸᬓᬵ. ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦ ᬳᬾᬢᬹ ᬲᬳᬾᬢᬸᬓᬵ’’ᬢᬶᬧᬶ, ‘‘ᬦ ᬳᬾᬢᬹ ᬅᬳᬾᬢᬸᬓᬵ’’ᬢᬶᬧᬶ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬦ ᬳᬾᬢᬹ ᬲᬳᬾᬢᬸᬓᬵ, ᬲᬶᬬᬵ ᬦ ᬳᬾᬢᬹ ᬅᬳᬾᬢᬸᬓᬵ.

ᬲᬧ᭄ᬧᬘ᭄ᬘᬬᬵ. ᬲᬗ᭄ᬔᬢᬵ. ᬅᬦᬶᬤᬲ᭄ᬲᬦᬵ. ᬧᬜ᭄ᬘᬶᬦ᭄ᬤ᭄ᬭᬶᬬᬵ ᬲᬧ᭄ᬧᬝᬶᬖᬵ. ᬲᬢ᭄ᬢᬭᬲᬶᬦ᭄ᬤ᭄ᬭᬶᬬᬵ ᬅᬧ᭄ᬧᬝᬶᬖᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬭᬹᬧᬵ. ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵ ᬅᬭᬹᬧᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬭᬹᬧᬂ, ᬲᬶᬬᬵ ᬅᬭᬹᬧᬂ. ᬤᬲᬶᬦ᭄ᬤ᭄ᬭᬶᬬᬵ ᬮᭀᬓᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬮᭀᬓᬸᬢ᭄ᬢᬭᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬮᭀᬓᬶᬬᬵ, ᬲᬶᬬᬵ ᬮᭀᬓᬸᬢ᭄ᬢᬭᬵ; ᬓᬾᬦᬘᬶ ᬯᬶᬜ᭄ᬜᬾᬬ᭄ᬬᬵ, ᬓᬾᬦᬘᬶ ᬦ ᬯᬶᬜ᭄ᬜᬾᬬ᭄ᬬᬵ.

ᬦᭀ ᬆᬲᬯᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬵᬲᬯᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬦᬵᬲᬯᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬵᬲᬯᬵ, ᬲᬶᬬᬵ ᬅᬦᬵᬲᬯᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬆᬲᬯᬲᬫ᭄ᬧᬬᬸᬢ᭄ᬢᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬆᬲᬯᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬵ ᬘᬾᬯ ᬲᬵᬲᬯᬵ ᬘᬵ’’ᬢᬶ, ‘‘ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵ’’. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬵ ᬘᬾᬯ ᬲᬵᬲᬯᬵ ᬘᬵ’’ᬢᬶᬧᬶ, ‘‘ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬵ ᬘᬾᬯ ᬲᬵᬲᬯᬵ ᬘᬵ’’ᬢᬶ, ᬲᬶᬬᬵ ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵ’’ᬢᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬵ ᬘᬾᬯ ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬆᬲᬯᬵ’’ᬢᬶᬧᬶ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬆᬲᬯᭀ ᬘᬾᬯ ᬆᬲᬯᬲᬫ᭄ᬧᬬᬸᬢ᭄ᬢᬜ᭄ᬘᬵ’’ᬢᬶ, ‘‘ᬆᬲᬯᬲᬫ᭄ᬧᬬᬸᬢ᭄ᬢᬜ᭄ᬘᬾᬯ ᬦᭀ ᬘ ᬆᬲᬯᭀ’’. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬵ ᬘᬾᬯ ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬆᬲᬯᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬆᬲᬯᬵ’’ᬢᬶ. ᬦᬯᬶᬦ᭄ᬤ᭄ᬭᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬲᬵᬲᬯᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬅᬦᬵᬲᬯᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬆᬲᬯᬯᬶᬧ᭄ᬧᬬᬸᬢ᭄ᬢᬲᬵᬲᬯ’’ᬦ᭄ᬢᬶᬧᬶ, ‘‘ᬆᬲᬯᬯᬶᬧ᭄ᬧᬬᬸᬢ᭄ᬢᬅᬦᬵᬲᬯ’’ᬦ᭄ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬲᬵᬲᬯᬵ, ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬅᬦᬵᬲᬯᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬲᬵᬲᬯᬵ, ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬅᬦᬵᬲᬯᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬆᬲᬯᬯᬶᬧ᭄ᬧᬬᬸᬢ᭄ᬢᬲᬵᬲᬯᬵ’’ᬢᬶᬧᬶ, ‘‘ᬆᬲᬯᬯᬶᬧ᭄ᬧᬬᬸᬢ᭄ᬢᬅᬦᬵᬲᬯᬵ’’ᬢᬶᬧᬶ.

ᬦᭀ ᬲᬂᬬᭀᬚᬦᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬂᬬᭀᬚᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬲᬂᬬᭀᬚᬦᬶᬬᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬂᬬᭀᬚᬦᬶᬬᬵ, ᬲᬶᬬᬵ ᬅᬲᬂᬬᭀᬚᬦᬶᬬᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬵ ᬘᬾᬯ ᬲᬂᬬᭀᬚᬦᬶᬬᬵ ᬘᬵ’’ᬢᬶ, ᬲᬂᬬᭀᬚᬦᬶᬬᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬵ ᬘᬾᬯ ᬲᬂᬬᭀᬚᬦᬶᬬᬵ ᬘᬵ’’ᬢᬶᬧᬶ, ‘‘ᬲᬂᬬᭀᬚᬦᬶᬬᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬵ ᬘᬾᬯ ᬲᬂᬬᭀᬚᬦᬶᬬᬵ ᬘᬵ’’ᬢᬶ, ᬲᬶᬬᬵ ᬲᬂᬬᭀᬚᬦᬶᬬᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬶᬬᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ’’ᬢᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬵ ᬘᬾᬯ ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ’’ᬢᬶᬧᬶ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬲᬂᬬᭀᬚᬦᬜ᭄ᬘᬾᬯ ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬜ᭄ᬘᬵ’’ᬢᬶ, ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬜ᭄ᬘᬾᬯ ᬦᭀ ᬘ ᬲᬂᬬᭀᬚᬦᬂ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬵ ᬘᬾᬯ ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬲᬂᬬᭀᬚᬦᬵ’’ᬢᬶ.

ᬦᬯᬶᬦ᭄ᬤ᭄ᬭᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬲᬂᬬᭀᬚᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬅᬲᬂᬬᭀᬚᬦᬶᬬᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬲᬂᬬᭀᬚᬦᬶᬬ’’ᬦ᭄ᬢᬶᬧᬶ, ‘‘ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬅᬲᬂᬬᭀᬚᬦᬶᬬ’’ᬦ᭄ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬲᬂᬬᭀᬚᬦᬶᬬᬵ, ᬲᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬅᬲᬂᬬᭀᬚᬦᬶᬬᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬲᬂᬬᭀᬚᬦᬶᬬᬵ, ᬲᬶᬬᬵ ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬅᬲᬂᬬᭀᬚᬦᬶᬬᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬲᬂᬬᭀᬚᬦᬶᬬᬵ’’ᬢᬶᬧᬶ, ‘‘ᬲᬂᬬᭀᬚᬦᬯᬶᬧ᭄ᬧᬬᬸᬢ᭄ᬢᬅᬲᬂᬬᭀᬚᬦᬶᬬᬵ’’ᬢᬶᬧᬶ.

ᬦᭀ ᬕᬦ᭄ᬣᬵ. ᬤᬲᬶᬦ᭄ᬤ᭄ᬭᬶᬬᬵ ᬕᬦ᭄ᬣᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬕᬦ᭄ᬣᬦᬶᬬᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬕᬦ᭄ᬣᬦᬶᬬᬵ, ᬲᬶᬬᬵ ᬅᬕᬦ᭄ᬣᬦᬶᬬᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬕᬦ᭄ᬣᬲᬫ᭄ᬧᬬᬸᬢ᭄ᬢᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬕᬦ᭄ᬣᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬵ ᬘᬾᬯ ᬕᬦ᭄ᬣᬦᬶᬬᬵ ᬘᬵ’’ᬢᬶ, ᬕᬦ᭄ᬣᬦᬶᬬᬵ ᬘᬾᬯ ᬦᭀ ᬘ ᬕᬦ᭄ᬣᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬵ ᬘᬾᬯ ᬕᬦ᭄ᬣᬦᬶᬬᬵ ᬘᬵ’’ᬢᬶᬧᬶ, ‘‘ᬕᬦ᭄ᬣᬦᬶᬬᬵ ᬘᬾᬯ ᬦᭀ ᬘ ᬕᬦ᭄ᬣᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬵ ᬘᬾᬯ ᬕᬦ᭄ᬣᬦᬶᬬᬵ ᬘᬵ’’ᬢᬶ, ᬲᬶᬬᬵ ᬕᬦ᭄ᬣᬦᬶᬬᬵ ᬘᬾᬯ ᬦᭀ ᬘ ᬕᬦ᭄ᬣᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬦᬶᬬᬵ ᬘᬾᬯ ᬦᭀ ᬘ ᬕᬦ᭄ᬣᬵ’’ᬢᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬵ ᬘᬾᬯ ᬕᬦ᭄ᬣᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬕᬦ᭄ᬣᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬕᬦ᭄ᬣᬵ’’ᬢᬶᬧᬶ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬕᬦ᭄ᬣᭀ ᬘᬾᬯ ᬕᬦ᭄ᬣᬲᬫ᭄ᬧᬬᬸᬢ᭄ᬢ’’ᬜ᭄ᬘᬵᬢᬶ, ᬕᬦ᭄ᬣᬲᬫ᭄ᬧᬬᬸᬢ᭄ᬢᬜ᭄ᬘᬾᬯ ᬦᭀ ᬘ ᬕᬦ᭄ᬣᭀ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬵ ᬘᬾᬯ ᬕᬦ᭄ᬣᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬕᬦ᭄ᬣᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬕᬦ᭄ᬣᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬕᬦ᭄ᬣᬵ’’ᬢᬶ.

ᬦᬯᬶᬦ᭄ᬤ᭄ᬭᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬕᬦ᭄ᬣᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬅᬕᬦ᭄ᬣᬦᬶᬬᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬕᬦ᭄ᬣᬦᬶᬬ’’ᬦ᭄ᬢᬶᬧᬶ, ‘‘ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬅᬕᬦ᭄ᬣᬦᬶᬬ’’ᬦ᭄ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬕᬦ᭄ᬣᬦᬶᬬᬵ, ᬲᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬅᬕᬦ᭄ᬣᬦᬶᬬᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬕᬦ᭄ᬣᬦᬶᬬᬵ, ᬲᬶᬬᬵ ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬅᬕᬦ᭄ᬣᬦᬶᬬᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬕᬦ᭄ᬣᬦᬶᬬᬵ’’ᬢᬶᬧᬶ, ‘‘ᬕᬦ᭄ᬣᬯᬶᬧ᭄ᬧᬬᬸᬢ᭄ᬢᬅᬕᬦ᭄ᬣᬦᬶᬬᬵ’’ᬢᬶᬧᬶ.

ᬦᭀ ᬑᬖᬵ…ᬧᬾ… ᬦᭀ ᬬᭀᬕᬵ…ᬧᬾ… ᬦᭀ ᬦᬷᬯᬭᬡᬵ. ᬤᬲᬶᬦ᭄ᬤ᭄ᬭᬶᬬᬵ ᬦᬷᬯᬭᬡᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬦᬷᬯᬭᬡᬶᬬᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬦᬷᬯᬭᬡᬶᬬᬵ, ᬲᬶᬬᬵ ᬅᬦᬷᬯᬭᬡᬶᬬᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦᬷᬯᬭᬡᬲᬫ᭄ᬧᬬᬸᬢ᭄ᬢᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬦᬷᬯᬭᬡᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬵ ᬘᬾᬯ ᬦᬷᬯᬭᬡᬶᬬᬵ ᬘᬵ’’ᬢᬶ, ᬦᬷᬯᬭᬡᬶᬬᬵ ᬘᬾᬯ ᬦᭀ ᬘ ᬦᬷᬯᬭᬡᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬵ ᬘᬾᬯ ᬦᬷᬯᬭᬡᬶᬬᬵ ᬘᬵ’’ᬢᬶᬧᬶ, ‘‘ᬦᬷᬯᬭᬡᬶᬬᬵ ᬘᬾᬯ ᬦᭀ ᬘ ᬦᬷᬯᬭᬡᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬵ ᬘᬾᬯ ᬦᬷᬯᬭᬡᬶᬬᬵ ᬘᬵ’’ᬢᬶ, ᬲᬶᬬᬵ ᬦᬷᬯᬭᬡᬶᬬᬵ ᬘᬾᬯ ᬦᭀ ᬘ ᬦᬷᬯᬭᬡᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬶᬬᬵ ᬘᬾᬯ ᬦᭀ ᬘ ᬦᬷᬯᬭᬡᬵ’’ᬢᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬵ ᬘᬾᬯ ᬦᬷᬯᬭᬡᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬦᬷᬯᬭᬡᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬦᬷᬯᬭᬡᬵ’’ᬢᬶᬧᬶ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬦᬷᬯᬭᬡᬜ᭄ᬘᬾᬯ ᬦᬷᬯᬭᬡᬲᬫ᭄ᬧᬬᬸᬢ᭄ᬢᬜ᭄ᬘᬵ’’ᬢᬶ, ᬦᬷᬯᬭᬡᬲᬫ᭄ᬧᬬᬸᬢ᭄ᬢᬜ᭄ᬘᬾᬯ ᬦᭀ ᬘ ᬦᬷᬯᬭᬡᬂ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬵ ᬘᬾᬯ ᬦᬷᬯᬭᬡᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬦᬷᬯᬭᬡᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬦᬷᬯᬭᬡᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬦᬷᬯᬭᬡᬵ’’ᬢᬶ.

ᬦᬯᬶᬦ᭄ᬤ᭄ᬭᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬦᬷᬯᬭᬡᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬅᬦᬷᬯᬭᬡᬶᬬᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬦᬷᬯᬭᬡᬶᬬ’’ᬦ᭄ᬢᬶᬧᬶ, ‘‘ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬅᬦᬷᬯᬭᬡᬶᬬ’’ᬦ᭄ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬦᬷᬯᬭᬡᬶᬬᬵ, ᬲᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬅᬦᬷᬯᬭᬡᬶᬬᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬦᬷᬯᬭᬡᬶᬬᬵ, ᬲᬶᬬᬵ ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬅᬦᬷᬯᬭᬡᬶᬬᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬦᬷᬯᬭᬡᬶᬬᬵ’’ᬢᬶᬧᬶ, ‘‘ᬦᬷᬯᬭᬡᬯᬶᬧ᭄ᬧᬬᬸᬢ᭄ᬢᬅᬦᬷᬯᬭᬡᬶᬬᬵ’’ᬢᬶᬧᬶ.

ᬦᭀ ᬧᬭᬵᬫᬵᬲᬵ. ᬤᬲᬶᬦ᭄ᬤ᭄ᬭᬶᬬᬵ ᬧᬭᬵᬫᬝ᭄ᬞᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬧᬭᬵᬫᬝ᭄ᬞᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬧᬭᬵᬫᬝ᭄ᬞᬵ, ᬲᬶᬬᬵ ᬅᬧᬭᬵᬫᬝ᭄ᬞᬵ. ᬲᭀᬮ᬴ᬲᬶᬦ᭄ᬤ᭄ᬭᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬧᬭᬵᬫᬵᬲᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬧᬭᬵᬫᬵᬲᬵ ᬘᬾᬯ ᬧᬭᬵᬫᬝ᭄ᬞᬵ ᬘᬵ’’ᬢᬶ, ᬧᬭᬵᬫᬝ᭄ᬞᬵ ᬘᬾᬯ ᬦᭀ ᬘ ᬧᬭᬵᬫᬵᬲᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬧᬭᬵᬫᬵᬲᬵ ᬘᬾᬯ ᬧᬭᬵᬫᬝ᭄ᬞᬵ ᬘᬵ’’ᬢᬶᬧᬶ, ‘‘ᬧᬭᬵᬫᬝ᭄ᬞᬵ ᬘᬾᬯ ᬦᭀ ᬘ ᬧᬭᬵᬫᬵᬲᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬧᬭᬵᬫᬵᬲᬵ ᬘᬾᬯ ᬧᬭᬵᬫᬝ᭄ᬞᬵ ᬘᬵ’’ᬢᬶ, ᬲᬶᬬᬵ ᬧᬭᬵᬫᬝ᭄ᬞᬵ ᬘᬾᬯ ᬦᭀ ᬘ ᬧᬭᬵᬫᬵᬲᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬧᬭᬵᬫᬝ᭄ᬞᬵ ᬘᬾᬯ ᬦᭀ ᬘ ᬧᬭᬵᬫᬵᬲᬵ’’ᬢᬶ. ᬤᬲᬶᬦ᭄ᬤ᭄ᬭᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬧᬭᬵᬫᬝ᭄ᬞᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬅᬧᬭᬵᬫᬝ᭄ᬞᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬧᬭᬵᬫᬝ᭄ᬞᬵ, ᬲᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬅᬧᬭᬵᬫᬝ᭄ᬞᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬧᬭᬵᬫᬝ᭄ᬞᬵ, ᬲᬶᬬᬵ ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬅᬧᬭᬵᬫᬝ᭄ᬞᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬧᬭᬵᬫᬝ᭄ᬞᬵ’’ᬢᬶᬧᬶ, ‘‘ᬧᬭᬵᬫᬵᬲᬯᬶᬧ᭄ᬧᬬᬸᬢ᭄ᬢᬅᬧᬭᬵᬫᬝ᭄ᬞᬵ’’ᬢᬶᬧᬶ.

ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬅᬦᬵᬭᬫ᭄ᬫᬡᬵ. ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵ ᬲᬵᬭᬫ᭄ᬫᬡᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬲᬵᬭᬫ᭄ᬫᬡᬂ, ᬲᬶᬬᬵ ᬅᬦᬵᬭᬫ᭄ᬫᬡᬂ. ᬏᬓᬯᬷᬲᬢᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬵ. ᬫᬦᬶᬦ᭄ᬤ᭄ᬭᬶᬬᬂ ᬘᬶᬢ᭄ᬢᬂ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬾᬢᬲᬶᬓᬵ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬅᬘᬾᬢᬲᬶᬓᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬾᬢᬲᬶᬓᬂ, ᬲᬶᬬᬵ ᬅᬘᬾᬢᬲᬶᬓᬂ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬫ᭄ᬧᬬᬸᬢ᭄ᬢᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬯᬶᬧ᭄ᬧᬬᬸᬢ᭄ᬢᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬫ᭄ᬧᬬᬸᬢ᭄ᬢᬂ, ᬲᬶᬬᬵ ᬘᬶᬢ᭄ᬢᬯᬶᬧ᭄ᬧᬬᬸᬢ᭄ᬢᬂ. ᬫᬦᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬘᬶᬢ᭄ᬢᬾᬦ ᬲᬫ᭄ᬧᬬᬸᬢ᭄ᬢ’’ᬦ᭄ᬢᬶᬧᬶ, ‘‘ᬘᬶᬢ᭄ᬢᬾᬦ ᬯᬶᬧ᭄ᬧᬬᬸᬢ᭄ᬢ’’ᬦ᭄ᬢᬶᬧᬶ.

ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬯᬶᬲᬂᬲᬝ᭄ᬞᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬂ, ᬲᬶᬬᬵ ᬘᬶᬢ᭄ᬢᬯᬶᬲᬂᬲᬝ᭄ᬞᬂ. ᬫᬦᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬘᬶᬢ᭄ᬢᬾᬦ ᬲᬂᬲᬝ᭄ᬞ’’ᬦ᭄ᬢᬶᬧᬶ, ‘‘ᬘᬶᬢ᭄ᬢᬾᬦ ᬯᬶᬲᬂᬲᬝ᭄ᬞ’’ᬦ᭄ᬢᬶᬧᬶ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬫᬸᬝ᭄ᬞᬵᬦᬵ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬲᬫᬸᬝ᭄ᬞᬵᬦᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬫᬸᬝ᭄ᬞᬵᬦᬂ, ᬲᬶᬬᬵ ᬦᭀ ᬘᬶᬢ᭄ᬢᬲᬫᬸᬝ᭄ᬞᬵᬦᬂ.

ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬳᬪᬸᬦᭀ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬲᬳᬪᬸᬦᭀ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬳᬪᬹ, ᬲᬶᬬᬵ ᬦᭀ ᬘᬶᬢ᭄ᬢᬲᬳᬪᬹ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬵᬦᬸᬧᬭᬶᬯᬢ᭄ᬢᬶᬦᭀ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬵᬦᬸᬧᬭᬶᬯᬢ᭄ᬢᬶᬦᭀ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬵᬦᬸᬧᬭᬶᬯᬢ᭄ᬢᬶ, ᬲᬶᬬᬵ ᬦᭀ ᬘᬶᬢ᭄ᬢᬵᬦᬸᬧᬭᬶᬯᬢ᭄ᬢᬶ.

ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬂ, ᬲᬶᬬᬵ ᬦᭀ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬂ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬲᬳᬪᬸᬦᭀ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬲᬳᬪᬸᬦᭀ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬲᬳᬪᬹ, ᬲᬶᬬᬵ ᬦᭀ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬲᬳᬪᬹ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵᬦᬸᬧᬭᬶᬯᬢ᭄ᬢᬶᬦᭀ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬦᭀ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵᬦᬸᬧᬭᬶᬯᬢ᭄ᬢᬶᬦᭀ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵᬦᬸᬧᬭᬶᬯᬢ᭄ᬢᬶ, ᬲᬶᬬᬵ ᬦᭀ ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵᬦᬸᬧᬭᬶᬯᬢ᭄ᬢᬶ. ᬙ ᬇᬦ᭄ᬤ᭄ᬭᬶᬬᬵ ᬅᬚ᭄ᬛᬢ᭄ᬢᬶᬓᬵ. ᬲᭀᬮ᬴ᬲᬶᬦ᭄ᬤ᭄ᬭᬶᬬᬵ ᬩᬵᬳᬶᬭᬵ.

ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬉᬧᬵᬤᬵ. ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵ ᬦᭀ ᬉᬧᬵᬤᬵ. ᬚᬷᬯᬶᬢᬶᬦ᭄ᬤ᭄ᬭᬶᬬᬂ ᬲᬶᬬᬵ ᬉᬧᬵᬤᬵ, ᬲᬶᬬᬵ ᬦᭀ ᬉᬧᬵᬤᬵ. ᬦᬯᬶᬦ᭄ᬤ᭄ᬭᬶᬬᬵ ᬉᬧᬵᬤᬶᬦ᭄ᬦᬵ. ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵ ᬅᬦᬸᬧᬵᬤᬶᬦ᭄ᬦᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬵᬤᬶᬦ᭄ᬦᬵ, ᬲᬶᬬᬵ ᬅᬦᬸᬧᬵᬤᬶᬦ᭄ᬦᬵ. ᬦᭀ ᬉᬧᬵᬤᬵᬦᬵ. ᬤᬲᬶᬦ᭄ᬤ᭄ᬭᬶᬬᬵ ᬉᬧᬵᬤᬵᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬦᬸᬧᬵᬤᬵᬦᬶᬬᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬵᬤᬵᬦᬶᬬᬵ, ᬲᬶᬬᬵ ᬅᬦᬸᬧᬵᬤᬵᬦᬶᬬᬵ. ᬲᭀᬮ᬴ᬲᬶᬦ᭄ᬤ᭄ᬭᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬵᬤᬵᬦᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬵ ᬘᬾᬯ ᬉᬧᬵᬤᬵᬦᬶᬬᬵ ᬘᬵ’’ᬢᬶ, ᬉᬧᬵᬤᬵᬦᬶᬬᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬵ ᬘᬾᬯ ᬉᬧᬵᬤᬵᬦᬶᬬᬵ ᬘᬵ’’ᬢᬶᬧᬶ, ‘‘ᬉᬧᬵᬤᬵᬦᬶᬬᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬵ ᬘᬾᬯ ᬉᬧᬵᬤᬵᬦᬶᬬᬵ ᬘᬵ’’ᬢᬶ, ᬲᬶᬬᬵ ᬉᬧᬵᬤᬵᬦᬶᬬᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬵᬤᬵᬦᬶᬬᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬶᬬᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ’’ᬢᬶ.

ᬲᭀᬮ᬴ᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬵ ᬘᬾᬯ ᬉᬧᬵᬤᬵᬦᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬉᬧᬵᬤᬵᬦᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ’’ᬢᬶᬧᬶ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬵ ᬘᬾᬯ ᬉᬧᬵᬤᬵᬦᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬉᬧᬵᬤᬵᬦᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬉᬧᬵᬤᬵᬦᬵ’’ᬢᬶ. ᬤᬲᬶᬦ᭄ᬤ᭄ᬭᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬉᬧᬵᬤᬵᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬅᬦᬸᬧᬵᬤᬵᬦᬶᬬᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬉᬧᬵᬤᬵᬦᬶᬬᬵ, ᬲᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬅᬦᬸᬧᬵᬤᬵᬦᬶᬬᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬉᬧᬵᬤᬵᬦᬶᬬᬵ, ᬲᬶᬬᬵ ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬅᬦᬸᬧᬵᬤᬵᬦᬶᬬᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬉᬧᬵᬤᬵᬦᬶᬬᬵ’’ᬢᬶᬧᬶ, ‘‘ᬉᬧᬵᬤᬵᬦᬯᬶᬧ᭄ᬧᬬᬸᬢ᭄ᬢᬅᬦᬸᬧᬵᬤᬵᬦᬶᬬᬵ’’ᬢᬶᬧᬶ.

ᬦᭀ ᬓᬶᬮᬾᬲᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬂᬓᬶᬮᬾᬲᬶᬓᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬲᬂᬓᬶᬮᬾᬲᬶᬓᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬂᬓᬶᬮᬾᬲᬶᬓᬵ, ᬲᬶᬬᬵ ᬅᬲᬂᬓᬶᬮᬾᬲᬶᬓᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬅᬲᬂᬓᬶᬮᬶᬝ᭄ᬞᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬲᬂᬓᬶᬮᬶᬝ᭄ᬞᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬲᬂᬓᬶᬮᬶᬝ᭄ᬞᬵ, ᬲᬶᬬᬵ ᬅᬲᬂᬓᬶᬮᬶᬝ᭄ᬞᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬓᬶᬮᬾᬲᬲᬫ᭄ᬧᬬᬸᬢ᭄ᬢᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬓᬶᬮᬾᬲᬲᬫ᭄ᬧᬬᬸᬢ᭄ᬢᬵ, ᬲᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬲᬂᬓᬶᬮᬾᬲᬶᬓᬵ ᬘᬵ’’ᬢᬶ, ᬲᬂᬓᬶᬮᬾᬲᬶᬓᬵ ᬘᬾᬯ ᬦᭀ ᬘ ᬓᬶᬮᬾᬲᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬲᬂᬓᬶᬮᬾᬲᬶᬓᬵ ᬘᬵ’’ᬢᬶᬧᬶ, ‘‘ᬲᬂᬓᬶᬮᬾᬲᬶᬓᬵ ᬘᬾᬯ ᬦᭀ ᬘ ᬓᬶᬮᬾᬲᬵ’’ᬢᬶᬧᬶ. ᬦᬯᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬲᬂᬓᬶᬮᬾᬲᬶᬓᬵ ᬘᬵ’’ᬢᬶ, ᬲᬶᬬᬵ ᬲᬂᬓᬶᬮᬾᬲᬶᬓᬵ ᬘᬾᬯ ᬦᭀ ᬘ ᬓᬶᬮᬾᬲᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬓᬶᬮᬾᬲᬶᬓᬵ ᬘᬾᬯ ᬦᭀ ᬘ ᬓᬶᬮᬾᬲᬵ’’ᬢᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬲᬂᬓᬶᬮᬶᬝ᭄ᬞᬵ ᬘᬵ’’ᬢᬶᬧᬶ, ‘‘ᬲᬂᬓᬶᬮᬶᬝ᭄ᬞᬵ ᬘᬾᬯ ᬦᭀ ᬘ ᬓᬶᬮᬾᬲᬵ’’ᬢᬶᬧᬶ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬓᬶᬮᬾᬲᭀ ᬘᬾᬯ ᬲᬂᬓᬶᬮᬶᬝ᭄ᬞᬜ᭄ᬘᬵ’’ᬢᬶ, ᬲᬂᬓᬶᬮᬶᬝ᭄ᬞᬜ᭄ᬘᬾᬯ ᬦᭀ ᬘ ᬓᬶᬮᬾᬲᭀ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬲᬂᬓᬶᬮᬶᬝ᭄ᬞᬵ ᬘᬵ’’ᬢᬶ, ᬲᬶᬬᬵ ᬲᬂᬓᬶᬮᬶᬝ᭄ᬞᬵ ᬘᬾᬯ ᬦᭀ ᬘ ᬓᬶᬮᬾᬲᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬲᬂᬓᬶᬮᬶᬝ᭄ᬞᬵ ᬘᬾᬯ ᬦᭀ ᬘ ᬓᬶᬮᬾᬲᬵ’’ᬢᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬓᬶᬮᬾᬲᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶᬧᬶ, ‘‘ᬓᬶᬮᬾᬲᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬓᬶᬮᬾᬲᬵ’’ᬢᬶᬧᬶ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬓᬶᬮᬾᬲᭀ ᬘᬾᬯ ᬓᬶᬮᬾᬲᬲᬫ᭄ᬧᬬᬸᬢ᭄ᬢᬜ᭄ᬘᬵ’’ᬢᬶ, ᬓᬶᬮᬾᬲᬲᬫ᭄ᬧᬬᬸᬢ᭄ᬢᬜ᭄ᬘᬾᬯ ᬦᭀ ᬘ ᬓᬶᬮᬾᬲᭀ. ᬙ ᬇᬦ᭄ᬤ᭄ᬭᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬵ ᬘᬾᬯ ᬓᬶᬮᬾᬲᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬲᬶᬬᬵ ᬓᬶᬮᬾᬲᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬓᬶᬮᬾᬲᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬓᬶᬮᬾᬲᬵ’’ᬢᬶ. ᬦᬯᬶᬦ᭄ᬤ᭄ᬭᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬲᬂᬓᬶᬮᬾᬲᬶᬓᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬅᬲᬂᬓᬶᬮᬾᬲᬶᬓᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬦ ᬯᬢ᭄ᬢᬩ᭄ᬩᬂ – ‘‘ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬲᬂᬓᬶᬮᬾᬲᬶᬓ’’ᬦ᭄ᬢᬶᬧᬶ, ‘‘ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬅᬲᬂᬓᬶᬮᬾᬲᬶᬓ’’ᬦ᭄ᬢᬶᬧᬶ. ᬢᬷᬡᬶᬦ᭄ᬤ᭄ᬭᬶᬬᬵ ᬲᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬲᬂᬓᬶᬮᬾᬲᬶᬓᬵ, ᬲᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬅᬲᬂᬓᬶᬮᬾᬲᬶᬓᬵ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬲᬂᬓᬶᬮᬾᬲᬶᬓᬵ, ᬲᬶᬬᬵ ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬅᬲᬂᬓᬶᬮᬾᬲᬶᬓᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ – ‘‘ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬲᬂᬓᬶᬮᬾᬲᬶᬓᬵ’’ᬢᬶᬧᬶ, ‘‘ᬓᬶᬮᬾᬲᬯᬶᬧ᭄ᬧᬬᬸᬢ᭄ᬢᬅᬲᬂᬓᬶᬮᬾᬲᬶᬓᬵ’’ᬢᬶᬧᬶ.

ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬲᬶᬬᬵ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬵ, ᬲᬶᬬᬵ ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬲᬶᬬᬵ ᬪᬵᬯᬦᬵᬬ ᬧᬳᬵᬢᬩ᭄ᬩᬵ, ᬲᬶᬬᬵ ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬳᬾᬢᬸᬓᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬲᬶᬬᬵ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬳᬾᬢᬸᬓᬵ, ᬲᬶᬬᬵ ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬳᬾᬢᬸᬓᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬳᬾᬢᬸᬓᬵ. ᬲᬢ᭄ᬢᬶᬦ᭄ᬤ᭄ᬭᬶᬬᬵ ᬲᬶᬬᬵ ᬪᬵᬯᬦᬵᬬ ᬧᬳᬵᬢᬩ᭄ᬩᬳᬾᬢᬸᬓᬵ, ᬲᬶᬬᬵ ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬳᬾᬢᬸᬓᬵ.

ᬦᬯᬶᬦ᭄ᬤ᭄ᬭᬶᬬᬵ ᬅᬯᬶᬢᬓ᭄ᬓᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬲᬯᬶᬢᬓ᭄ᬓᬂ. ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬯᬶᬢᬓ᭄ᬓᬵ, ᬲᬶᬬᬵ ᬅᬯᬶᬢᬓ᭄ᬓᬵ. ᬦᬯᬶᬦ᭄ᬤ᭄ᬭᬶᬬᬵ ᬅᬯᬶᬘᬵᬭᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬲᬯᬶᬘᬵᬭᬂ. ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬯᬶᬘᬵᬭᬵ, ᬲᬶᬬᬵ ᬅᬯᬶᬘᬵᬭᬵ. ᬏᬓᬵᬤᬲᬶᬦ᭄ᬤ᭄ᬭᬶᬬᬵ ᬅᬧ᭄ᬧᬷᬢᬶᬓᬵ. ᬏᬓᬵᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬧ᭄ᬧᬷᬢᬶᬓᬵ, ᬲᬶᬬᬵ ᬅᬧ᭄ᬧᬷᬢᬶᬓᬵ. ᬏᬓᬵᬤᬲᬶᬦ᭄ᬤ᭄ᬭᬶᬬᬵ ᬦ ᬧᬷᬢᬶᬲᬳᬕᬢᬵ. ᬏᬓᬵᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬧᬷᬢᬶᬲᬳᬕᬢᬵ, ᬲᬶᬬᬵ ᬦ ᬧᬷᬢᬶᬲᬳᬕᬢᬵ. ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵ ᬦ ᬲᬸᬔᬲᬳᬕᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬸᬔᬲᬳᬕᬢᬵ, ᬲᬶᬬᬵ ᬦ ᬲᬸᬔᬲᬳᬕᬢᬵ. ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵ ᬦ ᬉᬧᬾᬓ᭄ᬔᬵᬲᬳᬕᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬉᬧᬾᬓ᭄ᬔᬵᬲᬳᬕᬢᬵ, ᬲᬶᬬᬵ ᬦ ᬉᬧᬾᬓ᭄ᬔᬵᬲᬳᬕᬢᬵ.

ᬤᬲᬶᬦ᭄ᬤ᭄ᬭᬶᬬᬵ ᬓᬵᬫᬵᬯᬘᬭᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬓᬵᬫᬵᬯᬘᬭᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬓᬵᬫᬵᬯᬘᬭᬵ, ᬲᬶᬬᬵ ᬦ ᬓᬵᬫᬵᬯᬘᬭᬵ. ᬢᬾᬭᬲᬶᬦ᭄ᬤ᭄ᬭᬶᬬᬵ ᬦ ᬭᬹᬧᬵᬯᬘᬭᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬭᬹᬧᬵᬯᬘᬭᬵ, ᬲᬶᬬᬵ ᬦ ᬭᬹᬧᬵᬯᬘᬭᬵ. ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵ ᬦ ᬅᬭᬹᬧᬵᬯᬘᬭᬵ. ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬲᬶᬬᬵ ᬅᬭᬹᬧᬵᬯᬘᬭᬵ, ᬲᬶᬬᬵ ᬦ ᬅᬭᬹᬧᬵᬯᬘᬭᬵ. ᬤᬲᬶᬦ᭄ᬤ᭄ᬭᬶᬬᬵ ᬧᬭᬶᬬᬵᬧᬦ᭄ᬦᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬧᬭᬶᬬᬵᬧᬦ᭄ᬦᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ. ᬏᬓᬵᬤᬲᬶᬦ᭄ᬤ᭄ᬭᬶᬬᬵ ᬅᬦᬶᬬ᭄ᬬᬵᬦᬶᬓᬵ. ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ ᬦᬶᬬ᭄ᬬᬵᬦᬶᬓᬂ. ᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬦᬶᬬ᭄ᬬᬵᬦᬶᬓᬵ, ᬲᬶᬬᬵ ᬅᬦᬶᬬ᭄ᬬᬵᬦᬶᬓᬵ. ᬤᬲᬶᬦ᭄ᬤ᭄ᬭᬶᬬᬵ ᬅᬦᬶᬬᬢᬵ. ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ ᬦᬶᬬᬢᬂ. ᬏᬓᬵᬤᬲᬶᬦ᭄ᬤ᭄ᬭᬶᬬᬵ ᬲᬶᬬᬵ ᬦᬶᬬᬢᬵ, ᬲᬶᬬᬵ ᬅᬦᬶᬬᬢᬵ. ᬤᬲᬶᬦ᭄ᬤ᭄ᬭᬶᬬᬵ ᬲᬉᬢ᭄ᬢᬭᬵ. ᬢᬷᬡᬶᬦ᭄ᬤ᭄ᬭᬶᬬᬵ ᬅᬦᬸᬢ᭄ᬢᬭᬵ. ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬲᬉᬢ᭄ᬢᬭᬵ, ᬲᬶᬬᬵ ᬅᬦᬸᬢ᭄ᬢᬭᬵ. ᬧᬦ᭄ᬦᬭᬲᬶᬦ᭄ᬤ᭄ᬭᬶᬬᬵ ᬅᬭᬡᬵ. ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬲᬭᬡᬂ. ᬙ ᬇᬦ᭄ᬤ᭄ᬭᬶᬬᬵ ᬲᬶᬬᬵ ᬲᬭᬡᬵ, ᬲᬶᬬᬵ ᬅᬭᬡᬵᬢᬶ.

ᬧᬜ᭄ᬳᬵᬧᬸᬘ᭄ᬙᬓᬂ.

ᬇᬦ᭄ᬤ᭄ᬭᬶᬬᬯᬶᬪᬗ᭄ᬕᭀ ᬦᬶᬝ᭄ᬞᬶᬢᭀ.