(᭓᭐. ᬓ) ᬅᬦᬵᬤᬭᬶᬬᬂ

᭙᭓᭑. ᬢᬢ᭄ᬣ ᬓᬢᬫᬂ ᬅᬦᬵᬤᬭᬶᬬᬂ? ᬬᬂ ᬅᬦᬵᬤᬭᬶᬬᬂ ᬅᬦᬵᬤᬭᬢᬵ ᬅᬕᬵᬭᬯᬢᬵ ᬅᬧ᭄ᬧᬢᬶᬲ᭄ᬲᬯᬢᬵ ᬅᬦᬤ᭄ᬤᬵ ᬅᬦᬤ᭄ᬤᬵᬬᬦᬵ ᬅᬦᬤ᭄ᬤᬵᬬᬶᬢᬢ᭄ᬢᬂ [ᬅᬦᬵᬤᬵ ᬅᬦᬵᬤᬵᬬᬦᬵ ᬅᬦᬵᬤᬵᬬᬶᬢᬢ᭄ᬢᬂ (ᬲ᭄ᬬᬵ.)] ᬅᬲᬷᬮ᭄ᬬᬂ ᬅᬘᬶᬢ᭄ᬢᬷᬓᬵᬭᭀ – ᬇᬤᬂ ᬯᬸᬘ᭄ᬘᬢᬶ ‘‘ᬅᬦᬵᬤᬭᬶᬬᬂ’’.

(ᬔ) ᬤᭀᬯᬘᬲ᭄ᬲᬢᬵ

ᬢᬢ᭄ᬣ ᬓᬢᬫᬵ ᬤᭀᬯᬘᬲ᭄ᬲᬢᬵ? ᬲᬳᬥᬫ᭄ᬫᬶᬓᬾ ᬯᬸᬘ᭄ᬘᬫᬵᬦᬾ ᬤᭀᬯᬘᬲ᭄ᬲᬵᬬᬂ ᬤᭀᬯᬘᬲ᭄ᬲᬶᬬᬂ ᬤᭀᬯᬘᬲ᭄ᬲᬢᬵ ᬯᬶᬧ᭄ᬧᬝᬶᬓᬸᬮᬕ᭄ᬕᬵᬳᬶᬢᬵ ᬯᬶᬧᬘ᭄ᬘᬦᬷᬓᬲᬵᬢᬢᬵ ᬅᬦᬵᬤᬭᬶᬬᬂ ᬅᬦᬵᬤᬭᬢᬵ ᬅᬕᬵᬭᬯᬢᬵ ᬅᬧ᭄ᬧᬢᬶᬲ᭄ᬲᬯᬢᬵ – ᬅᬬᬂ ᬯᬸᬘ᭄ᬘᬢᬶ ‘‘ᬤᭀᬯᬘᬲ᭄ᬲᬢᬵ’’.

(ᬕ) ᬧᬵᬧᬫᬶᬢ᭄ᬢᬢᬵ

ᬢᬢ᭄ᬣ ᬓᬢᬫᬵ ᬧᬵᬧᬫᬶᬢ᭄ᬢᬢᬵ? ᬬᬾ ᬢᬾ ᬧᬸᬕ᭄ᬕᬮᬵ ᬅᬲ᭄ᬲᬤ᭄ᬥᬵ ᬤᬸᬲ᭄ᬲᬷᬮᬵ ᬅᬧ᭄ᬧᬲ᭄ᬲᬸᬢᬵ ᬫᬘ᭄ᬙᬭᬶᬦᭀ ᬤᬸᬧ᭄ᬧᬜ᭄ᬜᬵ, ᬬᬵ ᬢᬾᬲᬂ ᬲᬾᬯᬦᬵ ᬦᬶᬲᬾᬯᬦᬵ ᬲᬂᬲᬾᬯᬦᬵ ᬧᬝᬶᬲᬾᬯᬦᬵ ᬪᬚᬦᬵ ᬲᬫ᭄ᬪᬚᬦᬵ ᬪᬢ᭄ᬢᬶ ᬲᬫ᭄ᬪᬢ᭄ᬢᬶ ᬢᬂᬲᬫ᭄ᬧᬯᬗ᭄ᬓᬢᬵ – ᬅᬬᬂ ᬯᬸᬘ᭄ᬘᬢᬶ ‘‘ᬧᬵᬧᬫᬶᬢ᭄ᬢᬢᬵ’’.