(᭑᭔) ᬅᬲᬵᬔᬮ᭄ᬬᬜ᭄ᬘ ᬅᬧ᭄ᬧᬝᬶᬲᬦ᭄ᬣᬵᬭᭀ ᬘ

᭙᭐᭔. (ᬓ) ᬢᬢ᭄ᬣ ᬓᬢᬫᬂ ᬅᬲᬵᬔᬮ᭄ᬬᬂ? ᬬᬵ ᬲᬵ ᬯᬵᬘᬵ ᬓᬡ᭄ᬟᬓᬵ ᬓᬓ᭄ᬓᬲᬵ ᬧᬭᬓᬝᬸᬓᬵ ᬧᬭᬵᬪᬶᬲᬚ᭄ᬚᬦᬷ ᬓᭀᬥᬲᬵᬫᬦ᭄ᬢᬵ ᬅᬲᬫᬵᬥᬶᬲᬂᬯᬢ᭄ᬢᬦᬶᬓᬵ ᬢᬣᬵᬭᬹᬧᬶᬂ ᬯᬵᬘᬂ ᬪᬵᬲᬶᬢᬵ ᬳᭀᬢᬶ. ᬬᬵ ᬢᬢ᭄ᬣ ᬅᬲᬡ᭄ᬳᬯᬵᬘᬢᬵ ᬅᬲᬔᬶᬮᬯᬵᬘᬢᬵ ᬨᬭᬸᬲᬯᬵᬘᬢᬵ – ᬇᬤᬂ ᬯᬸᬘ᭄ᬘᬢᬶ ‘‘ᬅᬲᬵᬔᬮ᭄ᬬᬂ’’.

(ᬔ) ᬢᬢ᭄ᬣ ᬓᬢᬫᭀ ᬅᬧ᭄ᬧᬝᬶᬲᬦ᭄ᬣᬵᬭᭀ [ᬅᬧ᭄ᬧᬝᬶᬲᬦ᭄ᬥᬵᬭᭀ (ᬓ.)]? ᬤ᭄ᬯᬾ ᬧᬝᬶᬲᬦ᭄ᬣᬵᬭᬵ – ᬆᬫᬶᬲᬧᬝᬶᬲᬦ᭄ᬣᬵᬭᭀ ᬘ ᬥᬫ᭄ᬫᬧᬝᬶᬲᬦ᭄ᬣᬵᬭᭀ ᬘ. ᬇᬥᬾᬓᬘ᭄ᬘᭀ ᬅᬧ᭄ᬧᬝᬶᬲᬦ᭄ᬣᬵᬭᬓᭀ ᬳᭀᬢᬶ ᬆᬫᬶᬲᬧᬝᬶᬲᬦ᭄ᬣᬵᬭᬾᬦ ᬯᬵ ᬥᬫ᭄ᬫᬧᬝᬶᬲᬦ᭄ᬣᬵᬭᬾᬦ ᬯᬵ – ᬅᬬᬂ ᬯᬸᬘ᭄ᬘᬢᬶ ‘‘ᬅᬧ᭄ᬧᬝᬶᬲᬦ᭄ᬣᬵᬭᭀ’’.