᭒. ᬤᬸᬓᬂ

᭖᭔᭑. ᬦ ᬳᬾᬢᬹ, ᬲᬳᬾᬢᬸᬓᬵ, ᬳᬾᬢᬸᬲᬫ᭄ᬧᬬᬸᬢ᭄ᬢᬵ, ᬦ ᬯᬢ᭄ᬢᬩ᭄ᬩᬵ ‘‘ᬳᬾᬢᬹ ᬘᬾᬯ ᬲᬳᬾᬢᬸᬓᬵ ᬘᬵ’’ᬢᬶ, ᬲᬳᬾᬢᬸᬓᬵ ᬘᬾᬯ ᬦ ᬘ ᬳᬾᬢᬹ, ᬦ ᬯᬢ᭄ᬢᬩ᭄ᬩᬵ ‘‘ᬳᬾᬢᬹ ᬘᬾᬯ ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬵ’’ᬢᬶ, ᬳᬾᬢᬸᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦ ᬘ ᬳᬾᬢᬹ, ᬦ ᬳᬾᬢᬹ ᬲᬳᬾᬢᬸᬓᬵ.

ᬲᬧ᭄ᬧᬘ᭄ᬘᬬᬵ, ᬲᬗ᭄ᬔᬢᬵ, ᬅᬦᬶᬤᬲ᭄ᬲᬦᬵ, ᬅᬧ᭄ᬧᬝᬶᬖᬵ, ᬅᬭᬹᬧᬵ, ᬲᬶᬬᬵ ᬮᭀᬓᬶᬬᬵ, ᬲᬶᬬᬵ ᬮᭀᬓᬸᬢ᭄ᬢᬭᬵ, ᬓᬾᬦᬘᬶ ᬯᬶᬜ᭄ᬜᬾᬬ᭄ᬬᬵ, ᬓᬾᬦᬘᬶ ᬦ ᬯᬶᬜ᭄ᬜᬾᬬ᭄ᬬᬵ.

ᬦᭀ ᬆᬲᬯᬵ, ᬲᬶᬬᬵ ᬲᬵᬲᬯᬵ, ᬲᬶᬬᬵ ᬅᬦᬵᬲᬯᬵ, ᬆᬲᬯᬯᬶᬧ᭄ᬧᬬᬸᬢ᭄ᬢᬵ, ᬦ ᬯᬢ᭄ᬢᬩ᭄ᬩᬵ ‘‘ᬆᬲᬯᬵ ᬘᬾᬯ ᬲᬵᬲᬯᬵ ᬘᬵ’’ᬢᬶ, ᬲᬶᬬᬵ ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵ, ᬲᬶᬬᬵ ᬦ ᬯᬢ᭄ᬢᬩ᭄ᬩᬵ ‘‘ᬲᬵᬲᬯᬵ ᬘᬾᬯ ᬦᭀ ᬘ ᬆᬲᬯᬵ’’ᬢᬶ. ᬦ ᬯᬢ᭄ᬢᬩ᭄ᬩᬵ ‘‘ᬆᬲᬯᬵ ᬘᬾᬯ ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬵᬢᬶ’’ᬧᬶ, ᬆᬲᬯᬲᬫ᭄ᬧᬬᬸᬢ᭄ᬢᬵ ᬘᬾᬯ ᬦᭀ ᬘ ᬆᬲᬯᬵᬢᬶᬧᬶ. ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬵ ᬲᬵᬲᬯᬵ, ᬲᬶᬬᬵ ᬆᬲᬯᬯᬶᬧ᭄ᬧᬬᬸᬢ᭄ᬢᬵ ᬅᬦᬵᬲᬯᬵ.

ᬦᭀ ᬲᬂᬬᭀᬚᬦᬵ…ᬧᬾ… ᬦᭀ ᬕᬦ᭄ᬣᬵ…ᬧᬾ… ᬦᭀ ᬑᬖᬵ…ᬧᬾ… ᬦᭀ ᬬᭀᬕᬵ…ᬧᬾ… ᬦᭀ ᬦᬷᬯᬭᬡᬵ…ᬧᬾ… ᬦᭀ ᬧᬭᬵᬫᬵᬲᬵ…ᬧᬾ… ᬲᬵᬭᬫ᭄ᬫᬡᬵ, ᬦᭀ ᬘᬶᬢ᭄ᬢᬵ, ᬘᬾᬢᬲᬶᬓᬵ, ᬘᬶᬢ᭄ᬢᬲᬫ᭄ᬧᬬᬸᬢ᭄ᬢᬵ, ᬘᬶᬢ᭄ᬢᬲᬂᬲᬝ᭄ᬞᬵ, ᬘᬶᬢ᭄ᬢᬲᬫᬸᬝ᭄ᬞᬵᬦᬵ, ᬘᬶᬢ᭄ᬢᬲᬳᬪᬸᬦᭀ, ᬘᬶᬢ᭄ᬢᬵᬦᬸᬧᬭᬶᬯᬢ᭄ᬢᬶᬦᭀ, ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵ, ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬲᬳᬪᬸᬦᭀ, ᬘᬶᬢ᭄ᬢᬲᬂᬲᬝ᭄ᬞᬲᬫᬸᬝ᭄ᬞᬵᬦᬵᬦᬸᬧᬭᬶᬯᬢ᭄ᬢᬶᬦᭀ, ᬩᬵᬳᬶᬭᬵ, ᬦᭀ ᬉᬧᬵᬤᬵ, ᬲᬶᬬᬵ ᬉᬧᬵᬤᬶᬦ᭄ᬦᬵ, ᬲᬶᬬᬵ ᬅᬦᬸᬧᬵᬤᬶᬦ᭄ᬦᬵ.

ᬦᭀ ᬉᬧᬵᬤᬵᬦᬵ…ᬧᬾ… ᬦᭀ ᬓᬶᬮᬾᬲᬵ…ᬧᬾ… ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬵ, ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬵ, ᬦ ᬤᬲ᭄ᬲᬦᬾᬦ ᬧᬳᬵᬢᬩ᭄ᬩᬳᬾᬢᬸᬓᬵ, ᬦ ᬪᬵᬯᬦᬵᬬ ᬧᬳᬵᬢᬩ᭄ᬩᬳᬾᬢᬸᬓᬵ. ᬧᬞᬫᬂ ᬛᬵᬦᬂ – ᬏᬢ᭄ᬣᬸᬧ᭄ᬧᬦ᭄ᬦᬂ ᬯᬶᬢᬓ᭄ᬓᬂ ᬞᬧᬾᬢ᭄ᬯᬵ ᬲᬯᬶᬢᬓ᭄ᬓᬂ, ᬢᬷᬡᬶ ᬛᬵᬦᬵᬦᬶ ᬅᬯᬶᬢᬓ᭄ᬓᬵ. ᬧᬞᬫᬂ ᬛᬵᬦᬂ – ᬏᬢ᭄ᬣᬸᬧ᭄ᬧᬦ᭄ᬦᬂ ᬯᬶᬘᬵᬭᬂ ᬞᬧᬾᬢ᭄ᬯᬵ ᬲᬯᬶᬘᬵᬭᬂ, ᬢᬷᬡᬶ ᬛᬵᬦᬵᬦᬶ ᬅᬯᬶᬘᬵᬭᬵ. ᬤ᭄ᬯᬾ ᬛᬵᬦᬵᬦᬶ – ᬏᬢ᭄ᬣᬸᬧ᭄ᬧᬦ᭄ᬦᬂ ᬧᬷᬢᬶᬂ ᬞᬧᬾᬢ᭄ᬯᬵ ᬲᬧ᭄ᬧᬷᬢᬶᬓᬵ, ᬤ᭄ᬯᬾ ᬛᬵᬦᬵᬦᬶ ᬅᬧ᭄ᬧᬷᬢᬶᬓᬵ. ᬤ᭄ᬯᬾ ᬛᬵᬦᬵᬦᬶ – ᬏᬢ᭄ᬣᬸᬧ᭄ᬧᬦ᭄ᬦᬂ ᬧᬷᬢᬶᬂ ᬞᬧᬾᬢ᭄ᬯᬵ ᬧᬷᬢᬶᬲᬳᬕᬢᬵ, ᬤ᭄ᬯᬾ ᬛᬵᬦᬵᬦᬶ ᬦ ᬧᬷᬢᬶᬲᬳᬕᬢᬵ. ᬢᬷᬡᬶ ᬛᬵᬦᬵᬦᬶ – ᬏᬢ᭄ᬣᬸᬧ᭄ᬧᬦ᭄ᬦᬂ ᬲᬸᬔᬂ ᬞᬧᬾᬢ᭄ᬯᬵ ᬲᬸᬔᬲᬳᬕᬢᬵ, ᬘᬢᬸᬢ᭄ᬣᬂ ᬛᬵᬦᬂ ᬦ ᬲᬸᬔᬲᬳᬕᬢᬂ. ᬘᬢᬸᬢ᭄ᬣᬂ ᬛᬵᬦᬂ – ᬏᬢ᭄ᬣᬸᬧ᭄ᬧᬦ᭄ᬦᬂ ᬉᬧᬾᬓ᭄ᬔᬂ ᬞᬧᬾᬢ᭄ᬯᬵ ᬉᬧᬾᬓ᭄ᬔᬵᬲᬳᬕᬢᬂ, ᬢᬷᬡᬶ ᬛᬵᬦᬵᬦᬶ ᬉᬧᬾᬓ᭄ᬔᬵᬲᬳᬕᬢᬵ, ᬦ ᬓᬵᬫᬵᬯᬘᬭᬵ, ᬲᬶᬬᬵ ᬭᬹᬧᬵᬯᬘᬭᬵ, ᬲᬶᬬᬵ ᬦ ᬭᬹᬧᬵᬯᬘᬭᬵ, ᬢᬷᬡᬶ ᬛᬵᬦᬵᬦᬶ ᬦ ᬅᬭᬹᬧᬵᬯᬘᬭᬵ, ᬘᬢᬸᬢ᭄ᬣᬂ ᬛᬵᬦᬂ ᬲᬶᬬᬵ ᬅᬭᬹᬧᬵᬯᬘᬭᬂ, ᬲᬶᬬᬵ ᬦ ᬅᬭᬹᬧᬵᬯᬘᬭᬂ, ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦᬶᬬ᭄ᬬᬵᬦᬶᬓᬵ, ᬲᬶᬬᬵ ᬅᬦᬶᬬ᭄ᬬᬵᬦᬶᬓᬵ, ᬲᬶᬬᬵ ᬦᬶᬬᬢᬵ, ᬲᬶᬬᬵ ᬅᬦᬶᬬᬢᬵ, ᬲᬶᬬᬵ ᬲᬉᬢ᭄ᬢᬭᬵ, ᬲᬶᬬᬵ ᬅᬦᬸᬢ᭄ᬢᬭᬵ, ᬅᬭᬡᬵᬢᬶ.

ᬧᬜ᭄ᬳᬵᬧᬸᬘ᭄ᬙᬓᬂ.

ᬛᬵᬦᬯᬶᬪᬗ᭄ᬕᭀ ᬦᬶᬝ᭄ᬞᬶᬢᭀ.