᭑. ᬏᬓᬓᬉᬤ᭄ᬤᬾᬲᭀ

᭑. ᬙ ᬧᬜ᭄ᬜᬢ᭄ᬢᬶᬬᭀ – ᬔᬦ᭄ᬥᬧᬜ᭄ᬜᬢ᭄ᬢᬶ, ᬆᬬᬢᬦᬧᬜ᭄ᬜᬢ᭄ᬢᬶ, ᬥᬵᬢᬸᬧᬜ᭄ᬜᬢ᭄ᬢᬶ, ᬲᬘ᭄ᬘᬧᬜ᭄ᬜᬢ᭄ᬢᬶ, ᬇᬦ᭄ᬤ᭄ᬭᬶᬬᬧᬜ᭄ᬜᬢ᭄ᬢᬶ, ᬧᬸᬕ᭄ᬕᬮᬧᬜ᭄ᬜᬢ᭄ᬢᬷᬢᬶ.

᭒. ᬓᬶᬢ᭄ᬢᬵᬯᬢᬵ ᬔᬦ᭄ᬥᬵᬦᬂ ᬔᬦ᭄ᬥᬧᬜ᭄ᬜᬢ᭄ᬢᬶ? ᬬᬵᬯᬢᬵ ᬧᬜ᭄ᬘᬓ᭄ᬔᬦ᭄ᬥᬵ – ᬭᬹᬧᬓ᭄ᬔᬦ᭄ᬥᭀ, ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ; ᬏᬢ᭄ᬢᬵᬯᬢᬵ ᬔᬦ᭄ᬥᬵᬦᬂ ᬔᬦ᭄ᬥᬧᬜ᭄ᬜᬢ᭄ᬢᬶ.

᭓. ᬓᬶᬢ᭄ᬢᬵᬯᬢᬵ ᬆᬬᬢᬦᬵᬦᬂ ᬆᬬᬢᬦᬧᬜ᭄ᬜᬢ᭄ᬢᬶ? ᬬᬵᬯᬢᬵ ᬤ᭄ᬯᬵᬤᬲᬵᬬᬢᬦᬵᬦᬶ – ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬲᬤ᭄ᬤᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ; ᬏᬢ᭄ᬢᬵᬯᬢᬵ ᬆᬬᬢᬦᬵᬦᬂ ᬆᬬᬢᬦᬧᬜ᭄ᬜᬢ᭄ᬢᬶ.

᭔. ᬓᬶᬢ᭄ᬢᬵᬯᬢᬵ ᬥᬵᬢᬹᬦᬂ ᬥᬵᬢᬸᬧᬜ᭄ᬜᬢ᭄ᬢᬶ? ᬬᬵᬯᬢᬵ ᬅᬝ᭄ᬞᬵᬭᬲ ᬥᬵᬢᬸᬬᭀ – ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬘᬓ᭄ᬔᬸᬯᬶᬜ᭄ᬜᬵᬡᬥᬵᬢᬸ, ᬲᭀᬢᬥᬵᬢᬸ, ᬲᬤ᭄ᬤᬥᬵᬢᬸ, ᬲᭀᬢᬯᬶᬜ᭄ᬜᬵᬡᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬖᬵᬦᬯᬶᬜ᭄ᬜᬵᬡᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬚᬶᬯ᭄ᬳᬵᬯᬶᬜ᭄ᬜᬵᬡᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬓᬵᬬᬯᬶᬜ᭄ᬜᬵᬡᬥᬵᬢᬸ, ᬫᬦᭀᬥᬵᬢᬸ, ᬥᬫ᭄ᬫᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ; ᬏᬢ᭄ᬢᬵᬯᬢᬵ ᬥᬵᬢᬹᬦᬂ ᬥᬵᬢᬸᬧᬜ᭄ᬜᬢ᭄ᬢᬶ.

᭕. ᬓᬶᬢ᭄ᬢᬵᬯᬢᬵ ᬲᬘ᭄ᬘᬵᬦᬂ ᬲᬘ᭄ᬘᬧᬜ᭄ᬜᬢ᭄ᬢᬶ? ᬬᬵᬯᬢᬵ ᬘᬢ᭄ᬢᬵᬭᬶ ᬲᬘ᭄ᬘᬵᬦᬶ – ᬤᬸᬓ᭄ᬔᬲᬘ᭄ᬘᬂ, ᬲᬫᬸᬤᬬᬲᬘ᭄ᬘᬂ, ᬦᬶᬭᭀᬥᬲᬘ᭄ᬘᬂ, ᬫᬕ᭄ᬕᬲᬘ᭄ᬘᬂ; ᬏᬢ᭄ᬢᬵᬯᬢᬵ ᬲᬘ᭄ᬘᬵᬦᬂ ᬲᬘ᭄ᬘᬧᬜ᭄ᬜᬢ᭄ᬢᬶ.

᭖. ᬓᬶᬢ᭄ᬢᬵᬯᬢᬵ ᬇᬦ᭄ᬤ᭄ᬭᬶᬬᬵᬦᬂ ᬇᬦ᭄ᬤ᭄ᬭᬶᬬᬧᬜ᭄ᬜᬢ᭄ᬢᬶ? ᬬᬵᬯᬢᬵ ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ, ᬧᬸᬭᬶᬲᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᬸᬔᬶᬦ᭄ᬤ᭄ᬭᬶᬬᬂ, ᬤᬸᬓ᭄ᬔᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ; ᬏᬢ᭄ᬢᬵᬯᬢᬵ ᬇᬦ᭄ᬤ᭄ᬭᬶᬬᬵᬦᬂ ᬇᬦ᭄ᬤ᭄ᬭᬶᬬᬧᬜ᭄ᬜᬢ᭄ᬢᬶ.

᭗. ᬓᬶᬢ᭄ᬢᬵᬯᬢᬵ ᬧᬸᬕ᭄ᬕᬮᬵᬦᬂ ᬧᬸᬕ᭄ᬕᬮᬧᬜ᭄ᬜᬢ᭄ᬢᬶ?

(᭑) ᬲᬫᬬᬯᬶᬫᬸᬢ᭄ᬢᭀ

(᭒) ᬅᬲᬫᬬᬯᬶᬫᬸᬢ᭄ᬢᭀ

(᭓) ᬓᬸᬧ᭄ᬧᬥᬫ᭄ᬫᭀ

(᭔) ᬅᬓᬸᬧ᭄ᬧᬥᬫ᭄ᬫᭀ

(᭕) ᬧᬭᬶᬳᬵᬦᬥᬫ᭄ᬫᭀ

(᭖) ᬅᬧᬭᬶᬳᬵᬦᬥᬫ᭄ᬫᭀ

(᭗) ᬘᬾᬢᬦᬵᬪᬩ᭄ᬩᭀ

(᭘) ᬅᬦᬸᬭᬓ᭄ᬔᬡᬵᬪᬩ᭄ᬩᭀ

(᭙) ᬧᬸᬣᬸᬚ᭄ᬚᬦᭀ

(᭑᭐) ᬕᭀᬢ᭄ᬭᬪᬹ

(᭑᭑) ᬪᬬᬹᬧᬭᬢᭀ

(᭑᭒) ᬅᬪᬬᬹᬧᬭᬢᭀ

(᭑᭓) ᬪᬩ᭄ᬩᬵᬕᬫᬦᭀ

(᭑᭔) ᬅᬪᬩ᭄ᬩᬵᬕᬫᬦᭀ

(᭑᭕) ᬦᬶᬬᬢᭀ

(᭑᭖) ᬅᬦᬶᬬᬢᭀ

(᭑᭗) ᬧᬝᬶᬧᬦ᭄ᬦᬓᭀ

(᭑᭘) ᬨᬮᬾᬞᬶᬢᭀ

(᭑᭙) ᬲᬫᬲᬷᬲᬷ

(᭒᭐) ᬞᬶᬢᬓᬧ᭄ᬧᬷ

(᭒᭑) ᬅᬭᬶᬬᭀ

(᭒᭒) ᬅᬦᬭᬶᬬᭀ

(᭒᭓) ᬲᬾᬓ᭄ᬔᭀ

(᭒᭔) ᬅᬲᬾᬓ᭄ᬔᭀ

(᭒᭕) ᬦᬾᬯᬲᬾᬓ᭄ᬔᬦᬵᬲᬾᬓ᭄ᬔᭀ

(᭒᭖) ᬢᬾᬯᬶᬚ᭄ᬚᭀ

(᭒᭗) ᬙᬮ᬴ᬪᬶᬜ᭄ᬜᭀ

(᭒᭘) ᬲᬫ᭄ᬫᬵᬲᬫ᭄ᬩᬸᬤ᭄ᬥᭀ

(᭒᭙) ᬧᬘ᭄ᬘᬾᬓᬲᬫ᭄ᬩᬸᬤ᭄ᬥᭀ [ᬧᬘ᭄ᬘᬾᬓᬩᬸᬤ᭄ᬥᭀ (ᬲᬷ.)]

(᭓᭐) ᬉᬪᬢᭀᬪᬵᬕᬯᬶᬫᬸᬢ᭄ᬢᭀ

(᭓᭑) ᬧᬜ᭄ᬜᬵᬯᬶᬫᬸᬢ᭄ᬢᭀ

(᭓᭒) ᬓᬵᬬᬲᬓ᭄ᬔᬷ

(᭓᭓) ᬤᬶᬝ᭄ᬞᬶᬧ᭄ᬧᬢ᭄ᬢᭀ

(᭓᭔) ᬲᬤ᭄ᬥᬵᬯᬶᬫᬸᬢ᭄ᬢᭀ

(᭓᭕) ᬥᬫ᭄ᬫᬵᬦᬸᬲᬵᬭᬷ

(᭓᭖) ᬲᬤ᭄ᬥᬵᬦᬸᬲᬵᬭᬷ

(᭓᭗) ᬲᬢ᭄ᬢᬓ᭄ᬔᬢ᭄ᬢᬸᬧᬭᬫᭀ

(᭓᭘) ᬓᭀᬮᬗ᭄ᬓᭀᬮᭀ

(᭓᭙) ᬏᬓᬩᬷᬚᬷ

(᭔᭐) ᬲᬓᬤᬵᬕᬵᬫᬷ

(᭔᭑) ᬅᬦᬵᬕᬵᬫᬷ

(᭔᭒) ᬅᬦ᭄ᬢᬭᬵᬧᬭᬶᬦᬶᬩ᭄ᬩᬵᬬᬷ

(᭔᭓) ᬉᬧᬳᬘ᭄ᬘᬧᬭᬶᬦᬶᬩ᭄ᬩᬵᬬᬷ

(᭔᭔) ᬅᬲᬗ᭄ᬔᬵᬭᬧᬭᬶᬦᬶᬩ᭄ᬩᬵᬬᬷ

(᭔᭕) ᬲᬲᬗ᭄ᬔᬵᬭᬧᬭᬶᬦᬶᬩ᭄ᬩᬵᬬᬷ

(᭔᭖) ᬉᬤ᭄ᬥᬂᬲᭀᬢᭀᬅᬓᬦᬶᬝ᭄ᬞᬕᬵᬫᬷ

(᭔᭗) ᬲᭀᬢᬵᬧᬦ᭄ᬦᭀ

(᭔᭘) ᬲᭀᬢᬵᬧᬢ᭄ᬢᬶᬨᬮᬲᬘ᭄ᬙᬶᬓᬶᬭᬶᬬᬵᬬ ᬧᬝᬶᬧᬦ᭄ᬦᭀ

(᭔᭙) ᬲᬓᬤᬵᬕᬵᬫᬷ

(᭕᭐) ᬲᬓᬤᬵᬕᬵᬫᬶᬨᬮᬲᬘ᭄ᬙᬶᬓᬶᬭᬶᬬᬵᬬ ᬧᬝᬶᬧᬦ᭄ᬦᭀ

(᭕᭑) ᬅᬦᬵᬕᬵᬫᬷ

(᭕᭒) ᬅᬦᬵᬕᬵᬫᬶᬨᬮᬲᬘ᭄ᬙᬶᬓᬶᬭᬶᬬᬵᬬ ᬧᬝᬶᬧᬦ᭄ᬦᭀ

(᭕᭓) ᬅᬭᬳᬵ

(᭕᭔) ᬅᬭᬳᬢ᭄ᬢᬨᬮᬲᬘ᭄ᬙᬶᬓᬶᬭᬶᬬᬵᬬ [ᬅᬭᬳᬢ᭄ᬢᬵᬬ (ᬲᬷ.)] ᬧᬝᬶᬧᬦ᭄ᬦᭀ

ᬏᬓᬓᬂ.