᭒. ᬤᬸᬢᬶᬬᬧᬶᬬᬲᬸᬢ᭄ᬢᬂ

᭒. ‘‘ᬲᬢ᭄ᬢᬳᬶ, ᬪᬶᬓ᭄ᬔᬯᬾ, ᬥᬫ᭄ᬫᬾᬳᬶ ᬲᬫᬦ᭄ᬦᬵᬕᬢᭀ ᬪᬶᬓ᭄ᬔᬸ ᬲᬩ᭄ᬭᬳ᭄ᬫᬘᬵᬭᬷᬦᬂ ᬅᬧ᭄ᬧᬶᬬᭀ ᬘ ᬳᭀᬢᬶ ᬅᬫᬦᬵᬧᭀ ᬘ ᬅᬕᬭᬸ ᬘ ᬅᬪᬵᬯᬦᬷᬬᭀ ᬘ. ᬓᬢᬫᬾᬳᬶ ᬲᬢ᭄ᬢᬳᬶ? ᬇᬥ, ᬪᬶᬓ᭄ᬔᬯᬾ, ᬪᬶᬓ᭄ᬔᬸ ᬮᬵᬪᬓᬵᬫᭀ ᬘ ᬳᭀᬢᬶ, ᬲᬓ᭄ᬓᬵᬭᬓᬵᬫᭀ ᬘ ᬳᭀᬢᬶ, ᬅᬦᬯᬜ᭄ᬜᬢ᭄ᬢᬶᬓᬵᬫᭀ ᬘ ᬳᭀᬢᬶ, ᬅᬳᬶᬭᬶᬓᭀ ᬘ ᬳᭀᬢᬶ, ᬅᬦᭀᬢ᭄ᬢᬧ᭄ᬧᬷ ᬘ, ᬇᬲ᭄ᬲᬸᬓᬷ ᬘ, ᬫᬘ᭄ᬙᬭᬷ ᬘ. ᬇᬫᬾᬳᬶ ᬔᭀ, ᬪᬶᬓ᭄ᬔᬯᬾ, ᬲᬢ᭄ᬢᬳᬶ ᬥᬫ᭄ᬫᬾᬳᬶ ᬲᬫᬦ᭄ᬦᬵᬕᬢᭀ ᬪᬶᬓ᭄ᬔᬸ ᬲᬩ᭄ᬭᬳ᭄ᬫᬘᬵᬭᬷᬦᬂ ᬅᬧ᭄ᬧᬶᬬᭀ ᬘ ᬳᭀᬢᬶ ᬅᬫᬦᬵᬧᭀ ᬘ ᬅᬕᬭᬸ ᬘ ᬅᬪᬵᬯᬦᬷᬬᭀ ᬘ.

‘‘ᬲᬢ᭄ᬢᬳᬶ, ᬪᬶᬓ᭄ᬔᬯᬾ, ᬥᬫ᭄ᬫᬾᬳᬶ ᬲᬫᬦ᭄ᬦᬵᬕᬢᭀ ᬪᬶᬓ᭄ᬔᬸ+? ᬲᬩ᭄ᬭᬳ᭄ᬫᬘᬵᬭᬷᬦᬂ ᬧᬶᬬᭀ ᬘ ᬳᭀᬢᬶ ᬫᬦᬵᬧᭀ ᬘ ᬕᬭᬸ ᬘ ᬪᬵᬯᬦᬷᬬᭀ ᬘ. ᬓᬢᬫᬾᬳᬶ ᬲᬢ᭄ᬢᬳᬶ? ᬇᬥ, ᬪᬶᬓ᭄ᬔᬯᬾ, ᬪᬶᬓ᭄ᬔᬸ ᬦ ᬮᬵᬪᬓᬵᬫᭀ ᬘ ᬳᭀᬢᬶ, ᬦ ᬲᬓ᭄ᬓᬵᬭᬓᬵᬫᭀ ᬘ ᬳᭀᬢᬶ, ᬦ ᬅᬦᬯᬜ᭄ᬜᬢ᭄ᬢᬶᬓᬵᬫᭀ ᬘ ᬳᭀᬢᬶ, ᬳᬶᬭᬶᬫᬵ ᬘ ᬳᭀᬢᬶ, ᬑᬢ᭄ᬢᬧ᭄ᬧᬷ ᬘ, ᬅᬦᬶᬲ᭄ᬲᬸᬓᬷ ᬘ, ᬅᬫᬘ᭄ᬙᬭᬷ ᬘ. ᬇᬫᬾᬳᬶ ᬔᭀ, ᬪᬶᬓ᭄ᬔᬯᬾ, ᬲᬢ᭄ᬢᬳᬶ ᬥᬫ᭄ᬫᬾᬳᬶ ᬲᬫᬦ᭄ᬦᬵᬕᬢᭀ ᬪᬶᬓ᭄ᬔᬸ ᬲᬩ᭄ᬭᬳ᭄ᬫᬘᬵᬭᬷᬦᬂ ᬧᬶᬬᭀ ᬘ ᬳᭀᬢᬶ ᬫᬦᬵᬧᭀ ᬘ ᬕᬭᬸ ᬘ ᬪᬵᬯᬦᬷᬬᭀ ᬘᬵ’’ᬢᬶ. ᬤᬸᬢᬶᬬᬂ.