᭔. ᬳᬶᬫᬯᬦ᭄ᬢᬲᬸᬢ᭄ᬢᬂ

᭒᭔. ‘‘ᬙᬳᬶ, ᬪᬶᬓ᭄ᬔᬯᬾ, ᬥᬫ᭄ᬫᬾᬳᬶ ᬲᬫᬦ᭄ᬦᬵᬕᬢᭀ ᬪᬶᬓ᭄ᬔᬸ ᬳᬶᬫᬯᬦ᭄ᬢᬂ ᬧᬩ᭄ᬩᬢᬭᬵᬚᬂ ᬧᬤᬵᬮᬾᬬ᭄ᬬ, ᬓᭀ ᬧᬦ ᬯᬵᬤᭀ ᬙᬯᬵᬬ ᬅᬯᬶᬚ᭄ᬚᬵᬬ! ᬓᬢᬫᬾᬳᬶ ᬙᬳᬶ? ᬇᬥ, ᬪᬶᬓ᭄ᬔᬯᬾ, ᬪᬶᬓ᭄ᬔᬸ ᬲᬫᬵᬥᬶᬲ᭄ᬲ ᬲᬫᬵᬧᬢ᭄ᬢᬶᬓᬸᬲᬮᭀ ᬳᭀᬢᬶ, ᬲᬫᬵᬥᬶᬲ᭄ᬲ ᬞᬶᬢᬶᬓᬸᬲᬮᭀ ᬳᭀᬢᬶ, ᬲᬫᬵᬥᬶᬲ᭄ᬲ ᬯᬸᬝ᭄ᬞᬵᬦᬓᬸᬲᬮᭀ ᬳᭀᬢᬶ, ᬲᬫᬵᬥᬶᬲ᭄ᬲ ᬓᬮ᭄ᬮᬶᬢᬓᬸᬲᬮᭀ [ᬓᬮ᭄ᬮᬢᬵᬓᬸᬲᬮᭀ (ᬲ᭄ᬬᬵ. ᬓᬂ. ᬓ.) ᬲᬂ. ᬦᬶ. ᭓.᭖᭖᭕ ᬧᬲ᭄ᬲᬶᬢᬩ᭄ᬩᬂ] ᬳᭀᬢᬶ, ᬲᬫᬵᬥᬶᬲ᭄ᬲ ᬕᭀᬘᬭᬓᬸᬲᬮᭀ ᬳᭀᬢᬶ, ᬲᬫᬵᬥᬶᬲ᭄ᬲ ᬅᬪᬶᬦᬷᬳᬵᬭᬓᬸᬲᬮᭀ ᬳᭀᬢᬶ. ᬇᬫᬾᬳᬶ ᬔᭀ, ᬪᬶᬓ᭄ᬔᬯᬾ, ᬙᬳᬶ ᬥᬫ᭄ᬫᬾᬳᬶ ᬲᬫᬦ᭄ᬦᬵᬕᬢᭀ ᬪᬶᬓ᭄ᬔᬸ ᬳᬶᬫᬯᬦ᭄ᬢᬂ ᬧᬩ᭄ᬩᬢᬭᬵᬚᬂ ᬧᬤᬵᬮᬾᬬ᭄ᬬ, ᬓᭀ ᬧᬦ ᬯᬵᬤᭀ ᬙᬯᬵᬬ ᬅᬯᬶᬚ᭄ᬚᬵᬬᬵ’’ᬢᬶ! ᬘᬢᬸᬢ᭄ᬣᬂ.