᭑. ᬅᬪᬶᬜ᭄ᬜᬵᬲᬸᬢ᭄ᬢᬂ

᭒᭕᭔. ‘‘ᬘᬢ᭄ᬢᬵᬭᭀᬫᬾ, ᬪᬶᬓ᭄ᬔᬯᬾ, ᬥᬫ᭄ᬫᬵ. ᬓᬢᬫᬾ ᬘᬢ᭄ᬢᬵᬭᭀ? ᬅᬢ᭄ᬣᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬧᬭᬶᬜ᭄ᬜᬾᬬ᭄ᬬᬵ; ᬅᬢ᭄ᬣᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬧᬳᬵᬢᬩ᭄ᬩᬵ; ᬅᬢ᭄ᬣᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬪᬵᬯᬾᬢᬩ᭄ᬩᬵ; ᬅᬢ᭄ᬣᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬲᬘ᭄ᬙᬶᬓᬵᬢᬩ᭄ᬩᬵ.

‘‘ᬓᬢᬫᬾ ᬘ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬧᬭᬶᬜ᭄ᬜᬾᬬ᭄ᬬᬵ? ᬧᬜ᭄ᬘᬸᬧᬵᬤᬵᬦᬓ᭄ᬔᬦ᭄ᬥᬵ [ᬧᬜ᭄ᬘᬸᬧᬵᬤᬵᬦᬓ᭄ᬔᬦ᭄ᬥᬵᬢᬶᬲ᭄ᬲ ᬯᬘᬦᬷᬬᬂ (ᬓ.)] – ᬇᬫᬾ ᬯᬸᬘ᭄ᬘᬦ᭄ᬢᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬧᬭᬶᬜ᭄ᬜᬾᬬ᭄ᬬᬵ.

‘‘ᬓᬢᬫᬾ ᬘ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬧᬳᬵᬢᬩ᭄ᬩᬵ? ᬅᬯᬶᬚ᭄ᬚᬵ ᬘ ᬪᬯᬢᬡ᭄ᬳᬵ ᬘ – ᬇᬫᬾ ᬯᬸᬘ᭄ᬘᬦ᭄ᬢᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬧᬳᬵᬢᬩ᭄ᬩᬵ.

‘‘ᬓᬢᬫᬾ ᬘ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬪᬵᬯᬾᬢᬩ᭄ᬩᬵ? ᬲᬫᬣᭀ ᬘ ᬯᬶᬧᬲ᭄ᬲᬦᬵ ᬘ – ᬇᬫᬾ ᬯᬸᬘ᭄ᬘᬦ᭄ᬢᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬪᬵᬯᬾᬢᬩ᭄ᬩᬵ.

‘‘ᬓᬢᬫᬾ ᬘ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬲᬘ᭄ᬙᬶᬓᬵᬢᬩ᭄ᬩᬵ? ᬯᬶᬚ᭄ᬚᬵ ᬘ ᬯᬶᬫᬸᬢ᭄ᬢᬶ ᬘ – ᬇᬫᬾ ᬯᬸᬘ᭄ᬘᬦ᭄ᬢᬶ, ᬪᬶᬓ᭄ᬔᬯᬾ, ᬥᬫ᭄ᬫᬵ ᬅᬪᬶᬜ᭄ᬜᬵ ᬲᬘ᭄ᬙᬶᬓᬵᬢᬩ᭄ᬩᬵ. ᬇᬫᬾ ᬔᭀ, ᬪᬶᬓ᭄ᬔᬯᬾ, ᬘᬢ᭄ᬢᬵᬭᭀ ᬥᬫ᭄ᬫᬵ’’ᬢᬶ. ᬧᬞᬫᬂ.