(᭘) ᭓. ᬲᬦᬶᬫᬶᬢ᭄ᬢᬯᬕ᭄ᬕᭀ

᭗᭘. ‘‘ᬲᬦᬶᬫᬶᬢ᭄ᬢᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬦᬶᬫᬶᬢ᭄ᬢᬵ. ᬢᬲ᭄ᬲᬾᬯ ᬦᬶᬫᬶᬢ᭄ᬢᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭗᭙. ‘‘ᬲᬦᬶᬤᬵᬦᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬦᬶᬤᬵᬦᬵ. ᬢᬲ᭄ᬲᬾᬯ ᬦᬶᬤᬵᬦᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭐. ‘‘ᬲᬳᬾᬢᬸᬓᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬳᬾᬢᬸᬓᬵ. ᬢᬲ᭄ᬲᬾᬯ ᬳᬾᬢᬸᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭑. ‘‘ᬲᬲᬗ᭄ᬔᬵᬭᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬲᬗ᭄ᬔᬵᬭᬵ. ᬢᬾᬲᬂᬬᬾᬯ ᬲᬗ᭄ᬔᬵᬭᬵᬦᬂ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭒. ‘‘ᬲᬧ᭄ᬧᬘ᭄ᬘᬬᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬧ᭄ᬧᬘ᭄ᬘᬬᬵ. ᬢᬲ᭄ᬲᬾᬯ ᬧᬘ᭄ᬘᬬᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭓. ‘‘ᬲᬭᬹᬧᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬭᬹᬧᬵ. ᬢᬲ᭄ᬲᬾᬯ ᬭᬹᬧᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭔. ‘‘ᬲᬯᬾᬤᬦᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬯᬾᬤᬦᬵ. ᬢᬲ᭄ᬲᬵᬬᬾᬯ ᬯᬾᬤᬦᬵᬬ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭕. ‘‘ᬲᬲᬜ᭄ᬜᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬲᬜ᭄ᬜᬵ. ᬢᬲ᭄ᬲᬵᬬᬾᬯ ᬲᬜ᭄ᬜᬵᬬ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭖. ‘‘ᬲᬯᬶᬜ᭄ᬜᬵᬡᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬯᬶᬜ᭄ᬜᬵᬡᬵ. ᬢᬲ᭄ᬲᬾᬯ ᬯᬶᬜ᭄ᬜᬵᬡᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

᭘᭗. ‘‘ᬲᬗ᭄ᬔᬢᬵᬭᬫ᭄ᬫᬡᬵ, ᬪᬶᬓ᭄ᬔᬯᬾ, ᬉᬧ᭄ᬧᬚ᭄ᬚᬦ᭄ᬢᬶ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ, ᬦᭀ ᬅᬲᬗ᭄ᬔᬢᬵᬭᬫ᭄ᬫᬡᬵ. ᬢᬲ᭄ᬲᬾᬯ ᬲᬗ᭄ᬔᬢᬲ᭄ᬲ ᬧᬳᬵᬦᬵ ᬏᬯᬂ ᬢᬾ ᬧᬵᬧᬓᬵ ᬅᬓᬸᬲᬮᬵ ᬥᬫ᭄ᬫᬵ ᬦ ᬳᭀᬦ᭄ᬢᬷ’’ᬢᬶ.

ᬲᬦᬶᬫᬶᬢ᭄ᬢᬯᬕ᭄ᬕᭀ ᬢᬢᬶᬬᭀ.