᭓. ᬲᬂᬬᭀᬚᬦᬲᬸᬢ᭄ᬢᬂ

᭑᭓. ‘‘ᬤᬲᬬᬶᬫᬵᬦᬶ, ᬪᬶᬓ᭄ᬔᬯᬾ, ᬲᬂᬬᭀᬚᬦᬵᬦᬶ. ᬓᬢᬫᬵᬦᬶ ᬤᬲ? ᬧᬜ᭄ᬘᭀᬭᬫ᭄ᬪᬵᬕᬶᬬᬵᬦᬶ ᬲᬂᬬᭀᬚᬦᬵᬦᬶ, ᬧᬜ᭄ᬘᬸᬤ᭄ᬥᬫ᭄ᬪᬵᬕᬶᬬᬵᬦᬶ ᬲᬂᬬᭀᬚᬦᬵᬦᬶ. ᬓᬢᬫᬵᬦᬶ ᬧᬜ᭄ᬘᭀᬭᬫ᭄ᬪᬵᬕᬶᬬᬵᬦᬶ ᬲᬂᬬᭀᬚᬦᬵᬦᬶ? ᬲᬓ᭄ᬓᬵᬬᬤᬶᬝ᭄ᬞᬶ, ᬯᬶᬘᬶᬓᬶᬘ᭄ᬙᬵ, ᬲᬷᬮᬩ᭄ᬩᬢᬧᬭᬵᬫᬵᬲᭀ, ᬓᬵᬫᬘ᭄ᬙᬦ᭄ᬤᭀ, ᬩ᭄ᬬᬵᬧᬵᬤᭀ – ᬇᬫᬵᬦᬶ ᬧᬜ᭄ᬘᭀᬭᬫ᭄ᬪᬵᬕᬶᬬᬵᬦᬶ ᬲᬂᬬᭀᬚᬦᬵᬦᬶ.

‘‘ᬓᬢᬫᬵᬦᬶ ᬧᬜ᭄ᬘᬸᬤ᭄ᬥᬫ᭄ᬪᬵᬕᬶᬬᬵᬦᬶ ᬲᬂᬬᭀᬚᬦᬵᬦᬶ? ᬭᬹᬧᬭᬵᬕᭀ, ᬅᬭᬹᬧᬭᬵᬕᭀ, ᬫᬵᬦᭀ, ᬉᬤ᭄ᬥᬘ᭄ᬘᬂ, ᬅᬯᬶᬚ᭄ᬚᬵ – ᬇᬫᬵᬦᬶ ᬧᬜ᭄ᬘᬸᬤ᭄ᬥᬫ᭄ᬪᬵᬕᬶᬬᬵᬦᬶ ᬲᬂᬬᭀᬚᬦᬵᬦᬶ. ᬇᬫᬵᬦᬶ ᬔᭀ, ᬪᬶᬓ᭄ᬔᬯᬾ, ᬤᬲ ᬲᬂᬬᭀᬚᬦᬵᬦᬷ’’ᬢᬶ. ᬢᬢᬶᬬᬂ.