৪. সঙ্গহিতৱাৰো

১৯৬. মেথুনং ধম্মং পটিসেৱনপচ্চযা আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? মেথুনং ধম্মং পটিসেৱনপচ্চযা আপত্তিযো সত্তন্নং আপত্তিক্খন্ধানং চতূহি আপত্তিক্খন্ধেহি সঙ্গহিতা – সিযা পাৰাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা পাচিত্তিযাপত্তিক্খন্ধেন, সিযা দুক্কটাপত্তিক্খন্ধেন…পে….

অনাদৰিযং পটিচ্চ উদকে উচ্চাৰং ৱা পস্সাৱং ৱা খেড়ং ৱা কৰণপচ্চযা আপত্তি সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? অনাদৰিযং পটিচ্চ উদকে উচ্চাৰং ৱা পস্সাৱং ৱা খেড়ং ৱা কৰণপচ্চযা আপত্তি সত্তন্নং আপত্তিক্খন্ধানং একেন আপত্তিক্খন্ধেন সঙ্গহিতা – দুক্কটাপত্তিক্খন্ধেন.

সঙ্গহিতৱাৰো নিট্ঠিতো চতুত্থো.