৭. পাদুকৱগ্গো

১৫৬. অনাদৰিযং পটিচ্চ পাদুকাৰুড়্হস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ উপাহনাৰুড়্হস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ যানগতস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ সযনগতস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ পল্লত্থিকায নিসিন্নস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানে সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ ৱেঠিতসীসস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ ওগুণ্ঠিতসীসস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ৱাচতো চ চিত্ততো চ সমুট্ঠাতি, ন কাযতো…পে….

অনাদৰিযং পটিচ্চ ছমাযং নিসীদিত্ৱা আসনে নিসিন্নস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৱাচতো চ চিত্ততো চ সমুট্ঠাতি…পে….

অনাদৰিযং পটিচ্চ নীচে আসনে নিসীদিত্ৱা উচ্চে আসনে নিসিন্নস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৱাচতো চ চিত্ততো চ সমুট্ঠাতি…পে….

অনাদৰিযং পটিচ্চ ঠিতেন নিসিন্নস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৱাচতো চ চিত্ততো চ সমুট্ঠাতি…পে….

অনাদৰিযং পটিচ্চ পচ্ছতো গচ্ছন্তেন পুৰতো গচ্ছন্তস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৱাচতো চ চিত্ততো চ সমুট্ঠাতি…পে….

অনাদৰিযং পটিচ্চ উপ্পথেন গচ্ছন্তেন পথেন গচ্ছন্তস্স ধম্মং দেসেন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৱাচতো চ চিত্ততো চ সমুট্ঠাতি…পে….

অনাদৰিযং পটিচ্চ ঠিতেন উচ্চাৰং ৱা পস্সাৱং ৱা কৰোন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানে সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ হৰিতে উচ্চাৰং ৱা পস্সাৱং ৱা খেড়ং ৱা কৰোন্তস্স দুক্কটং…পে… একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ উদকে উচ্চাৰং ৱা পস্সাৱং ৱা খেড়ং ৱা কৰোন্তস্স দুক্কটং…পে… কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযে ভিক্খূ আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খূ উদকে উচ্চাৰম্পি পস্সাৱম্পি খেড়ম্পি অকংসু, তস্মিং ৱত্থুস্মিং. একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

পাদুকৱগ্গো সত্তমো.

পঞ্চসত্ততি সেখিযা নিট্ঠিতা.

তস্সুদ্দানং –

পৰিমণ্ডলং পটিচ্ছন্নং, সুসংৱুতোক্খিত্তচক্খু;

উক্খিত্তোজ্জগ্ঘিকা সদ্দো, তযো চেৱ পচালনা.

খম্ভং ওগুণ্ঠিতো চেৱুক্কুটিপল্লত্থিকায চ;

সক্কচ্চং পত্তসঞ্ঞী চ, সমসূপং সমতিত্তিকং [সমতিত্থিকং (ক.)].

সক্কচ্চং পত্তসঞ্ঞী চ, সপদানং সমসূপকং;

থূপকতো পটিচ্ছন্নং, ৱিঞ্ঞত্তুজ্ঝানসঞ্ঞিনা.

ন মহন্তং মণ্ডলং দ্ৱাৰং, সব্বং হত্থং ন ব্যাহৰে;

উক্খেপো ছেদনা গণ্ডো, ধুনং সিত্থাৱকাৰকং.

জিৱ্হানিচ্ছাৰকঞ্চেৱ, চপুচপু সুৰুসুৰু;

হত্থো পত্তো চ ওট্ঠো চ, সামিসং সিত্থকেন চ.

ছত্তপাণিস্স সদ্ধম্মং, ন দেসেন্তি তথাগতা;

এৱমেৱ দণ্ডপাণিস্স, সত্থআৱুধপাণিনং.

পাদুকা উপাহনা চেৱ, যানসেয্যাগতস্স চ;

পল্লত্থিকা নিসিন্নস্স, ৱেঠিতোগুণ্ঠিতস্স চ.

ছমা নীচাসনে ঠানে, পচ্ছতো উপ্পথেন চ;

ঠিতকেন ন কাতব্বং, হৰিতে উদকম্হি চাতি.

তেসং ৱগ্গানমুদ্দানং –

পৰিমণ্ডলউজ্জগ্ঘি, খম্ভং পিণ্ডং তথেৱ চ;

কবড়া সুৰুসুৰু চ, পাদুকেন চ সত্তমাতি.

মহাৱিভঙ্গে কত্থপঞ্ঞত্তিৱাৰো নিট্ঠিতো.