৩. খম্ভকতৱগ্গো

১৫২. অনাদৰিযং পটিচ্চ খম্ভকতেন অন্তৰঘৰে গচ্ছন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি. কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ খম্ভকতেন অন্তৰঘৰে নিসীদন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ ওগুণ্ঠিতেন অন্তৰঘৰে গচ্ছন্তস্স দুক্কটং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযে ভিক্খূ আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খূ সসীসং পাৰুপিত্ৱা অন্তৰঘৰে গচ্ছিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ ওগুণ্ঠিতেন অন্তৰঘৰে নিসীদন্তস্স দুক্কটং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযে ভিক্খূ আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খূ সসীসং পাৰুপিত্ৱা অন্তৰঘৰে নিসীদিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ উক্কুটিকায অন্তৰঘৰে গচ্ছন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ পল্লত্থিকায [পল্লত্তিকায (ক.)] অন্তৰঘৰে নিসীদন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ অসক্কচ্চং পিণ্ডপাতং পটিগ্গণ্হন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ তহং তহং ওলোকেন্তেন পিণ্ডপাতং পটিগ্গণ্হন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ সূপঞ্ঞেৱ বহুং পটিগ্গণ্হন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ থূপীকতং পিণ্ডপাতং পটিগ্গণ্হন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

খম্ভকতৱগ্গো ততিযো.