৯. পটিগ্গাহনিদ্দেসো

পটিগ্গাহোতি –

১০৬. দাতুকামাভিহাৰো চ, হত্থপাসেৰণক্খমং;

তিধা দেন্তে দ্ৱিধা গাহো, পঞ্চঙ্গেৱং পটিগ্গহো.

১০৭. অসংহাৰিযে তত্থজাতে, সুখুমে চিঞ্চআদিনং;

পণ্ণে ৱাসয্হভাৰে চ, পটিগ্গাহো ন ৰূহতি.

১০৮. সিক্খামৰণলিঙ্গেহি, অনপেক্খৱিসগ্গতো;

অচ্ছেদানুপসম্পন্ন-দানা গাহোপসম্মতি.

১০৯. অপ্পটিগ্গহিতং সব্বং, পাচিত্তি পৰিভুঞ্জতো;

সুদ্ধঞ্চ নাতিবহলং, কপ্পতে উদকং তথা.

১১০. অঙ্গলগ্গমৱিচ্ছিন্নং, দন্তক্খিকণ্ণগূথকং;

লোণস্সুখেড়সিঙ্ঘাণি-সেম্হমুত্তকৰীসকং.

১১১. গূথমত্তিকমুত্তানি, ছাৰিকঞ্চ তথাৱিধে;

সামং গহেত্ৱা সেৱেয্য, অসন্তে কপ্পকাৰকে.

১১২. দুৰূপচিণ্ণে ৰজোকিণ্ণে, অথুগ্গহপ্পটিগ্গহে;

অন্তোৱুত্থে সযংপক্কে, অন্তোপক্কে চ দুক্কটন্তি.