৪৭. সুদ্ধিনিদ্দেসো

সুদ্ধীতি –

৪৫৫. দেসনা সংৱৰো এট্ঠিপচ্চৱেক্খণ ভেদতো;

সুদ্ধী চতুব্বিধা পাতিমোক্খসংৱৰসম্মতং;

দেসনায ৱিসুদ্ধত্তা, দেসনাসুদ্ধি ৱুচ্চতি.

৪৫৬. ‘‘ন পুনেৱং কৰিস্স’’ন্তি, চিত্তাধিট্ঠানসংৱৰা;

ৱুত্তো সংৱৰসুদ্ধীতি, সুজ্ঝতিন্দ্ৰিযসংৱৰো.

৪৫৭. পহাযানেসনং ধম্মেনুপ্পাদেন্তস্স এট্ঠিযা;

সুদ্ধত্তা এট্ঠিসুদ্ধীতি, ৱুত্তমাজীৱনিস্সিতং.

৪৫৮. যোনিসো পটিসঙ্খায, চীৱৰং পটিসেৱতি;

এৱমাদিযথাৱুত্ত-পচ্চৱেক্খণসুজ্ঝনা;

পচ্চৱেক্খণসুদ্ধীতি, ৱুত্তং পচ্চযনিস্সিতন্তি.