১১. নিস্সগ্গিযনিদ্দেসো

নিস্সগ্গিযানীতি –

১১৬. অৰূপিযং ৰূপিযেন, ৰূপিযং ইতৰেন চ;

ৰূপিযং পৰিৱত্তেয্য, নিস্সগ্গি ইধ ৰূপিযং.

১১৭. কহাপণো সজ্ঝু সিঙ্গী, ৱোহাৰূপগমাসকং;

ৱত্থমুত্তাদি ইতৰং, কপ্পং দুক্কটৱত্থু চ.

১১৮. ‘‘ইমং গহেত্ৱা ভুত্ৱা ৱা, ইমং দেহি কৰানয;

দেমি ৱা’’তি সমাপন্নে, নিস্সগ্গি কযৱিক্কযে.

১১৯. অত্তনো অঞ্ঞতো লাভং, সঙ্ঘস্সঞ্ঞস্স ৱা নতং;

পৰিণামেয্য নিস্সগ্গি, পাচিত্তি চাপি দুক্কটং.

১২০. অনিস্সজ্জিত্ৱা নিস্সগ্গিং, পৰিভুঞ্জে ন দেয্য ৱা;

নিস্সট্ঠং সকসঞ্ঞায, দুক্কটং অঞ্ঞথেতৰন্তি.