১. সীহনাদসুত্তৱণ্ণনা

১১. দুতিযস্স পঠমে অৱাপুৰেন্তি ৱিৱৰন্তি দ্ৱাৰং এতেনাতি অৱাপুৰণং. ৰজং হৰন্তি এতেনাতি ৰজোহৰণং. কড়োপিহত্থোতি ৱিলীৱমযভাজনহত্থো, ‘‘চম্মমযভাজনহত্থো’’তি চ ৱদন্তি. ছিন্নানি ৱিসাণানি এতস্সাতি ছিন্নৱিসাণো, উসভো চ সো ছিন্নৱিসাণো চাতি উসভছিন্নৱিসাণো. ৱিসেসনপৰোযং সমাসো. অহিকুণপেন ৱাতিআদি অতিজেগুচ্ছপ্পটিকূলকুণপদস্সনত্থং ৱুত্তং. কণ্ঠে আসত্তেনাতি কেনচিদেৱ পচ্চত্থিকেন আনেত্ৱা কণ্ঠে বদ্ধেন, ওমুক্কেনাতি অত্থো. অট্টো আতুৰো দুগ্গন্ধপীড়ায পীড়িতো. অচ্চযস্স পটিগ্গণ্হনং ৱা অধিৱাসনং. এৱঞ্হি সো কাৰণে দেসিযমানে ততো ৱিগতো নাম হোতি. তেনাহ ‘‘পটিগ্গণ্হতূতি খমতূ’’তি. সেসমেত্থ সুৱিঞ্ঞেয্যমেৱ.

সীহনাদসুত্তৱণ্ণনা নিট্ঠিতা.