৫. দসকম্মপথসুত্তং

১১১. সাৱত্থিযং ৱিহৰতি…পে… ‘‘ধাতুসোৱ, ভিক্খৱে, সত্তা সংসন্দন্তি সমেন্তি. পাণাতিপাতিনো পাণাতিপাতীহি সদ্ধিং সংসন্দন্তি সমেন্তি; অদিন্নাদাযিনো…পে… কামেসুমিচ্ছাচাৰিনো… মুসাৱাদিনো… পিসুণৱাচা… ফৰুসৱাচা… সম্ফপ্পলাপিনো সম্ফপ্পলাপীহি সদ্ধিং সংসন্দন্তি সমেন্তি; অভিজ্ঝালুনো অভিজ্ঝালূহি সদ্ধিং সংসন্দন্তি সমেন্তি; ব্যাপন্নচিত্তা ব্যাপন্নচিত্তেহি সদ্ধিং সংসন্দন্তি সমেন্তি; মিচ্ছাদিট্ঠিকা মিচ্ছাদিট্ঠিকেহি সদ্ধিং সংসন্দন্তি সমেন্তি’’.

‘‘পাণাতিপাতা পটিৱিৰতা পাণাতিপাতা পটিৱিৰতেহি সদ্ধিং সংসন্দন্তি সমেন্তি; অদিন্নাদানা পটিৱিৰতা…পে… কামেসুমিচ্ছাচাৰা পটিৱিৰতা… মুসাৱাদা পটিৱিৰতা… পিসুণায ৱাচায… ফৰুসায ৱাচায… সম্ফপ্পলাপা পটিৱিৰতা সম্ফপ্পলাপা পটিৱিৰতেহি সদ্ধিং সংসন্দন্তি সমেন্তি; অনভিজ্ঝালুনো অনভিজ্ঝালূহি সদ্ধিং সংসন্দন্তি সমেন্তি; অব্যাপন্নচিত্তা অব্যাপন্নচিত্তেহি সদ্ধিং সংসন্দন্তি সমেন্তি; সম্মাদিট্ঠিকা সম্মাদিট্ঠিকেহি সদ্ধিং সংসন্দন্তি সমেন্তী’’তি. পঞ্চমং.