৩৬০. সুযোনন্দীজাতকং (৫-১-১০)

৫৫. ৱাতি গন্ধো তিমিৰানং, কুসমুদ্দো চ [ৱ (স্যা. পী.)] ঘোসৱা;

দূৰে ইতো সুযোনন্দী [ইতো হি সুসন্দী (সী. স্যা.), ইতোপি সুস্সোন্দী (পী.)], তম্বকামা তুদন্তি মং.

৫৬. কথং সমুদ্দমতৰি, কথং অদ্দক্খি সেদুমং [সেৰুমং (সী. স্যা. পী.)];

কথং তস্সা চ তুয্হঞ্চ, অহু সগ্গ [অগ্গ (সী. স্যা.)] সমাগমো.

৫৭. কুৰুকচ্ছা [ভৰুকচ্ছা (সী. স্যা. পী.)] পযাতানং, ৱাণিজানং ধনেসিনং;

মকৰেহি অভিদা [মকৰেহিব্ভিদা (সী.), মকৰেহি’ভিদা (স্যা.), মকৰেহি ভিন্না (পী.)] নাৱা, ফলকেনাহমপ্লৱিং.

৫৮. সা মং সণ্হেন মুদুনা, নিচ্চং চন্দনগন্ধিনী;

অঙ্গেন [অঙ্কেন (পী. ক.)] উদ্ধৰী ভদ্দা, মাতা পুত্তংৱ ওৰসং.

৫৯. সা মং অন্নেন পানেন, ৱত্থেন সযনেন চ;

অত্তনাপি চ মন্দক্খী, এৱং তম্ব ৱিজানাহীতি.

সুযোনন্দীজাতকং দসমং.

মণিকুণ্ডলৱগ্গো পঠমো.

তস্সুদ্দানং –

অথ জিনৱৰো হৰিতং তিণকো, অথ ভিন্নপ্লৱো উৰগোৱ ঘটো;

দৰিযা পুন কুঞ্জৰ ভূনহতা, মিগমুত্তমসগ্গৱৰেন দসাতি.