৩৫৭. লটুকিকজাতকং (৫-১-৭)

৩৯. ৱন্দামি তং কুঞ্জৰ সট্ঠিহাযনং, আৰঞ্ঞকং যূথপতিং যসস্সিং;

পক্খেহি তং পঞ্জলিকং কৰোমি, মা মে ৱধী পুত্তকে দুব্বলায.

৪০. ৱন্দামি তং কুঞ্জৰ একচাৰিং, আৰঞ্ঞকং পব্বতসানুগোচৰং;

পক্খেহি তং পঞ্জলিকং কৰোমি, মা মে ৱধী পুত্তকে দুব্বলায;

৪১. ৱমিস্সামি তে লটুকিকে পুত্তকানি, কিং মে তুৱং কাহসি দুব্বলাসি;

সতং সহস্সানিপি তাদিসীনং, ৱামেন পাদেন পপোথযেয্যং.

৪২. ন হেৱ সব্বত্থ বলেন কিচ্চং, বলঞ্হি বালস্স ৱধায হোতি;

কৰিস্সামি তে নাগৰাজা অনত্থং, যো মে ৱধী পুত্তকে দুব্বলায.

৪৩. কাকঞ্চ পস্স লটুকিকং, মণ্ডূকং নীলমক্খিকং;

এতে নাগং অঘাতেসুং, পস্স ৱেৰস্স ৱেৰিনং;

তস্মা হি ৱেৰং ন কযিৰাথ, অপ্পিযেনপি কেনচীতি.

লটুকিকজাতকং সত্তমং.