৭. কুটজপুপ্ফিযত্থেৰঅপদানং

৩৭. ‘‘হিমৱন্তস্সাৱিদূৰে, ৱসলো [চাৱলো (সী. পী.), অচ্চযো (স্যা.)] নাম পব্বতো;

বুদ্ধো সুদস্সনো নাম, ৱসতে পব্বতন্তৰে.

৩৮. ‘‘পুপ্ফং হেমৱন্তং গয্হ, ৱেহাসং অগমাসহং;

তত্থদ্দসাসিং সম্বুদ্ধং, ওঘতিণ্ণমনাসৱং.

৩৯. ‘‘পুপ্ফং কুটজমাদায, সিৰে কত্ৱান অঞ্জলিং [কত্ৱানহং তদা (স্যা. পী. ক.)];

বুদ্ধস্স অভিৰোপেসিং, সযম্ভুস্স মহেসিনো.

৪০. ‘‘একতিংসে ইতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

৪১. ‘‘কিলেসা ঝাপিতা ময্হং…পে… ৱিহৰামি অনাসৱো.

৪২. ‘‘স্ৱাগতং ৱত মে আসি…পে… কতং বুদ্ধস্স সাসনং.

৪৩. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা কুটজপুপ্ফিযো থেৰো ইমা গাথাযো

অভাসিত্থাতি.

কুটজপুপ্ফিযত্থেৰস্সাপদানং সত্তমং.