৪. কেতকপুপ্ফিযত্থেৰঅপদানং

১৭. ‘‘ৱিনতানদিযা তীৰে, ৱিহাসি পুৰিসুত্তমো;

অদ্দসং ৱিৰজং বুদ্ধং, একগ্গং সুসমাহিতং.

১৮. ‘‘মধুগন্ধস্স পুপ্ফেন, কেতকস্স অহং তদা;

পসন্নচিত্তো সুমনো, বুদ্ধসেট্ঠমপূজযিং.

১৯. ‘‘একনৱুতিতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

২০. ‘‘কিলেসা ঝাপিতা ময্হং…পে… ৱিহৰামি অনাসৱো.

২১. ‘‘স্ৱাগতং ৱত মে আসি…পে… কতং বুদ্ধস্স সাসনং.

২২. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা কেতকপুপ্ফিযো থেৰো ইমা গাথাযো

অভাসিত্থাতি.

কেতকপুপ্ফিযত্থেৰস্সাপদানং চতুত্থং.