৬. অৱটফলিযত্থেৰঅপদানং

২৬. ‘‘সতৰংসী নাম ভগৱা, সযম্ভূ অপৰাজিতো;

ৱিৱেককামো সম্বুদ্ধো, গোচৰাযাভিনিক্খমি.

২৭. ‘‘ফলহত্থো অহং দিস্ৱা, উপগচ্ছিং নৰাসভং;

পসন্নচিত্তো সুমনো, অদাসিং অৱটং ফলং.

২৮. ‘‘চতুন্নৱুতিতো কপ্পে, যং ফলং অদদিং তদা;

দুগ্গতিং নাভিজানামি, ফলদানস্সিদং ফলং.

২৯. ‘‘কিলেসা ঝাপিতা ময্হং…পে… ৱিহৰামি অনাসৱো.

৩০. ‘‘স্ৱাগতং ৱত মে আসি…পে… কতং বুদ্ধস্স সাসনং.

৩১. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা অৱটফলিযো থেৰো ইমা গাথাযো

অভাসিত্থাতি.

অৱটফলিযত্থেৰস্সাপদানং ছট্ঠং.