৪. পট্টিপুপ্ফিযত্থেৰঅপদানং

২২. ‘‘যদা নিব্বাযি সম্বুদ্ধো, মহেসী পদুমুত্তৰো;

সমাগম্ম জনা সব্বে, সৰীৰং নীহৰন্তি তে.

২৩. ‘‘নীহৰন্তে সৰীৰম্হি, ৱজ্জমানাসু ভেৰিসু;

পসন্নচিত্তো সুমনো, পট্টিপুপ্ফং অপূজযিং.

২৪. ‘‘সতসহস্সিতো কপ্পে, যং পুপ্ফমভিপূজযিং;

দুগ্গতিং নাভিজানামি, সৰীৰপূজিতে ফলং.

২৫. ‘‘কিলেসা ঝাপিতা ময্হং, ভৱা সব্বে সমূহতা;

নাগোৱ বন্ধনং ছেত্ৱা, ৱিহৰামি অনাসৱো.

২৬. ‘‘স্ৱাগতং ৱত মে আসি, মম বুদ্ধস্স [বুদ্ধসেট্ঠস্স (সী.)] সন্তিকে;

তিস্সো ৱিজ্জা অনুপ্পত্তা, কতং বুদ্ধস্স সাসনং.

২৭. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পট্টিপুপ্ফিযো থেৰো ইমা গাথাযো অভাসিত্থাতি.

পট্টিপুপ্ফিযত্থেৰস্সাপদানং চতুত্থং.