১. সদ্দসঞ্ঞকত্থেৰঅপদানং

১. ‘‘মিগলুদ্দো পুৰে আসিং, অৰঞ্ঞে কাননে অহং;

তত্থদ্দসাসিং সম্বুদ্ধং, দেৱসঙ্ঘপুৰক্খতং.

২. ‘‘চতুসচ্চং পকাসেন্তং, উদ্ধৰন্তং মহাজনং;

অস্সোসিং মধুৰং ৱাচং, কৰৱীকৰুদোপমং [ৰুতোপমং (?)].

৩. ‘‘ব্ৰহ্মসৰস্স মুনিনো, সিখিনো লোকবন্ধুনো;

ঘোসে চিত্তং পসাদেত্ৱা, পত্তোম্হি আসৱক্খযং.

৪. ‘‘একত্তিংসে ইতো কপ্পে, যং কম্মমকৰিং তদা;

দুগ্গতিং নাভিজানামি, পসাদস্স ইদং ফলং.

৫. ‘‘পটিসম্ভিদা চতস্সো, ৱিমোক্খাপি চ অট্ঠিমে;

ছড়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা সদ্দসঞ্ঞকো থেৰো ইমা গাথাযো অভাসিত্থাতি.

সদ্দসঞ্ঞকত্থেৰস্সাপদানং পঠমং.