৮. আলুৱদাযকত্থেৰঅপদানং

৩১. ‘‘পব্বতে হিমৱন্তম্হি, মহাসিন্ধু সুদস্সনা;

তত্থদ্দসং ৱীতৰাগং, সুপ্পভাসং সুদস্সনং.

৩২. ‘‘পৰমোপসমে যুত্তং, দিস্ৱা ৱিম্হিতমানসো;

আলুৱং তস্স পাদাসিং, পসন্নো সেহি পাণিভি.

৩৩. ‘‘একত্তিংসে ইতো কপ্পে, যং ফলমদদিং তদা;

দুগ্গতিং নাভিজানামি, আলুৱস্স ইদং ফলং.

৩৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা আলুৱদাযকো থেৰো ইমা গাথাযো অভাসিত্থাতি.

আলুৱদাযকত্থেৰস্সাপদানং অট্ঠমং.