৪. অব্ভঞ্জনদাযকত্থেৰঅপদানং

১৪. ‘‘কোণ্ডঞ্ঞস্স ভগৱতো, ৱীতৰাগস্স তাদিনো;

আকাসসমচিত্তস্স [অকক্কসচিত্তস্সাথ (অট্ঠ.)], নিপ্পপঞ্চস্স ঝাযিনো.

১৫. ‘‘সব্বমোহাতিৱত্তস্স, সব্বলোকহিতেসিনো;

অব্ভঞ্জনং মযা দিন্নং, দ্ৱিপদিন্দস্স তাদিনো.

১৬. ‘‘অপৰিমেয্যে ইতো কপ্পে, অব্ভঞ্জনমদং তদা [অম্ভঞ্জনমদাসহং (স্যা.)];

দুগ্গতিং নাভিজানামি, অব্ভঞ্জনস্সিদং ফলং.

১৭. ‘‘ইতো পন্নৰসে কপ্পে, চিৰপ্পো নাম খত্তিযো;

সত্তৰতনসম্পন্নো, চক্কৱত্তী মহব্বলো.

১৮. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা অব্ভঞ্জনদাযকো থেৰো ইমা গাথাযো অভাসিত্থাতি.

অব্ভঞ্জনদাযকত্থেৰস্সাপদানং চতুত্থং.