৩. দ্ৱেৰতনিযত্থেৰঅপদানং

১২. ‘‘মিগলুদ্দো পুৰে আসিং, অৰঞ্ঞে কাননে অহং;

অদ্দসং ৱিৰজং বুদ্ধং, আহুতীনং পটিগ্গহং.

১৩. ‘‘মংসপেসি মযা দিন্না, ৱিপস্সিস্স মহেসিনো;

সদেৱকস্মিং লোকস্মিং, ইস্সৰং কাৰযামহং.

১৪. ‘‘ইমিনা মংসদানেন, ৰতনং নিব্বত্ততে মম;

দুৱেমে ৰতনা লোকে, দিট্ঠধম্মস্স পত্তিযা.

১৫. ‘‘তেহং সব্বে অনুভোমি, মংসদানস্স সত্তিযা;

গত্তঞ্চ মুদুকং ময্হং, পঞ্ঞা নিপুণৱেদনী.

১৬. ‘‘একনৱুতিতো কপ্পে, যং মংসমদদিং তদা;

দুগ্গতিং নাভিজানামি, মংসদানস্সিদং ফলং.

১৭. ‘‘ইতো চতুত্থকে কপ্পে, একো আসিং জনাধিপো;

মহাৰোহিতনামো সো, চক্কৱত্তী মহব্বলো.

১৮. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা দ্ৱেৰতনিযো [দ্ৱিৰতনিযো (সী.)] থেৰো ইমা গাথাযো অভাসিত্থাতি.

দ্ৱেৰতনিযত্থেৰস্সাপদানং ততিযং.

দসমং ভাণৱাৰং.