(১) পচ্চুপ্পন্নৱাৰো

(ক) অনুলোমপুগ্গলো

১৬৩. (ক) যস্স কুসলা ধম্মা উপ্পজ্জন্তি তস্স অকুসলা ধম্মা নিৰুজ্ঝন্তীতি? নো.

(খ) যস্স ৱা পন অকুসলা ধম্মা নিৰুজ্ঝন্তি তস্স কুসলা ধম্মা উপ্পজ্জন্তীতি? নো.

(ক) যস্স কুসলা ধম্মা উপ্পজ্জন্তি তস্স অব্যাকতা ধম্মা নিৰুজ্ঝন্তীতি? নো.

(খ) যস্স ৱা পন অব্যাকতা ধম্মা নিৰুজ্ঝন্তি তস্স কুসলা ধম্মা উপ্পজ্জন্তীতি? নো.

১৬৪. (ক) যস্স অকুসলা ধম্মা উপ্পজ্জন্তি তস্স অব্যাকতা ধম্মা নিৰুজ্ঝন্তীতি? নো.

(খ) যস্স ৱা পন অব্যাকতা ধম্মা নিৰুজ্ঝন্তি তস্স অকুসলা ধম্মা উপ্পজ্জন্তীতি? নো.

(খ) অনুলোমওকাসো

১৬৫. (ক) যত্থ কুসলা ধম্মা উপ্পজ্জন্তি তত্থ অকুসলা ধম্মা নিৰুজ্ঝন্তীতি? আমন্তা.

(খ) যত্থ ৱা পন অকুসলা ধম্মা নিৰুজ্ঝন্তি তত্থ কুসলা ধম্মা উপ্পজ্জন্তীতি? আমন্তা.

(ক) যত্থ কুসলা ধম্মা উপ্পজ্জন্তি তত্থ অব্যাকতা ধম্মা নিৰুজ্ঝন্তীতি? আমন্তা.

(খ) যত্থ ৱা পন অব্যাকতা ধম্মা নিৰুজ্ঝন্তি তত্থ কুসলা ধম্মা উপ্পজ্জন্তীতি?

অসঞ্ঞসত্তে তত্থ অব্যাকতা ধম্মা নিৰুজ্ঝন্তি, নো চ তত্থ কুসলা ধম্মা উপ্পজ্জন্তি. চতুৱোকাৰে পঞ্চৱোকাৰে তত্থ অব্যাকতা চ ধম্মা নিৰুজ্ঝন্তি কুসলা চ ধম্মা উপ্পজ্জন্তি.

১৬৬. (ক) যত্থ অকুসলা ধম্মা উপ্পজ্জন্তি তত্থ অব্যাকতা ধম্মা নিৰুজ্ঝন্তীতি? আমন্তা.

(খ) যত্থ ৱা পন অব্যাকতা ধম্মা নিৰুজ্ঝন্তি তত্থ অকুসলা ধম্মা উপ্পজ্জন্তীতি?

অসঞ্ঞসত্তে তত্থ অব্যাকতা ধম্মা নিৰুজ্ঝন্তি, নো চ তত্থ অকুসলা ধম্মা উপ্পজ্জন্তি. চতুৱোকাৰে পঞ্চৱোকাৰে তত্থ অব্যাকতা চ ধম্মা নিৰুজ্ঝন্তি অকুসলা চ ধম্মা উপ্পজ্জন্তি.

(গ) অনুলোমপুগ্গলোকাসা

১৬৭. (ক) যস্স যত্থ কুসলা ধম্মা উপ্পজ্জন্তি তস্স তত্থ অকুসলা ধম্মা নিৰুজ্ঝন্তীতি? নো.

(খ) যস্স ৱা পন যত্থ অকুসলা ধম্মা নিৰুজ্ঝন্তি তস্স তত্থ কুসলা ধম্মা উপ্পজ্জন্তীতি? নো.

(ক) যস্স যত্থ কুসলা ধম্মা উপ্পজ্জন্তি তস্স তত্থ অব্যাকতা ধম্মা নিৰুজ্ঝন্তীতি? নো.

(খ) যস্স ৱা পন যত্থ অব্যাকতা ধম্মা নিৰুজ্ঝন্তি তস্স তত্থ কুসলা ধম্মা উপ্পজ্জন্তীতি? নো.

১৬৮. (ক) যস্স যত্থ অকুসলা ধম্মা উপ্পজ্জন্তি তস্স তত্থ অব্যাকতা ধম্মা নিৰুজ্ঝন্তীতি? নো.

(খ) যস্স ৱা পন যত্থ অব্যাকতা ধম্মা নিৰুজ্ঝন্তি তস্স তত্থ অকুসলা ধম্মা উপ্পজ্জন্তীতি? নো.

(ঘ) পচ্চনীকপুগ্গলো

১৬৯. (ক) যস্স কুসলা ধম্মা ন উপ্পজ্জন্তি তস্স অকুসলা ধম্মা ন নিৰুজ্ঝন্তীতি?

অকুসলানং ভঙ্গক্খণে তেসং কুসলা ধম্মা ন উপ্পজ্জন্তি, নো চ তেসং অকুসলা ধম্মা ন নিৰুজ্ঝন্তি. কুসলৱিপ্পযুত্তচিত্তস্স উপ্পাদক্খণে অকুসলৱিপ্পযুত্তচিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং কুসলা চ ধম্মা ন উপ্পজ্জন্তি অকুসলা চ ধম্মা ন নিৰুজ্ঝন্তি.

(খ) যস্স ৱা পন অকুসলা ধম্মা ন নিৰুজ্ঝন্তি তস্স কুসলা ধম্মা ন উপ্পজ্জন্তীতি?

কুসলানং উপ্পাদক্খণে তেসং অকুসলা ধম্মা ন নিৰুজ্ঝন্তি, নো চ তেসং কুসলা ধম্মা ন উপ্পজ্জন্তি. অকুসলৱিপ্পযুত্তচিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং অকুসলা চ ধম্মা ন নিৰুজ্ঝন্তি কুসলা চ ধম্মা ন উপ্পজ্জন্তি.

(ক) যস্স কুসলা ধম্মা ন উপ্পজ্জন্তি তস্স অব্যাকতা ধম্মা ন নিৰুজ্ঝন্তীতি?

সব্বেসং চৱন্তানং পৱত্তে চিত্তস্স ভঙ্গক্খণে তেসং কুসলা ধম্মা ন উপ্পজ্জন্তি, নো চ তেসং অব্যাকতা ধম্মা ন নিৰুজ্ঝন্তি. সব্বেসং উপপজ্জন্তানং পৱত্তে কুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং কুসলা চ ধম্মা ন উপ্পজ্জন্তি অব্যাকতা চ ধম্মা ন নিৰুজ্ঝন্তি.

(খ) যস্স ৱা পন অব্যাকতা ধম্মা ন নিৰুজ্ঝন্তি তস্স কুসলা ধম্মা ন উপ্পজ্জন্তীতি?

কুসলানং উপ্পাদক্খণে তেসং অব্যাকতা ধম্মা ন নিৰুজ্ঝন্তি, নো চ তেসং কুসলা ধম্মা ন উপ্পজ্জন্তি. সব্বেসং উপপজ্জন্তানং পৱত্তে কুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং অব্যাকতা চ ধম্মা ন নিৰুজ্ঝন্তি কুসলা চ ধম্মা ন উপ্পজ্জন্তি.

১৭০. (ক) যস্স অকুসলা ধম্মা ন উপ্পজ্জন্তি তস্স অব্যাকতা ধম্মা ন নিৰুজ্ঝন্তীতি?

সব্বেসং চৱন্তানং পৱত্তে চিত্তস্স ভঙ্গক্খণে তেসং অকুসলা ধম্মা ন উপ্পজ্জন্তি, নো চ তেসং অব্যাকতা ধম্মা ন নিৰুজ্ঝন্তি. সব্বেসং উপপজ্জন্তানং পৱত্তে অকুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং অকুসলা চ ধম্মা ন উপ্পজ্জন্তি অব্যাকতা চ ধম্মা ন নিৰুজ্ঝন্তি.

(খ) যস্স ৱা পন অব্যাকতা ধম্মা ন নিৰুজ্ঝন্তি তস্স অকুসলা ধম্মা ন উপ্পজ্জন্তীতি?

অকুসলানং উপ্পাদক্খণে তেসং অব্যাকতা ধম্মা ন নিৰুজ্ঝন্তি, নো চ তেসং অকুসলা ধম্মা ন উপ্পজ্জন্তি. সব্বেসং উপপজ্জন্তানং পৱত্তে অকুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং অব্যাকতা চ ধম্মা ন নিৰুজ্ঝন্তি অকুসলা চ ধম্মা ন উপ্পজ্জন্তি.

(ঙ) পচ্চনীকওকাসো

১৭১. (ক) যত্থ কুসলা ধম্মা ন উপ্পজ্জন্তি তত্থ অকুসলা ধম্মা ন নিৰুজ্ঝন্তীতি? আমন্তা.

(খ) যত্থ ৱা পন অকুসলা ধম্মা ন নিৰুজ্ঝন্তি তত্থ কুসলা ধম্মা ন উপ্পজ্জন্তীতি? আমন্তা.

(ক) যত্থ কুসলা ধম্মা ন উপ্পজ্জন্তি তত্থ অব্যাকতা ধম্মা ন নিৰুজ্ঝন্তীতি? নিৰুজ্ঝন্তি.

(খ) যত্থ ৱা পন অব্যাকতা ধম্মা ন নিৰুজ্ঝন্তি তত্থ কুসলা ধম্মা ন উপ্পজ্জন্তীতি? নত্থি.

১৭২. (ক) যত্থ অকুসলা ধম্মা ন উপ্পজ্জন্তি তত্থ অব্যাকতা ধম্মা ন নিৰুজ্ঝন্তীতি? নিৰুজ্ঝন্তি.

(খ) যত্থ ৱা পন অব্যাকতা ধম্মা ন নিৰুজ্ঝন্তি তত্থ অকুসলা ধম্মা ন উপ্পজ্জন্তীতি? নত্থি.

(চ) পচ্চনীকপুগ্গলোকাসা

১৭৩. (ক) যস্স যত্থ কুসলা ধম্মা ন উপ্পজ্জন্তি তস্স তত্থ অকুসলা ধম্মা ন নিৰুজ্ঝন্তীতি?

অকুসলানং ভঙ্গক্খণে তেসং তত্থ কুসলা ধম্মা ন উপ্পজ্জন্তি, নো চ তেসং তত্থ অকুসলা ধম্মা ন নিৰুজ্ঝন্তি. কুসলৱিপ্পযুত্তচিত্তস্স উপ্পাদক্খণে অকুসলৱিপ্পযুত্তচিত্তস্স ভঙ্গক্খণে অসঞ্ঞসত্তানং তেসং তত্থ কুসলা চ ধম্মা ন উপ্পজ্জন্তি অকুসলা চ ধম্মা ন নিৰুজ্ঝন্তি.

(খ) যস্স ৱা পন যত্থ অকুসলা ধম্মা ন নিৰুজ্ঝন্তি তস্স তত্থ কুসলা ধম্মা ন উপ্পজ্জন্তীতি?

কুসলানং উপ্পাদক্খণে তেসং তত্থ অকুসলা ধম্মা ন নিৰুজ্ঝন্তি, নো চ তেসং তত্থ কুসলা ধম্মা ন উপ্পজ্জন্তি. অকুসলৱিপ্পযুত্তচিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ অকুসলা চ ধম্মা ন নিৰুজ্ঝন্তি কুসলা চ ধম্মা ন উপ্পজ্জন্তি.

(ক) যস্স যত্থ কুসলা ধম্মা ন উপ্পজ্জন্তি তস্স তত্থ অব্যাকতা ধম্মা ন নিৰুজ্ঝন্তীতি?

সব্বেসং চৱন্তানং পৱত্তে চিত্তস্স ভঙ্গক্খণে তেসং তত্থ কুসলা ধম্মা ন উপ্পজ্জন্তি, নো চ তেসং তত্থ অব্যাকতা ধম্মা ন নিৰুজ্ঝন্তি. সব্বেসং উপপজ্জন্তানং পৱত্তে কুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং তত্থ কুসলা চ ধম্মা ন উপ্পজ্জন্তি অব্যাকতা চ ধম্মা ন নিৰুজ্ঝন্তি.

(খ) যস্স ৱা পন যত্থ অব্যাকতা ধম্মা ন নিৰুজ্ঝন্তি তস্স তত্থ কুসলা ধম্মা ন উপ্পজ্জন্তীতি?

কুসলানং উপ্পাদক্খণে তেসং তত্থ অব্যাকতা ধম্মা ন নিৰুজ্ঝন্তি, নো চ তেসং তত্থ কুসলা ধম্মা ন উপ্পজ্জন্তি. সব্বেসং উপপজ্জন্তানং পৱত্তে কুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং তত্থ অব্যাকতা চ ধম্মা ন নিৰুজ্ঝন্তি কুসলা চ ধম্মা ন উপ্পজ্জন্তি.

১৭৪. (ক) যস্স যত্থ অকুসলা ধম্মা ন উপ্পজ্জন্তি তস্স তত্থ অব্যাকতা ধম্মা ন নিৰুজ্ঝন্তীতি?

সব্বেসং চৱন্তানং পৱত্তে চিত্তস্স ভঙ্গক্খণে তেসং তত্থ অকুসলা ধম্মা ন উপ্পজ্জন্তি, নো চ তেসং তত্থ অব্যাকতা ধম্মা ন নিৰুজ্ঝন্তি. সব্বেসং উপপজ্জন্তানং পৱত্তে অকুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং তত্থ অকুসলা চ ধম্মা ন উপ্পজ্জন্তি অব্যাকতা চ ধম্মা ন নিৰুজ্ঝন্তি.

(খ) যস্স ৱা পন যত্থ অব্যাকতা ধম্মা ন নিৰুজ্ঝন্তি তস্স তত্থ অকুসলা ধম্মা ন উপ্পজ্জন্তীতি?

অকুসলানং উপ্পাদক্খণে তেসং তত্থ অব্যাকতা ধম্মা ন নিৰুজ্ঝন্তি, নো চ তেসং তত্থ অকুসলা ধম্মা ন উপ্পজ্জন্তি. সব্বেসং উপপজ্জন্তানং পৱত্তে অকুসলৱিপ্পযুত্তচিত্তস্স উপ্পাদক্খণে অৰূপে কুসলাকুসলানং ভঙ্গক্খণে তেসং তত্থ অব্যাকতা চ ধম্মা ন নিৰুজ্ঝন্তি অকুসলা চ ধম্মা ন উপ্পজ্জন্তি.