(২) অতীতৱাৰো

(ক) অনুলোমপুগ্গলো

১১১. (ক) যস্স কুসলা ধম্মা নিৰুজ্ঝিত্থ তস্স অকুসলা ধম্মা নিৰুজ্ঝিত্থাতি? আমন্তা.

(খ) যস্স ৱা পন অকুসলা ধম্মা নিৰুজ্ঝিত্থ তস্স কুসলা ধম্মা নিৰুজ্ঝিত্থাতি? আমন্তা.

(ক) যস্স কুসলা ধম্মা নিৰুজ্ঝিত্থ তস্স অব্যাকতা ধম্মা নিৰুজ্ঝিত্থাতি? আমন্তা.

(খ) যস্স ৱা পন অব্যাকতা ধম্মা নিৰুজ্ঝিত্থ তস্স কুসলা ধম্মা নিৰুজ্ঝিত্থাতি? আমন্তা.

১১২. (ক) যস্স অকুসলা ধম্মা নিৰুজ্ঝিত্থ তস্স অব্যাকতা ধম্মা নিৰুজ্ঝিত্থাতি? আমন্তা.

(খ) যস্স ৱা পন অব্যাকতা ধম্মা নিৰুজ্ঝিত্থ তস্স অকুসলা ধম্মা নিৰুজ্ঝিত্থাতি? আমন্তা.

(খ) অনুলোমওকাসো

১১৩. (ক) যত্থ কুসলা ধম্মা নিৰুজ্ঝিত্থ তত্থ অকুসলা ধম্মা নিৰুজ্ঝিত্থাতি? আমন্তা.

(খ) যত্থ ৱা পন অকুসলা ধম্মা নিৰুজ্ঝিত্থ তত্থ কুসলা ধম্মা নিৰুজ্ঝিত্থাতি? আমন্তা.

(ক) যত্থ কুসলা ধম্মা নিৰুজ্ঝিত্থ তত্থ অব্যাকতা ধম্মা নিৰুজ্ঝিত্থাতি? আমন্তা.

(খ) যত্থ ৱা পন অব্যাকতা ধম্মা নিৰুজ্ঝিত্থ তত্থ কুসলা ধম্মা নিৰুজ্ঝিত্থাতি?

অসঞ্ঞসত্তে তত্থ অব্যাকতা ধম্মা নিৰুজ্ঝিত্থ, নো চ তত্থ কুসলা ধম্মা নিৰুজ্ঝিত্থ. চতুৱোকাৰে পঞ্চৱোকাৰে তত্থ অব্যাকতা চ ধম্মা নিৰুজ্ঝিত্থ কুসলা চ ধম্মা নিৰুজ্ঝিত্থ.

১১৪. (ক) যত্থ অকুসলা ধম্মা নিৰুজ্ঝিত্থ তত্থ অব্যাকতা ধম্মা নিৰুজ্ঝিত্থাতি? আমন্তা.

(খ) যত্থ ৱা পন অব্যাকতা ধম্মা নিৰুজ্ঝিত্থ তত্থ অকুসলা ধম্মা নিৰুজ্ঝিত্থাতি?

অসঞ্ঞসত্তে তত্থ অব্যাকতা ধম্মা নিৰুজ্ঝিত্থ, নো চ তত্থ অকুসলা ধম্মা নিৰুজ্ঝিত্থ. চতুৱোকাৰে পঞ্চৱোকাৰে তত্থ অব্যাকতা চ ধম্মা নিৰুজ্ঝিত্থ অকুসলা চ ধম্মা নিৰুজ্ঝিত্থ.

(গ) অনুলোমপুগ্গলোকাসা

১১৫. (ক) যস্স যত্থ কুসলা ধম্মা নিৰুজ্ঝিত্থ তস্স তত্থ অকুসলা ধম্মা নিৰুজ্ঝিত্থাতি? আমন্তা.

(খ) যস্স ৱা পন যত্থ অকুসলা ধম্মা নিৰুজ্ঝিত্থ তস্স তত্থ কুসলা ধম্মা নিৰুজ্ঝিত্থাতি?

সুদ্ধাৱাসানং দুতিযে অকুসলে চিত্তে ৱত্তমানে তেসং তত্থ অকুসলা ধম্মা নিৰুজ্ঝিত্থ, নো চ তেসং তত্থ কুসলা ধম্মা নিৰুজ্ঝিত্থ. ইতৰেসং চতুৱোকাৰানং পঞ্চৱোকাৰানং তেসং তত্থ অকুসলা চ ধম্মা নিৰুজ্ঝিত্থ কুসলা চ ধম্মা নিৰুজ্ঝিত্থ.

(ক) যস্স যত্থ কুসলা ধম্মা নিৰুজ্ঝিত্থ তস্স তত্থ অব্যাকতা ধম্মা নিৰুজ্ঝিত্থাতি? আমন্তা.

(খ) যস্স ৱা পন যত্থ অব্যাকতা ধম্মা নিৰুজ্ঝিত্থ তস্স তত্থ কুসলা ধম্মা নিৰুজ্ঝিত্থাতি?

সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ অব্যাকতা ধম্মা নিৰুজ্ঝিত্থ, নো চ তেসং তত্থ কুসলা ধম্মা নিৰুজ্ঝিত্থ. ইতৰেসং চতুৱোকাৰানং পঞ্চৱোকাৰানং তেসং তত্থ অব্যাকতা চ ধম্মা নিৰুজ্ঝিত্থ কুসলা চ ধম্মা নিৰুজ্ঝিত্থ.

১১৬. (ক) যস্স যত্থ অকুসলা ধম্মা নিৰুজ্ঝিত্থ তস্স তত্থ অব্যাকতা ধম্মা নিৰুজ্ঝিত্থাতি? আমন্তা.

(খ) যস্স ৱা পন যত্থ অব্যাকতা ধম্মা নিৰুজ্ঝিত্থ তস্স তত্থ অকুসলা ধম্মা নিৰুজ্ঝিত্থাতি?

সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ অব্যাকতা ধম্মা নিৰুজ্ঝিত্থ, নো চ তেসং তত্থ অকুসলা ধম্মা নিৰুজ্ঝিত্থ. ইতৰেসং চতুৱোকাৰানং পঞ্চৱোকাৰানং তেসং তত্থ অব্যাকতা চ ধম্মা নিৰুজ্ঝিত্থ অকুসলা চ ধম্মা নিৰুজ্ঝিত্থ.

(ঘ) পচ্চনীকপুগ্গলো

১১৭. (ক) যস্স কুসলা ধম্মা ন নিৰুজ্ঝিত্থ তস্স অকুসলা ধম্মা ন নিৰুজ্ঝিত্থাতি? নত্থি.

(খ) যস্স ৱা পন অকুসলা ধম্মা ন নিৰুজ্ঝিত্থ তস্স কুসলা ধম্মা ন নিৰুজ্ঝিত্থাতি? নত্থি.

(ক) যস্স কুসলা ধম্মা ন নিৰুজ্ঝিত্থ তস্স অব্যাকতা ধম্মা ন নিৰুজ্ঝিত্থাতি? নত্থি.

(খ) যস্স ৱা পন অব্যাকতা ধম্মা ন নিৰুজ্ঝিত্থ তস্স কুসলা ধম্মা ন নিৰুজ্ঝিত্থাতি? নত্থি.

১১৮. (ক) যস্স অকুসলা ধম্মা ন নিৰুজ্ঝিত্থ তস্স অব্যাকতা ধম্মা ন নিৰুজ্ঝিত্থাতি? নত্থি.

(খ) যস্স ৱা পন অব্যাকতা ধম্মা ন নিৰুজ্ঝিত্থ তস্স অকুসলা ধম্মা ন নিৰুজ্ঝিত্থাতি? নত্থি.

(ঙ) পচ্চনীকওকাসো

১১৯. (ক) যত্থ কুসলা ধম্মা ন নিৰুজ্ঝিত্থ তত্থ অকুসলা ধম্মা ন নিৰুজ্ঝিত্থাতি? আমন্তা.

(খ) যত্থ ৱা পন অকুসলা ধম্মা ন নিৰুজ্ঝিত্থ তত্থ কুসলা ধম্মা ন নিৰুজ্ঝিত্থাতি? আমন্তা.

(ক) যত্থ কুসলা ধম্মা ন নিৰুজ্ঝিত্থ তত্থ অব্যাকতা ধম্মা ন নিৰুজ্ঝিত্থাতি? নিৰুজ্ঝিত্থ.

(খ) যত্থ ৱা পন অব্যাকতা ধম্মা ন নিৰুজ্ঝিত্থ তত্থ কুসলা ধম্মা ন নিৰুজ্ঝিত্থাতি? নত্থি.

১২০. (ক) যত্থ অকুসলা ধম্মা ন নিৰুজ্ঝিত্থ তত্থ অব্যাকতা ধম্মা ন নিৰুজ্ঝিত্থাতি? নিৰুজ্ঝিত্থ.

(খ) যত্থ ৱা পন অব্যাকতা ধম্মা ন নিৰুজ্ঝিত্থ তত্থ অকুসলা ধম্মা ন নিৰুজ্ঝিত্থাতি? নত্থি.

(চ) পচ্চনীকপুগ্গলোকাসা

১২১. (ক) যস্স যত্থ কুসলা ধম্মা ন নিৰুজ্ঝিত্থ তস্স তত্থ অকুসলা ধম্মা ন নিৰুজ্ঝিত্থাতি?

সুদ্ধাৱাসানং দুতিযে অকুসলে চিত্তে ৱত্তমানে তেসং তত্থ কুসলা ধম্মা ন নিৰুজ্ঝিত্থ, নো চ তেসং তত্থ অকুসলা ধম্মা ন নিৰুজ্ঝিত্থ. সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ কুসলা চ ধম্মা ন নিৰুজ্ঝিত্থ অকুসলা চ ধম্মা ন নিৰুজ্ঝিত্থ.

(খ) যস্স ৱা পন যত্থ অকুসলা ধম্মা ন নিৰুজ্ঝিত্থ তস্স তত্থ কুসলা ধম্মা ন নিৰুজ্ঝিত্থাতি? আমন্তা.

(ক) যস্স যত্থ কুসলা ধম্মা ন নিৰুজ্ঝিত্থ তস্স তত্থ অব্যাকতা ধম্মা ন নিৰুজ্ঝিত্থাতি?

সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ কুসলা ধম্মা ন নিৰুজ্ঝিত্থ, নো চ তেসং তত্থ অব্যাকতা ধম্মা ন নিৰুজ্ঝিত্থ. সুদ্ধাৱাসং উপপজ্জন্তানং তেসং তত্থ কুসলা চ ধম্মা ন নিৰুজ্ঝিত্থ অব্যাকতা চ ধম্মা ন নিৰুজ্ঝিত্থ.

(খ) যস্স ৱা পন যত্থ অব্যাকতা ধম্মা ন নিৰুজ্ঝিত্থ তস্স তত্থ কুসলা ধম্মা ন নিৰুজ্ঝিত্থাতি? আমন্তা.

১২২. (ক) যস্স যত্থ অকুসলা ধম্মা ন নিৰুজ্ঝিত্থ তস্স তত্থ অব্যাকতা ধম্মা ন নিৰুজ্ঝিত্থাতি?

সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ অকুসলা ধম্মা ন নিৰুজ্ঝিত্থ, নো চ তেসং তত্থ অব্যাকতা ধম্মা ন নিৰুজ্ঝিত্থ. সুদ্ধাৱাসং উপপজ্জন্তানং তেসং তত্থ অকুসলা চ ধম্মা ন নিৰুজ্ঝিত্থ অব্যাকতা চ ধম্মা ন নিৰুজ্ঝিত্থ.

(খ) যস্স ৱা পন যত্থ অব্যাকতা ধম্মা ন নিৰুজ্ঝিত্থ তস্স তত্থ অকুসলা ধম্মা ন নিৰুজ্ঝিত্থাতি? আমন্তা.