(৫) পচ্চুপ্পন্নানাগতৱাৰো

(ক) অনুলোমপুগ্গলো

৭৯. (ক) যস্স কুসলা ধম্মা উপ্পজ্জন্তি তস্স অকুসলা ধম্মা উপ্পজ্জিস্সন্তীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে তেসং কুসলা ধম্মা উপ্পজ্জন্তি, নো চ তেসং অকুসলা ধম্মা উপ্পজ্জিস্সন্তি. ইতৰেসং কুসলানং উপ্পাদক্খণে তেসং কুসলা চ ধম্মা উপ্পজ্জন্তি অকুসলা চ ধম্মা উপ্পজ্জিস্সন্তি.

(খ) যস্স ৱা পন অকুসলা ধম্মা উপ্পজ্জিস্সন্তি তস্স কুসলা ধম্মা উপ্পজ্জন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং অকুসলা ধম্মা উপ্পজ্জিস্সন্তি, নো চ তেসং কুসলা ধম্মা উপ্পজ্জন্তি. কুসলানং উপ্পাদক্খণে তেসং অকুসলা চ ধম্মা উপ্পজ্জিস্সন্তি কুসলা চ ধম্মা উপ্পজ্জন্তি.

(ক) যস্স কুসলা ধম্মা উপ্পজ্জন্তি তস্স অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন অব্যাকতা ধম্মা উপ্পজ্জিস্সন্তি তস্স কুসলা ধম্মা উপ্পজ্জন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং অব্যাকতা ধম্মা উপ্পজ্জিস্সন্তি, নো চ তেসং কুসলা ধম্মা উপ্পজ্জন্তি. কুসলানং উপ্পাদক্খণে তেসং অব্যাকতা চ ধম্মা উপ্পজ্জিস্সন্তি কুসলা চ ধম্মা উপ্পজ্জন্তি.

৮০. (ক) যস্স অকুসলা ধম্মা উপ্পজ্জন্তি তস্স অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন অব্যাকতা ধম্মা উপ্পজ্জিস্সন্তি তস্স অকুসলা ধম্মা উপ্পজ্জন্তীতি?

সব্বেসং চিত্তস্স ভঙ্গক্খণে অকুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং অব্যাকতা ধম্মা উপ্পজ্জিস্সন্তি, নো চ তেসং অকুসলা ধম্মা উপ্পজ্জন্তি. অকুসলানং উপ্পাদক্খণে তেসং অব্যাকতা চ ধম্মা উপ্পজ্জিস্সন্তি অকুসলা চ ধম্মা উপ্পজ্জন্তি.

(খ) অনুলোমওকাসো

৮১. যত্থ কুসলা ধম্মা উপ্পজ্জন্তি তত্থ অকুসলা ধম্মা উপ্পজ্জিস্সন্তীতি?…পে….

(গ) অনুলোমপুগ্গলোকাসা

৮২. (ক) যস্স যত্থ কুসলা ধম্মা উপ্পজ্জন্তি তস্স তত্থ অকুসলা ধম্মা উপ্পজ্জিস্সন্তীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে তেসং তত্থ কুসলা ধম্মা উপ্পজ্জন্তি, নো চ তেসং তত্থ অকুসলা ধম্মা উপ্পজ্জিস্সন্তি. ইতৰেসং কুসলানং উপ্পাদক্খণে তেসং তত্থ কুসলা চ ধম্মা উপ্পজ্জন্তি অকুসলা চ ধম্মা উপ্পজ্জিস্সন্তি.

(খ) যস্স ৱা পন যত্থ অকুসলা ধম্মা উপ্পজ্জিস্সন্তি তস্স তত্থ কুসলা ধম্মা উপ্পজ্জন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে তেসং তত্থ অকুসলা ধম্মা উপ্পজ্জিস্সন্তি, নো চ তেসং তত্থ কুসলা ধম্মা উপ্পজ্জন্তি. কুসলানং উপ্পাদক্খণে তেসং তত্থ অকুসলা চ ধম্মা উপ্পজ্জিস্সন্তি কুসলা চ ধম্মা উপ্পজ্জন্তি.

(ক) যস্স যত্থ কুসলা ধম্মা উপ্পজ্জন্তি তস্স তত্থ অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন যত্থ অব্যাকতা ধম্মা উপ্পজ্জিস্সন্তি তস্স তত্থ কুসলা ধম্মা উপ্পজ্জন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ অব্যাকতা ধম্মা উপ্পজ্জিস্সন্তি, নো চ তেসং তত্থ কুসলা ধম্মা উপ্পজ্জন্তি. কুসলানং উপ্পাদক্খণে তেসং তত্থ অব্যাকতা চ ধম্মা উপ্পজ্জিস্সন্তি কুসলা চ ধম্মা উপ্পজ্জন্তি.

৮৩. (ক) যস্স যত্থ অকুসলা ধম্মা উপ্পজ্জন্তি তস্স তত্থ অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন যত্থ অব্যাকতা ধম্মা উপ্পজ্জিস্সন্তি তস্স তত্থ অকুসলা ধম্মা উপ্পজ্জন্তীতি?

সব্বেসং চিত্তস্স ভঙ্গক্খণে অকুসলৱিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ অব্যাকতা ধম্মা উপ্পজ্জিস্সন্তি, নো চ তেসং তত্থ অকুসলা ধম্মা উপ্পজ্জন্তি. অকুসলানং উপ্পাদক্খণে তেসং তত্থ অব্যাকতা চ ধম্মা উপ্পজ্জিস্সন্তি অকুসলা চ ধম্মা উপ্পজ্জন্তি.

(ঘ) পচ্চনীকপুগ্গলো

৮৪. (ক) যস্স কুসলা ধম্মা ন উপ্পজ্জন্তি তস্স অকুসলা ধম্মা ন উপ্পজ্জিস্সন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং কুসলা ধম্মা ন উপ্পজ্জন্তি, নো চ তেসং অকুসলা ধম্মা ন উপ্পজ্জিস্সন্তি. অগ্গমগ্গস্স ভঙ্গক্খণে অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে তেসং কুসলা চ ধম্মা ন উপ্পজ্জন্তি অকুসলা চ ধম্মা ন উপ্পজ্জিস্সন্তি.

(খ) যস্স ৱা পন অকুসলা ধম্মা ন উপ্পজ্জিস্সন্তি তস্স কুসলা ধম্মা ন উপ্পজ্জন্তীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে তেসং অকুসলা ধম্মা ন উপ্পজ্জিস্সন্তি, নো চ তেসং কুসলা ধম্মা ন উপ্পজ্জন্তি. অগ্গমগ্গস্স ভঙ্গক্খণে অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে তেসং অকুসলা চ ধম্মা ন উপ্পজ্জিস্সন্তি কুসলা চ ধম্মা ন উপ্পজ্জন্তি.

(ক) যস্স কুসলা ধম্মা ন উপ্পজ্জন্তি তস্স অব্যাকতা ধম্মা ন উপ্পজ্জিস্সন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং কুসলা ধম্মা ন উপ্পজ্জন্তি, নো চ তেসং অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং কুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন অব্যাকতা ধম্মা ন উপ্পজ্জিস্সন্তি তস্স কুসলা ধম্মা ন উপ্পজ্জন্তীতি? আমন্তা.

৮৫. (ক) যস্স অকুসলা ধম্মা ন উপ্পজ্জন্তি তস্স অব্যাকতা ধম্মা ন উপ্পজ্জিস্সন্তীতি?

সব্বেসং চিত্তস্স ভঙ্গক্খণে অকুসলৱিপ্পযুত্তচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং অকুসলা ধম্মা ন উপ্পজ্জন্তি, নো চ তেসং অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং অকুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন অব্যাকতা ধম্মা ন উপ্পজ্জিস্সন্তি তস্স অকুসলা ধম্মা ন উপ্পজ্জন্তীতি? আমন্তা.

(ঙ) পচ্চনীকওকাসো

৮৬. যত্থ কুসলা ধম্মা ন উপ্পজ্জন্তি তত্থ অকুসলা ধম্মা ন উপ্পজ্জিস্সন্তীতি?…পে….

(চ) পচ্চনীকপুগ্গলোকাসা

৮৭. (ক) যস্স যত্থ কুসলা ধম্মা ন উপ্পজ্জন্তি তস্স তত্থ অকুসলা ধম্মা ন উপ্পজ্জিস্সন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে তেসং তত্থ কুসলা ধম্মা ন উপ্পজ্জন্তি, নো চ তেসং তত্থ অকুসলা ধম্মা ন উপ্পজ্জিস্সন্তি. অগ্গমগ্গস্স ভঙ্গক্খণে অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অসঞ্ঞসত্তানং তেসং তত্থ কুসলা চ ধম্মা ন উপ্পজ্জন্তি অকুসলা চ ধম্মা ন উপ্পজ্জিস্সন্তি.

(খ) যস্স ৱা পন যত্থ অকুসলা ধম্মা ন উপ্পজ্জিস্সন্তি তস্স তত্থ কুসলা ধম্মা ন উপ্পজ্জন্তীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে তেসং তত্থ অকুসলা ধম্মা ন উপ্পজ্জিস্সন্তি, নো চ তেসং তত্থ কুসলা ধম্মা ন উপ্পজ্জন্তি. অগ্গমগ্গস্স ভঙ্গক্খণে অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অসঞ্ঞসত্তানং তেসং তত্থ অকুসলা চ ধম্মা ন উপ্পজ্জিস্সন্তি কুসলা চ ধম্মা ন উপ্পজ্জন্তি.

(ক) যস্স যত্থ কুসলা ধম্মা ন উপ্পজ্জন্তি তস্স তত্থ অব্যাকতা ধম্মা ন উপ্পজ্জিস্সন্তীতি?

সব্বেসং চিত্তস্স ভঙ্গক্খণে কুসলৱিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ কুসলা ধম্মা ন উপ্পজ্জন্তি, নো চ তেসং তত্থ অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং তত্থ কুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন যত্থ অব্যাকতা ধম্মা ন উপ্পজ্জিস্সন্তি তস্স তত্থ কুসলা ধম্মা ন উপ্পজ্জন্তীতি? আমন্তা.

৮৮. (ক) যস্স যত্থ অকুসলা ধম্মা ন উপ্পজ্জন্তি তস্স তত্থ অব্যাকতা ধম্মা ন উপ্পজ্জিস্সন্তীতি?

সব্বেসং চিত্তস্স ভঙ্গক্খণে অকুসলৱিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ অকুসলা ধম্মা ন উপ্পজ্জন্তি, নো চ তেসং তত্থ অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং তত্থ অকুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন যত্থ অব্যাকতা ধম্মা ন উপ্পজ্জিস্সন্তি তস্স তত্থ অকুসলা ধম্মা ন উপ্পজ্জন্তীতি? আমন্তা.