(৩) অনাগতৱাৰো

(ক) অনুলোমপুগ্গলো

৫৭. (ক) যস্স কুসলা ধম্মা উপ্পজ্জিস্সন্তি তস্স অকুসলা ধম্মা উপ্পজ্জিস্সন্তীতি?

যস্স চিত্তস্স অনন্তৰা অগ্গমগ্গং পটিলভিস্সন্তি তেসং কুসলা ধম্মা উপ্পজ্জিস্সন্তি, নো চ তেসং অকুসলা ধম্মা উপ্পজ্জিস্সন্তি. ইতৰেসং তেসং কুসলা চ ধম্মা উপ্পজ্জিস্সন্তি অকুসলা চ ধম্মা উপ্পজ্জিস্সন্তি.

(খ) যস্স ৱা পন অকুসলা ধম্মা উপ্পজ্জিস্সন্তি তস্স কুসলা ধম্মা উপ্পজ্জিস্সন্তীতি? আমন্তা.

(ক) যস্স কুসলা ধম্মা উপ্পজ্জিস্সন্তি তস্স অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন অব্যাকতা ধম্মা উপ্পজ্জিস্সন্তি তস্স কুসলা ধম্মা উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং তেসং অব্যাকতা ধম্মা উপ্পজ্জিস্সন্তি, নো চ তেসং কুসলা ধম্মা উপ্পজ্জিস্সন্তি. ইতৰেসং তেসং অব্যাকতা চ ধম্মা উপ্পজ্জিস্সন্তি কুসলা চ ধম্মা উপ্পজ্জিস্সন্তি.

৫৮. (ক) যস্স অকুসলা ধম্মা উপ্পজ্জিস্সন্তি তস্স অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন অব্যাকতা ধম্মা উপ্পজ্জিস্সন্তি তস্স অকুসলা ধম্মা উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তেসং অব্যাকতা ধম্মা উপ্পজ্জিস্সন্তি, নো চ তেসং অকুসলা ধম্মা উপ্পজ্জিস্সন্তি. ইতৰেসং তেসং অব্যাকতা চ ধম্মা উপ্পজ্জিস্সন্তি অকুসলা চ ধম্মা উপ্পজ্জিস্সন্তি.

(খ) অনুলোমওকাসো

৫৯. (ক) যত্থ কুসলা ধম্মা উপ্পজ্জিস্সন্তি তত্থ অকুসলা ধম্মা উপ্পজ্জিস্সন্তীতি? আমন্তা.

(খ) যত্থ ৱা পন অকুসলা ধম্মা উপ্পজ্জিস্সন্তি তত্থ কুসলা ধম্মা উপ্পজ্জিস্সন্তীতি? আমন্তা.

(ক) যত্থ কুসলা ধম্মা উপ্পজ্জিস্সন্তি তত্থ অব্যাকতা ধম্মা উপ্পজ্জিস্সন্তীতি? আমন্তা.

(খ) যত্থ ৱা পন অব্যাকতা ধম্মা উপ্পজ্জিস্সন্তি তত্থ কুসলা ধম্মা উপ্পজ্জিস্সন্তীতি?

অসঞ্ঞসত্তে তত্থ অব্যাকতা ধম্মা উপ্পজ্জিস্সন্তি, নো চ তত্থ কুসলা ধম্মা উপ্পজ্জিস্সন্তি. চতুৱোকাৰে পঞ্চৱোকাৰে তত্থ অব্যাকতা চ ধম্মা উপ্পজ্জিস্সন্তি কুসলা চ ধম্মা উপ্পজ্জিস্সন্তি.

৬০. (ক) যত্থ অকুসলা ধম্মা উপ্পজ্জিস্সন্তি তত্থ অব্যাকতা ধম্মা উপ্পজ্জিস্সন্তীতি? আমন্তা.

(খ) যত্থ ৱা পন অব্যাকতা ধম্মা উপ্পজ্জিস্সন্তি তত্থ অকুসলা ধম্মা উপ্পজ্জিস্সন্তীতি?

অসঞ্ঞসত্তে তত্থ অব্যাকতা ধম্মা উপ্পজ্জিস্সন্তি, নো চ তত্থ অকুসলা ধম্মা উপ্পজ্জিস্সন্তি. চতুৱোকাৰে পঞ্চৱোকাৰে তত্থ অব্যাকতা চ ধম্মা উপ্পজ্জিস্সন্তি অকুসলা চ ধম্মা উপ্পজ্জিস্সন্তি.

(গ) অনুলোমপুগ্গলোকাসা

৬১. (ক) যস্স যত্থ কুসলা ধম্মা উপ্পজ্জিস্সন্তি তস্স তত্থ অকুসলা ধম্মা উপ্পজ্জিস্সন্তীতি?

যস্স চিত্তস্স অনন্তৰা অগ্গমগ্গং পটিলভিস্সন্তি তেসং তত্থ কুসলা ধম্মা উপ্পজ্জিস্সন্তি, নো চ তেসং তত্থ অকুসলা ধম্মা উপ্পজ্জিস্সন্তি. ইতৰেসং চতুৱোকাৰানং পঞ্চৱোকাৰানং তেসং তত্থ কুসলা চ ধম্মা উপ্পজ্জিস্সন্তি অকুসলা চ ধম্মা উপ্পজ্জিস্সন্তি.

(খ) যস্স ৱা পন যত্থ অকুসলা ধম্মা উপ্পজ্জিস্সন্তি তস্স তত্থ কুসলা ধম্মা উপ্পজ্জিস্সন্তীতি? আমন্তা.

(ক) যস্স যত্থ কুসলা ধম্মা উপ্পজ্জিস্সন্তি তস্স তত্থ অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন যত্থ অব্যাকতা ধম্মা উপ্পজ্জিস্সন্তি তস্স তত্থ কুসলা ধম্মা উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং অসঞ্ঞসত্তানং তেসং তত্থ অব্যাকতা ধম্মা উপ্পজ্জিস্সন্তি, নো চ তেসং তত্থ কুসলা ধম্মা উপ্পজ্জিস্সন্তি. ইতৰেসং চতুৱোকাৰানং পঞ্চৱোকাৰানং তেসং তত্থ অব্যাকতা চ ধম্মা উপ্পজ্জিস্সন্তি কুসলা চ ধম্মা উপ্পজ্জিস্সন্তি.

৬২. (ক) যস্স যত্থ অকুসলা ধম্মা উপ্পজ্জিস্সন্তি তস্স তত্থ অব্যাকতা ধম্মা উপ্পজ্জিস্সন্তীতি? আমন্তা.

(খ) যস্স ৱা পন যত্থ অব্যাকতা ধম্মা উপ্পজ্জিস্সন্তি তস্স তত্থ অকুসলা ধম্মা উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি অসঞ্ঞসত্তানং তেসং তত্থ অব্যাকতা ধম্মা উপ্পজ্জিস্সন্তি, নো চ তেসং তত্থ অকুসলা ধম্মা উপ্পজ্জিস্সন্তি. ইতৰেসং চতুৱোকাৰানং পঞ্চৱোকাৰানং তেসং তত্থ অব্যাকতা চ ধম্মা উপ্পজ্জিস্সন্তি অকুসলা চ ধম্মা উপ্পজ্জিস্সন্তি.

(ঘ) পচ্চনীকপুগ্গলো

৬৩. (ক) যস্স কুসলা ধম্মা ন উপ্পজ্জিস্সন্তি তস্স অকুসলা ধম্মা ন উপ্পজ্জিস্সন্তীতি? আমন্তা.

(খ) যস্স ৱা পন অকুসলা ধম্মা ন উপ্পজ্জিস্সন্তি তস্স কুসলা ধম্মা ন উপ্পজ্জিস্সন্তীতি?

যস্স চিত্তস্স অনন্তৰা অগ্গমগ্গং পটিলভিস্সন্তি তেসং অকুসলা ধম্মা ন উপ্পজ্জিস্সন্তি, নো চ তেসং কুসলা ধম্মা ন উপ্পজ্জিস্সন্তি. অগ্গমগ্গসমঙ্গীনং অৰহন্তানং তেসং অকুসলা চ ধম্মা ন উপ্পজ্জিস্সন্তি কুসলা চ ধম্মা ন উপ্পজ্জিস্সন্তি.

(ক) যস্স কুসলা ধম্মা ন উপ্পজ্জিস্সন্তি তস্স অব্যাকতা ধম্মা ন উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং তেসং কুসলা ধম্মা ন উপ্পজ্জিস্সন্তি, নো চ তেসং অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং কুসলা চ ধম্মা ন উপ্পজ্জিস্সন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন অব্যাকতা ধম্মা ন উপ্পজ্জিস্সন্তি তস্স কুসলা ধম্মা ন উপ্পজ্জিস্সন্তীতি? আমন্তা.

৬৪. (ক) যস্স অকুসলা ধম্মা ন উপ্পজ্জিস্সন্তি তস্স অব্যাকতা ধম্মা ন উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তেসং অকুসলা ধম্মা ন উপ্পজ্জিস্সন্তি, নো চ তেসং অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং অকুসলা চ ধম্মা ন উপ্পজ্জিস্সন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন অব্যাকতা ধম্মা ন উপ্পজ্জিস্সন্তি তস্স অকুসলা ধম্মা ন উপ্পজ্জিস্সন্তীতি? আমন্তা.

(ঙ) পচ্চনীকওকাসো

৬৫. (ক) যত্থ কুসলা ধম্মা ন উপ্পজ্জিস্সন্তি তত্থ অকুসলা ধম্মা ন উপ্পজ্জিস্সন্তীতি? আমন্তা.

(খ) যত্থ ৱা পন অকুসলা ধম্মা ন উপ্পজ্জিস্সন্তি তত্থ কুসলা ধম্মা ন উপ্পজ্জিস্সন্তীতি? আমন্তা.

(ক) যত্থ কুসলা ধম্মা ন উপ্পজ্জিস্সন্তি তত্থ অব্যাকতা ধম্মা ন উপ্পজ্জিস্সন্তীতি? উপ্পজ্জিস্সন্তি.

(খ) যত্থ ৱা পন অব্যাকতা ধম্মা ন উপ্পজ্জিস্সন্তি তত্থ কুসলা ধম্মা ন উপ্পজ্জিস্সন্তীতি? নত্থি.

৬৬. (ক) যত্থ অকুসলা ধম্মা ন উপ্পজ্জিস্সন্তি তত্থ অব্যাকতা ধম্মা ন উপ্পজ্জিস্সন্তীতি? উপ্পজ্জিস্সন্তি.

(খ) যত্থ ৱা পন অব্যাকতা ধম্মা ন উপ্পজ্জিস্সন্তি তত্থ অকুসলা ধম্মা ন উপ্পজ্জিস্সন্তীতি? নত্থি.

(চ) পচ্চনীকপুগ্গলোকাসা

৬৭. (ক) যস্স যত্থ কুসলা ধম্মা ন উপ্পজ্জিস্সন্তি তস্স তত্থ অকুসলা ধম্মা ন উপ্পজ্জিস্সন্তীতি? আমন্তা.

(খ) যস্স ৱা পন যত্থ অকুসলা ধম্মা ন উপ্পজ্জিস্সন্তি তস্স তত্থ কুসলা ধম্মা ন উপ্পজ্জিস্সন্তীতি?

যস্স চিত্তস্স অনন্তৰা অগ্গমগ্গং পটিলভিস্সন্তি তেসং তত্থ অকুসলা ধম্মা ন উপ্পজ্জিস্সন্তি, নো চ তেসং তত্থ কুসলা ধম্মা ন উপ্পজ্জিস্সন্তি. অগ্গমগ্গসমঙ্গীনং অৰহন্তানং অসঞ্ঞসত্তানং তেসং তত্থ অকুসলা চ ধম্মা ন উপ্পজ্জিস্সন্তি কুসলা চ ধম্মা ন উপ্পজ্জিস্সন্তি.

(ক) যস্স যত্থ কুসলা ধম্মা ন উপ্পজ্জিস্সন্তি তস্স তত্থ অব্যাকতা ধম্মা ন উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং অসঞ্ঞসত্তানং তেসং তত্থ কুসলা ধম্মা ন উপ্পজ্জিস্সন্তি, নো চ তেসং তত্থ অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং তত্থ কুসলা চ ধম্মা ন উপ্পজ্জিস্সন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন যত্থ অব্যাকতা ধম্মা ন উপ্পজ্জিস্সন্তি তস্স তত্থ কুসলা ধম্মা ন উপ্পজ্জিস্সন্তীতি? আমন্তা.

৬৮. (ক) যস্স যত্থ অকুসলা ধম্মা ন উপ্পজ্জিস্সন্তি তস্স তত্থ অব্যাকতা ধম্মা ন উপ্পজ্জিস্সন্তীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি অসঞ্ঞসত্তানং তেসং তত্থ অকুসলা ধম্মা ন উপ্পজ্জিস্সন্তি, নো চ তেসং তত্থ অব্যাকতা ধম্মা ন উপ্পজ্জিস্সন্তি. পচ্ছিমচিত্তসমঙ্গীনং তেসং তত্থ অকুসলা চ ধম্মা ন উপ্পজ্জিস্সন্তি অব্যাকতা চ ধম্মা ন উপ্পজ্জিস্সন্তি.

(খ) যস্স ৱা পন যত্থ অব্যাকতা ধম্মা ন উপ্পজ্জিস্সন্তি তস্স তত্থ অকুসলা ধম্মা ন উপ্পজ্জিস্সন্তীতি? আমন্তা.