১. উপ্পত্তিট্ঠানৱাৰো

২. কত্থ কামৰাগানুসযো অনুসেতি? কামধাতুযা দ্ৱীসু ৱেদনাসু এত্থ কামৰাগানুসযো অনুসেতি.

কত্থ পটিঘানুসযো অনুসেতি? দুক্খায ৱেদনায এত্থ পটিঘানুসযো অনুসেতি.

কত্থ মানানুসযো অনুসেতি? কামধাতুযা দ্ৱীসু ৱেদনাসু ৰূপধাতুযা অৰূপধাতুযা এত্থ মানানুসযো অনুসেতি.

কত্থ দিট্ঠানুসযো অনুসেতি? সব্বসক্কাযপৰিযাপন্নেসু ধম্মেসু এত্থ দিট্ঠানুসযো অনুসেতি.

কত্থ ৱিচিকিচ্ছানুসযো অনুসেতি? সব্বসক্কাযপৰিযাপন্নেসু ধম্মেসু এত্থ ৱিচিকিচ্ছানুসযো অনুসেতি.

কত্থ ভৱৰাগানুসযো অনুসেতি? ৰূপধাতুযা অৰূপধাতুযা এত্থ ভৱৰাগানুসযো অনুসেতি.

কত্থ অৱিজ্জানুসযো অনুসেতি? সব্বসক্কাযপৰিযাপন্নেসু ধম্মেসু এত্থ অৱিজ্জানুসযো অনুসেতি.

উপ্পত্তিট্ঠানৱাৰো.