(১) পচ্চুপ্পন্নৱাৰো

(ক) অনুলোমপুগ্গলো

১২৮. (ক) যস্স কাযসঙ্খাৰো উপ্পজ্জতি তস্স ৱচীসঙ্খাৰো নিৰুজ্ঝতীতি? নো.

(খ) যস্স ৱা পন ৱচীসঙ্খাৰো নিৰুজ্ঝতি তস্স কাযসঙ্খাৰো উপ্পজ্জতীতি? নো.

(ক) যস্স কাযসঙ্খাৰো উপ্পজ্জতি তস্স চিত্তসঙ্খাৰো নিৰুজ্ঝতীতি? নো.

(খ) যস্স ৱা পন চিত্তসঙ্খাৰো নিৰুজ্ঝতি তস্স কাযসঙ্খাৰো উপ্পজ্জতীতি? নো.

১২৯. (ক) যস্স ৱচীসঙ্খাৰো উপ্পজ্জতি তস্স চিত্তসঙ্খাৰো নিৰুজ্ঝতীতি? নো.

(খ) যস্স ৱা পন…পে…? নো.

(খ) অনুলোমওকাসো

১৩০. যত্থ কাযসঙ্খাৰো উপ্পজ্জতি তত্থ ৱচীসঙ্খাৰো নিৰুজ্ঝতীতি?

দুতিযজ্ঝানে ততিযজ্ঝানে তত্থ…পে… (ইতৰেসং যত্থকানং সদিসং).

(গ) অনুলোমপুগ্গলোকাসা

১৩১. যস্স যত্থ কাযসঙ্খাৰো উপ্পজ্জতি…পে… (যস্সকম্পি যস্সযত্থকম্পি সদিসং).

(ঘ) পচ্চনীকপুগ্গলো

১৩২. (ক) যস্স কাযসঙ্খাৰো নুপ্পজ্জতি তস্স ৱচীসঙ্খাৰো ন নিৰুজ্ঝতীতি?

ৱিতক্কৱিচাৰানং ভঙ্গক্খণে তেসং কাযসঙ্খাৰো নুপ্পজ্জতি, নো চ তেসং ৱচীসঙ্খাৰো ন নিৰুজ্ঝতি. ৱিনা অস্সাসপস্সাসেহি চিত্তস্স উপ্পাদক্খণে ৱিনা ৱিতক্কৱিচাৰেহি চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং কাযসঙ্খাৰো চ নুপ্পজ্জতি ৱচীসঙ্খাৰো চ ন নিৰুজ্ঝতি.

(খ) যস্স ৱা পন ৱচীসঙ্খাৰো ন নিৰুজ্ঝতি তস্স কাযসঙ্খাৰো নুপ্পজ্জতীতি?

অস্সাসপস্সাসানং উপ্পাদক্খণে তেসং ৱচীসঙ্খাৰো ন নিৰুজ্ঝতি, নো চ তেসং কাযসঙ্খাৰো নুপ্পজ্জতি. ৱিনা অস্সাসপস্সাসেহি চিত্তস্স উপ্পাদক্খণে ৱিনা ৱিতক্কৱিচাৰেহি চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং ৱচীসঙ্খাৰো চ ন নিৰুজ্ঝতি কাযসঙ্খাৰো চ নুপ্পজ্জতি.

(ক) যস্স কাযসঙ্খাৰো নুপ্পজ্জতি তস্স চিত্তসঙ্খাৰো নিৰুজ্ঝতীতি?

সব্বেসং চিত্তস্স ভঙ্গক্খণে তেসং কাযসঙ্খাৰো নুপ্পজ্জতি, নো চ তেসং চিত্তসঙ্খাৰো ন নিৰুজ্ঝতি. ৱিনা অস্সাসপস্সাসেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং কাযসঙ্খাৰো চ নুপ্পজ্জতি চিত্তসঙ্খাৰো চ ন নিৰুজ্ঝতি.

(খ) যস্স ৱা পন চিত্তসঙ্খাৰো ন নিৰুজ্ঝতি তস্স কাযসঙ্খাৰো নুপ্পজ্জতীতি?

অস্সাসপস্সাসানং উপ্পাদক্খণে তেসং চিত্তসঙ্খাৰো ন নিৰুজ্ঝতি, নো চ তেসং কাযসঙ্খাৰো নুপ্পজ্জতি. ৱিনা অস্সাসপস্সাসেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং চিত্তসঙ্খাৰো চ ন নিৰুজ্ঝতি কাযসঙ্খাৰো চ নুপ্পজ্জতি.

১৩৩. (ক) যস্স ৱচীসঙ্খাৰো নুপ্পজ্জতি তস্স চিত্তসঙ্খাৰো ন নিৰুজ্ঝতীতি?

সব্বেসং চিত্তস্স ভঙ্গক্খণে তেসং ৱচীসঙ্খাৰো নুপ্পজ্জতি, নো চ তেসং চিত্তসঙ্খাৰো ন নিৰুজ্ঝতি. ৱিনা ৱিতক্কৱিচাৰেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং ৱচীসঙ্খাৰো চ নুপ্পজ্জতি চিত্তসঙ্খাৰো চ ন নিৰুজ্ঝতি.

(খ) যস্স ৱা পন চিত্তসঙ্খাৰো ন নিৰুজ্ঝতি তস্স ৱচীসঙ্খাৰো নুপ্পজ্জতীতি?

ৱিতক্কৱিচাৰানং উপ্পাদক্খণে তেসং চিত্তসঙ্খাৰো ন নিৰুজ্ঝতি, নো চ তেসং ৱচীসঙ্খাৰো নুপ্পজ্জতি. ৱিনা ৱিতক্কৱিচাৰেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং চিত্তসঙ্খাৰো চ ন নিৰুজ্ঝতি ৱচীসঙ্খাৰো চ নুপ্পজ্জতি.

(ঙ) পচ্চনীকওকাসো

১৩৪. যত্থ কাযসঙ্খাৰো নুপ্পজ্জতি…পে….

(চ) পচ্চনীকপুগ্গলোকাসা

১৩৫. যস্স যত্থ কাযসঙ্খাৰো নুপ্পজ্জতি…পে….

(যস্সকম্পি যস্সযত্থকম্পি সদিসং, যস্সযত্থকে নিৰোধসমাপন্নানন্তি ন লব্ভতি).