(৪) পচ্চুপ্পন্নাতীতৱাৰো

(ক) অনুলোমপুগ্গলো

৯৮. (ক) যস্স কাযসঙ্খাৰো নিৰুজ্ঝতি তস্স ৱচীসঙ্খাৰো নিৰুজ্ঝিত্থাতি? আমন্তা.

(খ) যস্স ৱা পন ৱচীসঙ্খাৰো নিৰুজ্ঝিত্থ তস্স কাযসঙ্খাৰো নিৰুজ্ঝতীতি?

সব্বেসং চিত্তস্স উপ্পাদক্খণে ৱিনা অস্সাসপস্সাসেহি চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং ৱচীসঙ্খাৰো নিৰুজ্ঝিত্থ, নো চ তেসং কাযসঙ্খাৰো নিৰুজ্ঝতি. অস্সাসপস্সাসানং ভঙ্গক্খণে তেসং ৱচীসঙ্খাৰো চ নিৰুজ্ঝিত্থ কাযসঙ্খাৰো চ নিৰুজ্ঝতি.

(ক) যস্স কাযসঙ্খাৰো নিৰুজ্ঝতি তস্স চিত্তসঙ্খাৰো নিৰুজ্ঝিত্থাতি? আমন্তা.

(খ) যস্স ৱা পন চিত্তসঙ্খাৰো নিৰুজ্ঝিত্থ তস্স কাযসঙ্খাৰো নিৰুজ্ঝতীতি?

সব্বেসং চিত্তস্স উপ্পাদক্খণে ৱিনা অস্সাসপস্সাসেহি চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং চিত্তসঙ্খাৰো নিৰুজ্ঝিত্থ, নো চ তেসং কাযসঙ্খাৰো নিৰুজ্ঝতি. অস্সাসপস্সাসানং ভঙ্গক্খণে তেসং চিত্তসঙ্খাৰো চ নিৰুজ্ঝিত্থ কাযসঙ্খাৰো চ নিৰুজ্ঝতি.

৯৯. (ক) যস্স ৱচীসঙ্খাৰো নিৰুজ্ঝতি তস্স চিত্তসঙ্খাৰো নিৰুজ্ঝিত্থাতি? আমন্তা.

(খ) যস্স ৱা পন চিত্তসঙ্খাৰো নিৰুজ্ঝিত্থ তস্স ৱচীসঙ্খাৰো নিৰুজ্ঝতীতি?

সব্বেসং চিত্তস্স উপ্পাদক্খণে ৱিনা ৱিতক্কৱিচাৰেহি চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং চিত্তসঙ্খাৰো নিৰুজ্ঝিত্থ, নো চ তেসং ৱচীসঙ্খাৰো নিৰুজ্ঝতি. ৱিতক্কৱিচাৰানং ভঙ্গক্খণে তেসং চিত্তসঙ্খাৰো চ নিৰুজ্ঝিত্থ ৱচীসঙ্খাৰো চ নিৰুজ্ঝতি.

(খ) অনুলোমওকাসো

১০০. যত্থ কাযসঙ্খাৰো নিৰুজ্ঝতি…পে….

(গ) অনুলোমপুগ্গলোকাসা

১০১. (ক) যস্স যত্থ কাযসঙ্খাৰো নিৰুজ্ঝতি তস্স তত্থ ৱচীসঙ্খাৰো নিৰুজ্ঝিত্থাতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ কাযসঙ্খাৰো নিৰুজ্ঝতি, নো চ তেসং তত্থ ৱচীসঙ্খাৰো নিৰুজ্ঝিত্থ. পঠমজ্ঝানং সমাপন্নানং কামাৱচৰানং অস্সাসপস্সাসানং ভঙ্গক্খণে তেসং তত্থ কাযসঙ্খাৰো চ নিৰুজ্ঝতি ৱচীসঙ্খাৰো চ নিৰুজ্ঝিত্থ.

(খ) যস্স ৱা পন যত্থ ৱচীসঙ্খাৰো নিৰুজ্ঝিত্থ তস্স তত্থ কাযসঙ্খাৰো নিৰুজ্ঝতীতি?

পঠমজ্ঝানং সমাপন্নানং কামাৱচৰানং অস্সাসপস্সাসানং উপ্পাদক্খণে তেসংযেৱ ৱিনা অস্সাসপস্সাসেহি চিত্তস্স ভঙ্গক্খণে ৰূপাৱচৰানং অৰূপাৱচৰানং তেসং তত্থ ৱচীসঙ্খাৰো নিৰুজ্ঝিত্থ, নো চ তেসং তত্থ কাযসঙ্খাৰো নিৰুজ্ঝতি. পঠমজ্ঝানং সমাপন্নানং কামাৱচৰানং অস্সাসপস্সাসানং ভঙ্গক্খণে তেসং তত্থ ৱচীসঙ্খাৰো চ নিৰুজ্ঝিত্থ কাযসঙ্খাৰো চ নিৰুজ্ঝতি.

(ক) যস্স যত্থ কাযসঙ্খাৰো নিৰুজ্ঝতি তস্স তত্থ চিত্তসঙ্খাৰো নিৰুজ্ঝিত্থাতি? আমন্তা.

(খ) যস্স ৱা পন যত্থ চিত্তসঙ্খাৰো নিৰুজ্ঝিত্থ তস্স তত্থ কাযসঙ্খাৰো নিৰুজ্ঝতীতি?

সব্বেসং চিত্তস্স উপ্পাদক্খণে ৱিনা অস্সাসপস্সাসেহি চিত্তস্স ভঙ্গক্খণে তেসং তত্থ চিত্তসঙ্খাৰো নিৰুজ্ঝিত্থ, নো চ তেসং তত্থ কাযসঙ্খাৰো নিৰুজ্ঝতি. অস্সাসপস্সাসানং ভঙ্গক্খণে তেসং তত্থ চিত্তসঙ্খাৰো চ নিৰুজ্ঝিত্থ কাযসঙ্খাৰো চ নিৰুজ্ঝতি.

১০২. (ক) যস্স যত্থ ৱচীসঙ্খাৰো নিৰুজ্ঝতি তস্স তত্থ চিত্তসঙ্খাৰো নিৰুজ্ঝিত্থাতি? আমন্তা.

(খ) যস্স ৱা পন যত্থ চিত্তসঙ্খাৰো নিৰুজ্ঝিত্থ তস্স তত্থ ৱচীসঙ্খাৰো নিৰুজ্ঝতীতি?

সব্বেসং চিত্তস্স উপ্পাদক্খণে ৱিনা ৱিতক্কৱিচাৰেহি চিত্তস্স ভঙ্গক্খণে তেসং তত্থ চিত্তসঙ্খাৰো নিৰুজ্ঝিত্থ, নো চ তেসং তত্থ ৱচীসঙ্খাৰো নিৰুজ্ঝতি. ৱিতক্কৱিচাৰানং ভঙ্গক্খণে তেসং তত্থ চিত্তসঙ্খাৰো চ নিৰুজ্ঝিত্থ ৱচীসঙ্খাৰো চ নিৰুজ্ঝতি.

(ঘ) পচ্চনীকপুগ্গলো

১০৩. (ক) যস্স কাযসঙ্খাৰো ন নিৰুজ্ঝতি তস্স ৱচীসঙ্খাৰো ন নিৰুজ্ঝিত্থাতি? নিৰুজ্ঝিত্থ.

(খ) যস্স ৱা পন ৱচীসঙ্খাৰো ন নিৰুজ্ঝিত্থ তস্স কাযসঙ্খাৰো ন নিৰুজ্ঝতীতি? নত্থি.

(ক) যস্স কাযসঙ্খাৰো ন নিৰুজ্ঝতি তস্স চিত্তসঙ্খাৰো ন নিৰুজ্ঝিত্থাতি? নিৰুজ্ঝিত্থ.

(খ) যস্স ৱা পন চিত্তসঙ্খাৰো ন নিৰুজ্ঝিত্থ তস্স কাযসঙ্খাৰো ন নিৰুজ্ঝতীতি? নত্থি.

১০৪. (ক) যস্স ৱচীসঙ্খাৰো ন নিৰুজ্ঝতি তস্স চিত্তসঙ্খাৰো ন নিৰুজ্ঝিত্থাতি? নিৰুজ্ঝিত্থ.

(খ) যস্স ৱা পন চিত্তসঙ্খাৰো ন নিৰুজ্ঝিত্থ তস্স ৱচীসঙ্খাৰো ন নিৰুজ্ঝতীতি? নত্থি.

(ঙ) পচ্চনীকওকাসো

১০৫. যত্থ কাযসঙ্খাৰো ন নিৰুজ্ঝতি…পে….

(চ) পচ্চনীকপুগ্গলোকাসা

১০৬. (ক) যস্স যত্থ কাযসঙ্খাৰো ন নিৰুজ্ঝতি তস্স তত্থ ৱচীসঙ্খাৰো ন নিৰুজ্ঝিত্থাতি?

পঠমজ্ঝানং সমাপন্নানং কামাৱচৰানং অস্সাসপস্সাসানং উপ্পাদক্খণে তেসংযেৱ ৱিনা অস্সাসপস্সাসেহি চিত্তস্স ভঙ্গক্খণে ৰূপাৱচৰানং অৰূপাৱচৰানং তেসং তত্থ কাযসঙ্খাৰো ন নিৰুজ্ঝতি, নো চ তেসং তত্থ ৱচীসঙ্খাৰো ন নিৰুজ্ঝিত্থ. দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৱ ৱিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ কাযসঙ্খাৰো চ ন নিৰুজ্ঝতি ৱচীসঙ্খাৰো চ ন নিৰুজ্ঝিত্থ.

(খ) যস্স ৱা পন যত্থ ৱচীসঙ্খাৰো ন নিৰুজ্ঝিত্থ তস্স তত্থ কাযসঙ্খাৰো ন নিৰুজ্ঝতীতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ ৱচীসঙ্খাৰো ন নিৰুজ্ঝিত্থ, নো চ তেসং তত্থ কাযসঙ্খাৰো ন নিৰুজ্ঝতি. দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৱ ৱিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ ৱচীসঙ্খাৰো চ ন নিৰুজ্ঝিত্থ কাযসঙ্খাৰো চ ন নিৰুজ্ঝতি.

(ক) যস্স যত্থ কাযসঙ্খাৰো ন নিৰুজ্ঝতি তস্স তত্থ চিত্তসঙ্খাৰো ন নিৰুজ্ঝিত্থাতি?

সব্বেসং চিত্তস্স উপ্পাদক্খণে ৱিনা অস্সাসপস্সাসেহি চিত্তস্স ভঙ্গক্খণে তেসং তত্থ কাযসঙ্খাৰো ন নিৰুজ্ঝতি, নো চ তেসং তত্থ চিত্তসঙ্খাৰো ন নিৰুজ্ঝিত্থ. সুদ্ধাৱাসং উপপজ্জন্তানং অসঞ্ঞসত্তানং তেসং তত্থ কাযসঙ্খাৰো চ ন নিৰুজ্ঝতি চিত্তসঙ্খাৰো চ ন নিৰুজ্ঝিত্থ.

(খ) যস্স ৱা পন যত্থ চিত্তসঙ্খাৰো ন নিৰুজ্ঝিত্থ তস্স তত্থ কাযসঙ্খাৰো ন নিৰুজ্ঝতীতি? আমন্তা.

১০৭. (ক) যস্স যত্থ ৱচীসঙ্খাৰো ন নিৰুজ্ঝতি তস্স তত্থ চিত্তসঙ্খাৰো ন নিৰুজ্ঝিত্থাতি?

সব্বেসং চিত্তস্স উপ্পাদক্খণে ৱিনা ৱিতক্কৱিচাৰেহি চিত্তস্স ভঙ্গক্খণে তেসং তত্থ ৱচীসঙ্খাৰো ন নিৰুজ্ঝতি, নো চ তেসং তত্থ চিত্তসঙ্খাৰো ন নিৰুজ্ঝিত্থ. সুদ্ধাৱাসং উপপজ্জন্তানং অসঞ্ঞসত্তানং তেসং তত্থ ৱচীসঙ্খাৰো চ ন নিৰুজ্ঝতি চিত্তসঙ্খাৰো চ ন নিৰুজ্ঝিত্থ.

(খ) যস্স ৱা পন যত্থ চিত্তসঙ্খাৰো ন নিৰুজ্ঝিত্থ তস্স তত্থ ৱচীসঙ্খাৰো ন নিৰুজ্ঝতীতি? আমন্তা.