(১) পচ্চুপ্পন্নৱাৰো

(ক) অনুলোমপুগ্গলো

৮৮. (ক) যস্স দুক্খসচ্চং নিৰুজ্ঝতি তস্স সমুদযসচ্চং নিৰুজ্ঝতীতি?

সব্বেসং চৱন্তানং পৱত্তে তণ্হাৱিপ্পযুত্তচিত্তস্স ভঙ্গক্খণে তেসং দুক্খসচ্চং নিৰুজ্ঝতি, নো চ তেসং সমুদযসচ্চং নিৰুজ্ঝতি. তণ্হায ভঙ্গক্খণে তেসং দুক্খসচ্চঞ্চ নিৰুজ্ঝতি সমুদযসচ্চঞ্চ নিৰুজ্ঝতি.

(খ) যস্স ৱা পন সমুদযসচ্চং নিৰুজ্ঝতি তস্স দুক্খসচ্চং নিৰুজ্ঝতীতি? আমন্তা.

(ক) যস্স দুক্খসচ্চং নিৰুজ্ঝতি তস্স মগ্গসচ্চং নিৰুজ্ঝতীতি?

সব্বেসং চৱন্তানং পৱত্তে মগ্গৱিপ্পযুত্তচিত্তস্স ভঙ্গক্খণে তেসং দুক্খসচ্চং নিৰুজ্ঝতি, নো চ তেসং মগ্গসচ্চং নিৰুজ্ঝতি. পঞ্চৱোকাৰে মগ্গস্স ভঙ্গক্খণে তেসং দুক্খসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝতি.

(খ) যস্স ৱা পন মগ্গসচ্চং নিৰুজ্ঝতি তস্স দুক্খসচ্চং নিৰুজ্ঝতীতি?

অৰূপে মগ্গস্স ভঙ্গক্খণে তেসং মগ্গসচ্চং নিৰুজ্ঝতি, নো চ তেসং দুক্খসচ্চং নিৰুজ্ঝতি. পঞ্চৱোকাৰে মগ্গস্স ভঙ্গক্খণে তেসং মগ্গসচ্চঞ্চ নিৰুজ্ঝতি দুক্খসচ্চঞ্চ নিৰুজ্ঝতি.

৮৯. (ক) যস্স সমুদযসচ্চং নিৰুজ্ঝতি তস্স মগ্গসচ্চং নিৰুজ্ঝতীতি? নো.

(খ) যস্স ৱা পন মগ্গসচ্চং নিৰুজ্ঝতি তস্স সমুদযসচ্চং নিৰুজ্ঝতীতি? নো.

(খ) অনুলোমওকাসো

৯০. যত্থ দুক্খসচ্চং নিৰুজ্ঝতি তত্থ সমুদযসচ্চং নিৰুজ্ঝতীতি?

অসঞ্ঞসত্তে তত্থ দুক্খসচ্চং নিৰুজ্ঝতি…পে….

(যত্থকং উপ্পাদেপি নিৰোধেপি উপ্পাদনিৰোধেপি সদিসং, নত্থি নানাকৰণং).

(গ) অনুলোমপুগ্গলোকাসা

৯১. যস্স যত্থ দুক্খসচ্চং নিৰুজ্ঝতি…পে….

(যস্সযত্থকম্পি সদিসং ৱিত্থাৰেতব্বং).

(ঘ) পচ্চনীকপুগ্গলো

৯২. (ক) যস্স দুক্খসচ্চং ন নিৰুজ্ঝতি তস্স সমুদযসচ্চং ন নিৰুজ্ঝতীতি? আমন্তা.

(খ) যস্স ৱা পন সমুদযসচ্চং ন নিৰুজ্ঝতি তস্স দুক্খসচ্চং ন নিৰুজ্ঝতীতি?

সব্বেসং চৱন্তানং পৱত্তে তণ্হাৱিপ্পযুত্তচিত্তস্স ভঙ্গক্খণে তেসং সমুদযসচ্চং ন নিৰুজ্ঝতি, নো চ তেসং দুক্খসচ্চং ন নিৰুজ্ঝতি. সব্বেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং সমুদযসচ্চঞ্চ ন নিৰুজ্ঝতি দুক্খসচ্চঞ্চ ন নিৰুজ্ঝতি.

(ক) যস্স দুক্খসচ্চং ন নিৰুজ্ঝতি তস্স মগ্গসচ্চং ন নিৰুজ্ঝতীতি?

অৰূপে মগ্গস্স ভঙ্গক্খণে তেসং দুক্খসচ্চং ন নিৰুজ্ঝতি, নো চ তেসং মগ্গসচ্চং ন নিৰুজ্ঝতি. সব্বেসং উপপজ্জন্তানং পৱত্তে চিত্তস্স উপ্পাদক্খণে অৰূপে ফলস্স ভঙ্গক্খণে তেসং দুক্খসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝতি.

(খ) যস্স ৱা পন মগ্গসচ্চং ন নিৰুজ্ঝতি তস্স দুক্খসচ্চং ন নিৰুজ্ঝতীতি?

সব্বেসং চৱন্তানং পৱত্তে মগ্গৱিপ্পযুত্তচিত্তস্স ভঙ্গক্খণে তেসং মগ্গসচ্চং ন নিৰুজ্ঝতি, নো চ তেসং দুক্খসচ্চং ন নিৰুজ্ঝতি. সব্বেসং উপপজ্জন্তানং পৱত্তে চিত্তস্স উপ্পাদক্খণে অৰূপে ফলস্স ভঙ্গক্খণে তেসং মগ্গসচ্চঞ্চ ন নিৰুজ্ঝতি দুক্খসচ্চঞ্চ ন নিৰুজ্ঝতি.

৯৩. (ক) যস্স সমুদযসচ্চং ন নিৰুজ্ঝতি তস্স মগ্গসচ্চং ন নিৰুজ্ঝতীতি?

মগ্গস্স ভঙ্গক্খণে তেসং সমুদযসচ্চং ন নিৰুজ্ঝতি, নো চ তেসং মগ্গসচ্চং ন নিৰুজ্ঝতি. সব্বেসং চিত্তস্স উপ্পাদক্খণে তণ্হাৱিপ্পযুত্তমগ্গৱিপ্পযুত্তচিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং সমুদযসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝতি.

(খ) যস্স ৱা পন মগ্গসচ্চং ন নিৰুজ্ঝতি তস্স সমুদযসচ্চং ন নিৰুজ্ঝতীতি?

তণ্হায ভঙ্গক্খণে তেসং মগ্গসচ্চং ন নিৰুজ্ঝতি, নো চ তেসং সমুদযসচ্চং ন নিৰুজ্ঝতি. সব্বেসং চিত্তস্স উপ্পাদক্খণে মগ্গৱিপ্পযুত্ততণ্হাৱিপ্পযুত্তচিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং মগ্গসচ্চঞ্চ ন নিৰুজ্ঝতি সমুদযসচ্চঞ্চ ন নিৰুজ্ঝতি.

(ঙ) পচ্চনীকওকাসো

৯৪. যত্থ দুক্খসচ্চং ন নিৰুজ্ঝতি…পে….

(চ) পচ্চনীকপুগ্গলোকাসা

৯৫. যস্স যত্থ দুক্খসচ্চং ন নিৰুজ্ঝতি…পে….

(যস্সকম্পি [যস্সকম্পি যত্থকম্পি (সী. স্যা.)] যস্সযত্থকম্পি সদিসং, যস্সযত্থকেপি নিৰোধসমাপন্নানন্তি চেতং ন কাতব্বং).