(৪) পচ্চুপ্পন্নাতীতৱাৰো

(ক) অনুলোমপুগ্গলো

৫৮. (ক) যস্স দুক্খসচ্চং উপ্পজ্জতি তস্স সমুদযসচ্চং উপ্পজ্জিত্থাতি? আমন্তা.

(খ) যস্স ৱা পন সমুদযসচ্চং উপ্পজ্জিত্থ তস্স দুক্খসচ্চং উপ্পজ্জতীতি?

সব্বেসং চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং সমুদযসচ্চং উপ্পজ্জিত্থ, নো চ তেসং দুক্খসচ্চং উপ্পজ্জতি. সব্বেসং উপপজ্জন্তানং পৱত্তে চিত্তস্স উপ্পাদক্খণে তেসং সমুদযসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

(ক) যস্স দুক্খসচ্চং উপ্পজ্জতি তস্স মগ্গসচ্চং উপ্পজ্জিত্থাতি? অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং দুক্খসচ্চং উপ্পজ্জতি, নো চ তেসং মগ্গসচ্চং উপ্পজ্জিত্থ. অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং দুক্খসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৱা পন মগ্গসচ্চং উপ্পজ্জিত্থ তস্স দুক্খসচ্চং উপ্পজ্জতীতি?

অভিসমেতাৱীনং চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং মগ্গসচ্চং উপ্পজ্জিত্থ, নো চ তেসং দুক্খসচ্চং উপ্পজ্জতি. অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং মগ্গসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

৫৯. (ক) যস্স সমুদযসচ্চং উপ্পজ্জতি তস্স মগ্গসচ্চং উপ্পজ্জিত্থাতি?

অনভিসমেতাৱীনং তণ্হায উপ্পাদক্খণে তেসং সমুদযসচ্চং উপ্পজ্জতি, নো চ তেসং মগ্গসচ্চং উপ্পজ্জিত্থ. অভিসমেতাৱীনং তণ্হায উপ্পাদক্খণে তেসং সমুদযসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৱা পন মগ্গসচ্চং উপ্পজ্জিত্থ তস্স সমুদযসচ্চং উপ্পজ্জতীতি?

অভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে নিৰোধসমাপন্নানং তেসং মগ্গসচ্চং উপ্পজ্জিত্থ, নো চ তেসং সমুদযসচ্চং উপ্পজ্জতি. অভিসমেতাৱীনং তণ্হায উপ্পাদক্খণে তেসং মগ্গসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জতি.

(খ) অনুলোমওকাসো

৬০. যত্থ দুক্খসচ্চং উপ্পজ্জতি…পে… (যত্থকা সদিসা সব্বে).

(গ) অনুলোমপুগ্গলোকাসা

৬১. (ক) যস্স যত্থ দুক্খসচ্চং উপ্পজ্জতি তস্স তত্থ সমুদযসচ্চং উপ্পজ্জিত্থাতি?

সুদ্ধাৱাসানং উপপত্তিচিত্তস্স [উপ্পত্তিচিত্তস্স (স্যা.)] উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চং উপ্পজ্জতি, নো চ তেসং তত্থ সমুদযসচ্চং উপ্পজ্জিত্থ. ইতৰেসং চতুৱোকাৰং পঞ্চৱোকাৰং উপপজ্জন্তানং পৱত্তে চিত্তস্স উপ্পাদক্খণে তেসং তত্থ দুক্খসচ্চঞ্চ উপ্পজ্জতি সমুদযসচ্চঞ্চ উপ্পজ্জিত্থ.

(খ) যস্স ৱা পন যত্থ সমুদযসচ্চং উপ্পজ্জিত্থ তস্স তত্থ দুক্খসচ্চং উপ্পজ্জতীতি?

চতুৱোকাৰা পঞ্চৱোকাৰা চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং তত্থ সমুদযসচ্চং উপ্পজ্জিত্থ, নো চ তেসং তত্থ দুক্খসচ্চং উপ্পজ্জতি. চতুৱোকাৰং পঞ্চৱোকাৰং উপপজ্জন্তানং পৱত্তে চিত্তস্স উপ্পাদক্খণে তেসং তত্থ সমুদযসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

(ক) যস্স যত্থ দুক্খসচ্চং উপ্পজ্জতি তস্স তত্থ মগ্গসচ্চং উপ্পজ্জিত্থাতি?

সুদ্ধাৱাসানং উপপত্তিচিত্তস্স উপ্পাদক্খণে অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চং উপ্পজ্জতি, নো চ তেসং তত্থ মগ্গসচ্চং উপ্পজ্জিত্থ. অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং তত্থ দুক্খসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৱা পন যত্থ মগ্গসচ্চং উপ্পজ্জিত্থ তস্স তত্থ দুক্খসচ্চং উপ্পজ্জতীতি?

অভিসমেতাৱীনং চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং তত্থ মগ্গসচ্চং উপ্পজ্জিত্থ, নো চ তেসং তত্থ দুক্খসচ্চং উপ্পজ্জতি. অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং তত্থ মগ্গসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

৬২. (ক) যস্স যত্থ সমুদযসচ্চং উপ্পজ্জতি তস্স তত্থ মগ্গসচ্চং উপ্পজ্জিত্থাতি?

অনভিসমেতাৱীনং তণ্হায উপ্পাদক্খণে তেসং তত্থ সমুদযসচ্চং উপ্পজ্জতি, নো চ তেসং তত্থ মগ্গসচ্চং উপ্পজ্জিত্থ. অভিসমেতাৱীনং তণ্হায উপ্পাদক্খণে তেসং তত্থ সমুদযসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৱা পন যত্থ মগ্গসচ্চং উপ্পজ্জিত্থ তস্স তত্থ সমুদযসচ্চং উপ্পজ্জতীতি?

অভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে তেসং তত্থ মগ্গসচ্চং উপ্পজ্জিত্থ, নো চ তেসং তত্থ সমুদযসচ্চং উপ্পজ্জতি. অভিসমেতাৱীনং তণ্হায উপ্পাদক্খণে তেসং তত্থ মগ্গসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জতি.

(ঘ) পচ্চনীকপুগ্গলো

৬৩. (ক) যস্স দুক্খসচ্চং নুপ্পজ্জতি তস্স সমুদযসচ্চং নুপ্পজ্জিত্থাতি?

উপ্পজ্জিত্থ.

(খ) যস্স ৱা পন সমুদযসচ্চং নুপ্পজ্জিত্থ তস্স দুক্খসচ্চং নুপ্পজ্জতীতি? নত্থি.

(ক) যস্স দুক্খসচ্চং নুপ্পজ্জতি তস্স মগ্গসচ্চং নুপ্পজ্জিত্থাতি?

অভিসমেতাৱীনং চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং দুক্খসচ্চং নুপ্পজ্জতি, নো চ তেসং মগ্গসচ্চং নুপ্পজ্জিত্থ. অনভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং দুক্খসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৱা পন মগ্গসচ্চং নুপ্পজ্জিত্থ তস্স দুক্খসচ্চং নুপ্পজ্জতীতি?

অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং মগ্গসচ্চং নুপ্পজ্জিত্থ, নো চ তেসং দুক্খসচ্চং নুপ্পজ্জতি. অনভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং মগ্গসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জতি.

৬৪. (ক) যস্স সমুদযসচ্চং নুপ্পজ্জতি তস্স মগ্গসচ্চং নুপ্পজ্জিত্থাতি?

অভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে নিৰোধসমাপন্নানং তেসং সমুদযসচ্চং নুপ্পজ্জতি, নো চ তেসং মগ্গসচ্চং নুপ্পজ্জিত্থ. অনভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং সমুদযসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৱা পন মগ্গসচ্চং নুপ্পজ্জিত্থ তস্স সমুদযসচ্চং নুপ্পজ্জতীতি?

অনভিসমেতাৱীনং তণ্হায উপ্পাদক্খণে তেসং মগ্গসচ্চং নুপ্পজ্জিত্থ, নো চ তেসং সমুদযসচ্চং নুপ্পজ্জতি. অনভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং মগ্গসচ্চঞ্চ নুপ্পজ্জিত্থ সমুদযসচ্চঞ্চ নুপ্পজ্জতি.

(ঙ) পচ্চনীকওকাসো

৬৫. যত্থ দুক্খসচ্চং নুপ্পজ্জতি…পে….

(চ) পচ্চনীকপুগ্গলোকাসা

৬৬. (ক) যস্স যত্থ দুক্খসচ্চং নুপ্পজ্জতি তস্স তত্থ সমুদযসচ্চং নুপ্পজ্জিত্থাতি?

চতুৱোকাৰা পঞ্চৱোকাৰা চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং তত্থ দুক্খসচ্চং নুপ্পজ্জতি, নো চ তেসং তত্থ সমুদযসচ্চং নুপ্পজ্জিত্থ. সুদ্ধাৱাসানং উপপত্তিচিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ দুক্খসচ্চঞ্চ নুপ্পজ্জতি সমুদযসচ্চঞ্চ নুপ্পজ্জিত্থ.

(খ) যস্স ৱা পন যত্থ সমুদযসচ্চং নুপ্পজ্জিত্থ তস্স তত্থ দুক্খসচ্চং নুপ্পজ্জতীতি?

সুদ্ধাৱাসানং উপপত্তিচিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ সমুদযসচ্চং নুপ্পজ্জিত্থ, নো চ তেসং তত্থ দুক্খসচ্চং নুপ্পজ্জতি. সুদ্ধাৱাসানং উপপত্তিচিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ সমুদযসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জতি.

(ক) যস্স যত্থ দুক্খসচ্চং নুপ্পজ্জতি তস্স তত্থ মগ্গসচ্চং নুপ্পজ্জিত্থাতি?

অভিসমেতাৱীনং চৱন্তানং পৱত্তে চিত্তস্স ভঙ্গক্খণে অৰূপে মগ্গস্স চ ফলস্স চ উপ্পাদক্খণে তেসং তত্থ দুক্খসচ্চং নুপ্পজ্জতি, নো চ তেসং তত্থ মগ্গসচ্চং নুপ্পজ্জিত্থ. সুদ্ধাৱাসানং উপপত্তিচিত্তস্স ভঙ্গক্খণে অনভিসমেতাৱীনং চৱন্তানং পৱত্তে চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ দুক্খসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৱা পন যত্থ মগ্গসচ্চং নুপ্পজ্জিত্থ তস্স তত্থ দুক্খসচ্চং নুপ্পজ্জতীতি?

সুদ্ধাৱাসানং উপপত্তিচিত্তস্স উপ্পাদক্খণে অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ মগ্গসচ্চং নুপ্পজ্জিত্থ, নো চ তেসং তত্থ দুক্খসচ্চং নুপ্পজ্জতি. সুদ্ধাৱাসানং উপপত্তিচিত্তস্স ভঙ্গক্খণে অনভিসমেতাৱীনং চৱন্তানং পৱত্তে চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ মগ্গসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জতি.

৬৭. (ক) যস্স যত্থ সমুদযসচ্চং নুপ্পজ্জতি তস্স তত্থ মগ্গসচ্চং নুপ্পজ্জিত্থাতি?

অভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে তেসং তত্থ সমুদযসচ্চং নুপ্পজ্জতি, নো চ তেসং তত্থ মগ্গসচ্চং নুপ্পজ্জিত্থ. সুদ্ধাৱাসানং দুতিযে চিত্তে ৱত্তমানে অনভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং তত্থ সমুদযসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৱা পন যত্থ মগ্গসচ্চং নুপ্পজ্জিত্থ তস্স তত্থ সমুদযসচ্চং নুপ্পজ্জতীতি?

অনভিসমেতাৱীনং তণ্হায উপ্পাদক্খণে তেসং তত্থ মগ্গসচ্চং নুপ্পজ্জিত্থ, নো চ তেসং তত্থ সমুদযসচ্চং নুপ্পজ্জতি. সুদ্ধাৱাসানং দুতিযে চিত্তে ৱত্তমানে অনভিসমেতাৱীনং তণ্হায ভঙ্গক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং তত্থ মগ্গসচ্চঞ্চ নুপ্পজ্জিত্থ সমুদযসচ্চঞ্চ নুপ্পজ্জতি.