(৬) অতীতানাগতৱাৰো

(ক) অনুলোমপুগ্গলো

১০৪. (ক) যস্স চক্খাযতনং উপ্পজ্জিত্থ তস্স সোতাযতনং উপ্পজ্জিস্সতীতি?

পচ্ছিমভৱিকানং যে চ অৰূপং উপপজ্জিত্ৱা পৰিনিব্বাযিস্সন্তি তেসং চক্খাযতনং উপ্পজ্জিত্থ, নো চ তেসং সোতাযতনং উপ্পজ্জিস্সতি. ইতৰেসং তেসং চক্খাযতনঞ্চ উপ্পজ্জিত্থ সোতাযতনঞ্চ উপ্পজ্জিস্সতি.

(খ) যস্স ৱা পন সোতাযতনং উপ্পজ্জিস্সতি তস্স চক্খাযতনং উপ্পজ্জিত্থাতি? আমন্তা.

(ক) যস্স চক্খাযতনং উপ্পজ্জিত্থ তস্স ঘানাযতনং উপ্পজ্জিস্সতীতি?

পচ্ছিমভৱিকানং যে চ ৰূপাৱচৰং অৰূপাৱচৰং উপপজ্জিত্ৱা পৰিনিব্বাযিস্সন্তি তেসং চক্খাযতনং উপ্পজ্জিত্থ, নো চ তেসং ঘানাযতনং উপ্পজ্জিস্সতি. ইতৰেসং তেসং চক্খাযতনঞ্চ উপ্পজ্জিত্থ ঘানাযতনঞ্চ উপ্পজ্জিস্সতি.

(খ) যস্স ৱা পন…পে… উপ্পজ্জিত্থাতি? আমন্তা.

(ক) যস্স চক্খাযতনং উপ্পজ্জিত্থ তস্স ৰূপাযতনং উপ্পজ্জিস্সতীতি?

পচ্ছিমভৱিকানং যে চ অৰূপং উপপজ্জিত্ৱা পৰিনিব্বাযিস্সন্তি তেসং চক্খাযতনং উপ্পজ্জিত্থ, নো চ তেসং ৰূপাযতনং উপ্পজ্জিস্সতি. ইতৰেসং তেসং চক্খাযতনঞ্চ উপ্পজ্জিত্থ ৰূপাযতনঞ্চ উপ্পজ্জিস্সতি.

(খ) যস্স ৱা পন…পে… উপ্পজ্জিত্থাতি? আমন্তা.

যস্স চক্খাযতনং উপ্পজ্জিত্থ তস্স মনাযতনং…পে… ধম্মাযতনং উপ্পজ্জিস্সতীতি?

পচ্ছিমভৱিকানং তেসং চক্খাযতনং উপ্পজ্জিত্থ, নো চ তেসং ধম্মাযতনং উপ্পজ্জিস্সতি. ইতৰেসং তেসং চক্খাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি. যস্স ৱা পন…পে… উপ্পজ্জিত্থাতি? আমন্তা. (চক্খাযতনমূলকং)

১০৫. (ক) যস্স ঘানাযতনং উপ্পজ্জিত্থ তস্স ৰূপাযতনং উপ্পজ্জিস্সতীতি?

পচ্ছিমভৱিকানং যে চ অৰূপং উপপজ্জিত্ৱা পৰিনিব্বাযিস্সন্তি তেসং ঘানাযতনং উপ্পজ্জিত্থ, নো চ তেসং ৰূপাযতনং উপ্পজ্জিস্সতি. ইতৰেসং তেসং ঘানাযতনঞ্চ উপ্পজ্জিত্থ ৰূপাযতনঞ্চ উপ্পজ্জিস্সতি.

(খ) যস্স ৱা পন…পে… উপ্পজ্জিত্থাতি? আমন্তা.

যস্স ঘানাযতনং উপ্পজ্জিত্থ তস্স মনাযতনং…পে… ধম্মাযতনং উপ্পজ্জিস্সতীতি?

পচ্ছিমভৱিকানং তেসং ঘানাযতনং উপ্পজ্জিত্থ, নো চ তেসং ধম্মাযতনং উপ্পজ্জিস্সতি. ইতৰেসং তেসং ঘানাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

যস্স ৱা পন ধম্মাযতনং…পে… উপ্পজ্জিত্থাতি? আমন্তা.

১০৬. যস্স ৰূপাযতনং উপ্পজ্জিত্থ তস্স মনাযতনং…পে… ধম্মাযতনং উপ্পজ্জিস্সতীতি?

পচ্ছিমভৱিকানং তেসং ৰূপাযতনং উপ্পজ্জিত্থ, নো চ তেসং ধম্মাযতনং উপ্পজ্জিস্সতি. ইতৰেসং তেসং ৰূপাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

যস্স ৱা পন…পে… উপ্পজ্জিত্থাতি? আমন্তা.

১০৭. (ক) যস্স মনাযতনং উপ্পজ্জিত্থ তস্স ধম্মাযতনং উপ্পজ্জিস্সতীতি?

পচ্ছিমভৱিকানং তেসং মনাযতনং উপ্পজ্জিত্থ, নো চ তেসং ধম্মাযতনং উপ্পজ্জিস্সতি. ইতৰেসং তেসং মনাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

(খ) যস্স ৱা পন ধম্মাযতনং উপ্পজ্জিস্সতি তস্স মনাযতনং উপ্পজ্জিত্থাতি? আমন্তা.

(খ) অনুলোমওকাসো

১০৮. যত্থ চক্খাযতনং উপ্পজ্জিত্থ…পে….

(গ) অনুলোমপুগ্গলোকাসা

১০৯. (ক) যস্স যত্থ চক্খাযতনং উপ্পজ্জিত্থ তস্স তত্থ সোতাযতনং উপ্পজ্জিস্সতীতি?

পঞ্চৱোকাৰে পচ্ছিমভৱিকানং তেসং তত্থ চক্খাযতনং উপ্পজ্জিত্থ, নো চ তেসং তত্থ সোতাযতনং উপ্পজ্জিস্সতি. ইতৰেসং পঞ্চৱোকাৰানং তেসং তত্থ চক্খাযতনঞ্চ উপ্পজ্জিত্থ সোতাযতনঞ্চ উপ্পজ্জিস্সতি.

(খ) যস্স ৱা পন যত্থ সোতাযতনং উপ্পজ্জিস্সতি তস্স তত্থ চক্খাযতনং উপ্পজ্জিত্থাতি? আমন্তা.

(ক) যস্স যত্থ চক্খাযতনং উপ্পজ্জিত্থ তস্স তত্থ ঘানাযতনং উপ্পজ্জিস্সতীতি?

কামাৱচৰে পচ্ছিমভৱিকানং ৰূপাৱচৰানং তেসং তত্থ চক্খাযতনং উপ্পজ্জিত্থ, নো চ তেসং তত্থ ঘানাযতনং উপ্পজ্জিস্সতি. ইতৰেসং কামাৱচৰানং তেসং তত্থ চক্খাযতনঞ্চ উপ্পজ্জিত্থ ঘানাযতনঞ্চ উপ্পজ্জিস্সতি.

(খ) যস্স ৱা পন যত্থ…পে… উপ্পজ্জিত্থাতি? আমন্তা.

(ক) যস্স যত্থ চক্খাযতনং উপ্পজ্জিত্থ তস্স তত্থ ৰূপাযতনং উপ্পজ্জিস্সতীতি?

পঞ্চৱোকাৰে পচ্ছিমভৱিকানং তেসং তত্থ চক্খাযতনং উপ্পজ্জিত্থ, নো চ তেসং তত্থ ৰূপাযতনং উপ্পজ্জিস্সতি. ইতৰেসং পঞ্চৱোকাৰানং তেসং তত্থ চক্খাযতনঞ্চ উপ্পজ্জিত্থ ৰূপাযতনঞ্চ উপ্পজ্জিস্সতি.

(খ) যস্স ৱা পন যত্থ ৰূপাযতনং উপ্পজ্জিস্সতি তস্স তত্থ চক্খাযতনং উপ্পজ্জিত্থাতি?

অসঞ্ঞসত্তানং তেসং তত্থ ৰূপাযতনং উপ্পজ্জিস্সতি, নো চ তেসং তত্থ চক্খাযতনং উপ্পজ্জিত্থ. পঞ্চৱোকাৰানং তেসং তত্থ ৰূপাযতনঞ্চ উপ্পজ্জিস্সতি চক্খাযতনঞ্চ উপ্পজ্জিত্থ.

(ক) যস্স যত্থ চক্খাযতনং উপ্পজ্জিত্থ তস্স তত্থ মনাযতনং উপ্পজ্জিস্সতীতি?

পঞ্চৱোকাৰে পচ্ছিমভৱিকানং তেসং তত্থ চক্খাযতনং উপ্পজ্জিত্থ, নো চ তেসং তত্থ মনাযতনং উপ্পজ্জিস্সতি. ইতৰেসং পঞ্চৱোকাৰানং তেসং তত্থ চক্খাযতনঞ্চ উপ্পজ্জিত্থ মনাযতনঞ্চ উপ্পজ্জিস্সতি.

(খ) যস্স ৱা পন যত্থ মনাযতনং উপ্পজ্জিস্সতি তস্স তত্থ চক্খাযতনং উপ্পজ্জিত্থাতি?

অৰূপানং তেসং তত্থ মনাযতনং উপ্পজ্জিস্সতি, নো চ তেসং তত্থ চক্খাযতনং উপ্পজ্জিত্থ. পঞ্চৱোকাৰানং তেসং তত্থ মনাযতনঞ্চ উপ্পজ্জিস্সতি চক্খাযতনঞ্চ উপ্পজ্জিত্থ.

(ক) যস্স যত্থ চক্খাযতনং উপ্পজ্জিত্থ তস্স তত্থ ধম্মাযতনং উপ্পজ্জিস্সতীতি?

পঞ্চৱোকাৰে পচ্ছিমভৱিকানং তেসং তত্থ চক্খাযতনং উপ্পজ্জিত্থ, নো চ তেসং তত্থ ধম্মাযতনং উপ্পজ্জিস্সতি. ইতৰেসং পঞ্চৱোকাৰানং তেসং তত্থ চক্খাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

(খ) যস্স ৱা পন যত্থ ধম্মাযতনং উপ্পজ্জিস্সতি তস্স তত্থ চক্খাযতনং উপ্পজ্জিত্থাতি?

অসঞ্ঞসত্তানং অৰূপানং তেসং তত্থ ধম্মাযতনং উপ্পজ্জিস্সতি, নো চ তেসং তত্থ চক্খাযতনং উপ্পজ্জিত্থ. পঞ্চৱোকাৰানং তেসং তত্থ ধম্মাযতনঞ্চ উপ্পজ্জিস্সতি চক্খাযতনঞ্চ উপ্পজ্জিত্থ. (চক্খাযতনমূলকং)

১১০. (ক) যস্স যত্থ ঘানাযতনং উপ্পজ্জিত্থ তস্স তত্থ ৰূপাযতনং উপ্পজ্জিস্সতীতি?

কামাৱচৰে পচ্ছিমভৱিকানং তেসং তত্থ ঘানাযতনং উপ্পজ্জিত্থ, নো চ তেসং তত্থ ৰূপাযতনং উপ্পজ্জিস্সতি. ইতৰেসং কামাৱচৰানং তেসং তত্থ ঘানাযতনঞ্চ উপ্পজ্জিত্থ ৰূপাযতনঞ্চ উপ্পজ্জিস্সতি.

(খ) যস্স ৱা পন যত্থ ৰূপাযতনং উপ্পজ্জিস্সতি তস্স তত্থ ঘানাযতনং উপ্পজ্জিত্থাতি?

ৰূপাৱচৰানং তেসং তত্থ ৰূপাযতনং উপ্পজ্জিস্সতি, নো চ তেসং তত্থ ঘানাযতনং উপ্পজ্জিত্থ. কামাৱচৰানং তেসং তত্থ ৰূপাযতনঞ্চ উপ্পজ্জিস্সতি ঘানাযতনঞ্চ উপ্পজ্জিত্থ.

যস্স যত্থ ঘানাযতনং উপ্পজ্জিত্থ তস্স তত্থ মনাযতনং…পে… ধম্মাযতনং উপ্পজ্জিস্সতীতি?

কামাৱচৰে পচ্ছিমভৱিকানং তেসং তত্থ ঘানাযতনং উপ্পজ্জিত্থ, নো চ তেসং তত্থ ধম্মাযতনং উপ্পজ্জিস্সতি. ইতৰেসং কামাৱচৰানং তেসং তত্থ ঘানাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

যস্স ৱা পন যত্থ ধম্মাযতনং উপ্পজ্জিস্সতি তস্স তত্থ ঘানাযতনং উপ্পজ্জিত্থাতি?

ৰূপাৱচৰানং অৰূপাৱচৰানং তেসং তত্থ ধম্মাযতনং উপ্পজ্জিস্সতি, নো চ তেসং তত্থ ঘানাযতনং উপ্পজ্জিত্থ. কামাৱচৰানং তেসং তত্থ ধম্মাযতনঞ্চ উপ্পজ্জিস্সতি ঘানাযতনঞ্চ উপ্পজ্জিত্থ. (ঘানাযতনমূলকং)

১১১. (ক) যস্স যত্থ ৰূপাযতনং উপ্পজ্জিত্থ তস্স তত্থ মনাযতনং উপ্পজ্জিস্সতীতি?

পঞ্চৱোকাৰে পচ্ছিমভৱিকানং অসঞ্ঞসত্তানং তেসং তত্থ ৰূপাযতনং উপ্পজ্জিত্থ, নো চ তেসং তত্থ মনাযতনং উপ্পজ্জিস্সতি. ইতৰেসং পঞ্চৱোকাৰানং তেসং তত্থ ৰূপাযতনঞ্চ উপ্পজ্জিত্থ মনাযতনঞ্চ উপ্পজ্জিস্সতি.

(খ) যস্স ৱা পন যত্থ মনাযতনং উপ্পজ্জিস্সতি তস্স তত্থ ৰূপাযতনং উপ্পজ্জিত্থাতি?

অৰূপানং তেসং তত্থ মনাযতনং উপ্পজ্জিস্সতি, নো চ তেসং তত্থ ৰূপাযতনং উপ্পজ্জিত্থ. পঞ্চৱোকাৰানং তেসং তত্থ মনাযতনঞ্চ উপ্পজ্জিস্সতি ৰূপাযতনঞ্চ উপ্পজ্জিত্থ.

(ক) যস্স যত্থ ৰূপাযতনং উপ্পজ্জিত্থ তস্স তত্থ ধম্মাযতনং উপ্পজ্জিস্সতীতি?

পঞ্চৱোকাৰে পচ্ছিমভৱিকানং তেসং তত্থ ৰূপাযতনং উপ্পজ্জিত্থ, নো চ তেসং তত্থ ধম্মাযতনং উপ্পজ্জিস্সতি. ইতৰেসং পঞ্চৱোকাৰানং অসঞ্ঞসত্তানং তেসং তত্থ ৰূপাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

(খ) যস্স ৱা পন যত্থ ধম্মাযতনং উপ্পজ্জিস্সতি তস্স তত্থ ৰূপাযতনং উপ্পজ্জিত্থাতি?

অৰূপানং তেসং তত্থ ধম্মাযতনং উপ্পজ্জিস্সতি, নো চ তেসং তত্থ ৰূপাযতনং উপ্পজ্জিত্থ. পঞ্চৱোকাৰানং অসঞ্ঞসত্তানং তেসং তত্থ ধম্মাযতনঞ্চ উপ্পজ্জিস্সতি ৰূপাযতনঞ্চ উপ্পজ্জিত্থ. (ৰূপাযতনমূলকং)

১১২. (ক) যস্স যত্থ মনাযতনং উপ্পজ্জিত্থ তস্স তত্থ ধম্মাযতনং উপ্পজ্জিস্সতীতি?

পচ্ছিমভৱিকানং তেসং তত্থ মনাযতনং উপ্পজ্জিত্থ, নো চ তেসং তত্থ ধম্মাযতনং উপ্পজ্জিস্সতি. ইতৰেসং চতুৱোকাৰানং পঞ্চৱোকাৰানং তেসং তত্থ মনাযতনঞ্চ উপ্পজ্জিত্থ ধম্মাযতনঞ্চ উপ্পজ্জিস্সতি.

(খ) যস্স ৱা পন যত্থ ধম্মাযতনং উপ্পজ্জিস্সতি তস্স তত্থ মনাযতনং উপ্পজ্জিত্থাতি?

অসঞ্ঞসত্তানং তেসং তত্থ ধম্মাযতনং উপ্পজ্জিস্সতি, নো চ তেসং তত্থ মনাযতনং উপ্পজ্জিত্থ. চতুৱোকাৰানং পঞ্চৱোকাৰানং তেসং তত্থ ধম্মাযতনঞ্চ উপ্পজ্জিস্সতি মনাযতনঞ্চ উপ্পজ্জিত্থ. (মনাযতনমূলকং)

(ঘ) পচ্চনীকপুগ্গলো

১১৩. (ক) যস্স চক্খাযতনং নুপ্পজ্জিত্থ তস্স সোতাযতনং নুপ্পজ্জিস্সতীতি? নত্থি.

(খ) যস্স ৱা পন সোতাযতনং নুপ্পজ্জিস্সতি তস্স চক্খাযতনং নুপ্পজ্জিত্থাতি? উপ্পজ্জিত্থ.

যস্স চক্খাযতনং নুপ্পজ্জিত্থ তস্স ঘানাযতনং…পে… ৰূপাযতনং… মনাযতনং… ধম্মাযতনং নুপ্পজ্জিস্সতীতি? নত্থি.

যস্স ৱা পন ধম্মাযতনং নুপ্পজ্জিস্সতি তস্স চক্খাযতনং নুপ্পজ্জিত্থাতি? উপ্পজ্জিত্থ.

১১৪. যস্স ঘানাযতনং…পে… ৰূপাযতনং… মনাযতনং নুপ্পজ্জিত্থ তস্স ধম্মাযতনং নুপ্পজ্জিস্সতীতি? নত্থি. যস্স ৱা পন ধম্মাযতনং নুপ্পজ্জিস্সতি তস্স মনাযতনং নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

১১৫. যত্থ চক্খাযতনং নুপ্পজ্জিত্থ…পে….

(চ) পচ্চনীকপুগ্গলোকাসা

১১৬. (ক) যস্স যত্থ চক্খাযতনং নুপ্পজ্জিত্থ তস্স তত্থ সোতাযতনং নুপ্পজ্জিস্সতীতি? আমন্তা.

(খ) যস্স ৱা পন যত্থ সোতাযতনং নুপ্পজ্জিস্সতি তস্স তত্থ চক্খাযতনং নুপ্পজ্জিত্থাতি?

পঞ্চৱোকাৰে পচ্ছিমভৱিকানং তেসং তত্থ সোতাযতনং নুপ্পজ্জিস্সতি, নো চ তেসং তত্থ চক্খাযতনং নুপ্পজ্জিত্থ. সুদ্ধাৱাসানং অসঞ্ঞসত্তানং অৰূপানং তেসং তত্থ সোতাযতনঞ্চ নুপ্পজ্জিস্সতি চক্খাযতনঞ্চ নুপ্পজ্জিত্থ.

(ক) যস্স যত্থ চক্খাযতনং নুপ্পজ্জিত্থ তস্স তত্থ ঘানাযতনং নুপ্পজ্জিস্সতীতি? আমন্তা.

(খ) যস্স ৱা পন যত্থ ঘানাযতনং নুপ্পজ্জিস্সতি তস্স তত্থ চক্খাযতনং নুপ্পজ্জিত্থাতি?

কামাৱচৰে পচ্ছিমভৱিকানং ৰূপাৱচৰানং তেসং তত্থ ঘানাযতনং নুপ্পজ্জিস্সতি, নো চ তেসং তত্থ চক্খাযতনং নুপ্পজ্জিত্থ. সুদ্ধাৱাসানং অসঞ্ঞসত্তানং অৰূপানং তেসং তত্থ ঘানাযতনঞ্চ নুপ্পজ্জিস্সতি চক্খাযতনঞ্চ নুপ্পজ্জিত্থ.

(ক) যস্স যত্থ চক্খাযতনং নুপ্পজ্জিত্থ তস্স তত্থ ৰূপাযতনং নুপ্পজ্জিস্সতীতি?

অসঞ্ঞসত্তানং তেসং তত্থ চক্খাযতনং নুপ্পজ্জিত্থ, নো চ তেসং তত্থ ৰূপাযতনং নুপ্পজ্জিস্সতি. সুদ্ধাৱাসানং অৰূপানং তেসং তত্থ চক্খাযতনঞ্চ নুপ্পজ্জিত্থ ৰূপাযতনঞ্চ নুপ্পজ্জিস্সতি.

(খ) যস্স ৱা পন যত্থ ৰূপাযতনং নুপ্পজ্জিস্সতি তস্স তত্থ চক্খাযতনং নুপ্পজ্জিত্থাতি?

পঞ্চৱোকাৰে পচ্ছিমভৱিকানং তেসং তত্থ ৰূপাযতনং নুপ্পজ্জিস্সতি, নো চ তেসং তত্থ চক্খাযতনং নুপ্পজ্জিত্থ. সুদ্ধাৱাসানং অৰূপানং তেসং তত্থ ৰূপাযতনঞ্চ নুপ্পজ্জিস্সতি চক্খাযতনঞ্চ নুপ্পজ্জিত্থ.

(ক) যস্স যত্থ চক্খাযতনং নুপ্পজ্জিত্থ তস্স তত্থ মনাযতনং নুপ্পজ্জিস্সতীতি?

অৰূপানং তেসং তত্থ চক্খাযতনং নুপ্পজ্জিত্থ, নো চ তেসং তত্থ মনাযতনং নুপ্পজ্জিস্সতি. সুদ্ধাৱাসানং অৰূপে পচ্ছিমভৱিকানং অসঞ্ঞসত্তানং তেসং তত্থ চক্খাযতনঞ্চ নুপ্পজ্জিত্থ মনাযতনঞ্চ নুপ্পজ্জিস্সতি.

(খ) যস্স ৱা পন যত্থ মনাযতনং নুপ্পজ্জিস্সতি তস্স তত্থ চক্খাযতনং নুপ্পজ্জিত্থাতি?

পঞ্চৱোকাৰে পচ্ছিমভৱিকানং তেসং তত্থ মনাযতনং নুপ্পজ্জিস্সতি, নো চ তেসং তত্থ চক্খাযতনং নুপ্পজ্জিত্থ. সুদ্ধাৱাসানং অৰূপে পচ্ছিমভৱিকানং অসঞ্ঞসত্তানং তেসং তত্থ মনাযতনঞ্চ নুপ্পজ্জিস্সতি চক্খাযতনঞ্চ নুপ্পজ্জিত্থ.

(ক) যস্স যত্থ চক্খাযতনং নুপ্পজ্জিত্থ তস্স তত্থ ধম্মাযতনং নুপ্পজ্জিস্সতীতি?

অসঞ্ঞসত্তানং অৰূপানং তেসং তত্থ চক্খাযতনং নুপ্পজ্জিত্থ, নো চ তেসং তত্থ ধম্মাযতনং নুপ্পজ্জিস্সতি. সুদ্ধাৱাসানং অৰূপে পচ্ছিমভৱিকানং তেসং তত্থ চক্খাযতনঞ্চ নুপ্পজ্জিত্থ ধম্মাযতনং নুপ্পজ্জিস্সতি.

(খ) যস্স ৱা পন যত্থ ধম্মাযতনং নুপ্পজ্জিস্সতি তস্স তত্থ চক্খাযতনং নুপ্পজ্জিত্থাতি?

পঞ্চৱোকাৰে পচ্ছিমভৱিকানং তেসং তত্থ ধম্মাযতনং নুপ্পজ্জিস্সতি, নো চ তেসং তত্থ চক্খাযতনং নুপ্পজ্জিত্থ. সুদ্ধাৱাসানং অৰূপে পচ্ছিমভৱিকানং তেসং তত্থ ধম্মাযতনঞ্চ নুপ্পজ্জিস্সতি চক্খাযতনঞ্চ নুপ্পজ্জিত্থ. (চক্খাযতনমূলকং)

১১৭. (ক) যস্স যত্থ ঘানাযতনং নুপ্পজ্জিত্থ তস্স তত্থ ৰূপাযতনং নুপ্পজ্জিস্সতীতি?

ৰূপাৱচৰানং তেসং তত্থ ঘানাযতনং নুপ্পজ্জিত্থ, নো চ তেসং তত্থ ৰূপাযতনং নুপ্পজ্জিস্সতি. ৰূপাৱচৰে পচ্ছিমভৱিকানং অৰূপানং তেসং তত্থ ঘানাযতনঞ্চ নুপ্পজ্জিত্থ ৰূপাযতনঞ্চ নুপ্পজ্জিস্সতি.

(খ) যস্স ৱা পন যত্থ ৰূপাযতনং নুপ্পজ্জিস্সতি তস্স তত্থ ঘানাযতনং নুপ্পজ্জিত্থাতি?

কামাৱচৰে পচ্ছিমভৱিকানং তেসং তত্থ ৰূপাযতনং নুপ্পজ্জিস্সতি, নো চ তেসং তত্থ ঘানাযতনং নুপ্পজ্জিত্থ. ৰূপাৱচৰে পচ্ছিমভৱিকানং অৰূপানং তেসং তত্থ ৰূপাযতনঞ্চ নুপ্পজ্জিস্সতি ঘানাযতনঞ্চ নুপ্পজ্জিত্থ.

(ক) যস্স যত্থ ঘানাযতনং নুপ্পজ্জিত্থ তস্স তত্থ মনাযতনং নুপ্পজ্জিস্সতীতি?

ৰূপাৱচৰানং অৰূপাৱচৰানং তেসং তত্থ ঘানাযতনং নুপ্পজ্জিত্থ, নো চ তেসং তত্থ মনাযতনং নুপ্পজ্জিস্সতি. ৰূপাৱচৰে অৰূপাৱচৰে পচ্ছিমভৱিকানং অসঞ্ঞসত্তানং তেসং তত্থ ঘানাযতনঞ্চ নুপ্পজ্জিত্থ মনাযতনঞ্চ নুপ্পজ্জিস্সতি.

(খ) যস্স ৱা পন যত্থ মনাযতনং নুপ্পজ্জিস্সতি তস্স তত্থ ঘানাযতনং নুপ্পজ্জিত্থাতি?

কামাৱচৰে পচ্ছিমভৱিকানং তেসং তত্থ মনাযতনং নুপ্পজ্জিস্সতি, নো চ তেসং তত্থ ঘানাযতনং নুপ্পজ্জিত্থ. ৰূপাৱচৰে অৰূপাৱচৰে পচ্ছিমভৱিকানং অসঞ্ঞসত্তানং তেসং তত্থ মনাযতনঞ্চ নুপ্পজ্জিস্সতি ঘানাযতনঞ্চ নুপ্পজ্জিত্থ.

(ক) যস্স যত্থ ঘানাযতনং নুপ্পজ্জিত্থ তস্স তত্থ ধম্মাযতনং নুপ্পজ্জিস্সতীতি?

ৰূপাৱচৰানং অৰূপাৱচৰানং তেসং তত্থ ঘানাযতনং নুপ্পজ্জিত্থ, নো চ তেসং তত্থ ধম্মাযতনং নুপ্পজ্জিস্সতি. ৰূপাৱচৰে অৰূপাৱচৰে পচ্ছিমভৱিকানং তেসং তত্থ ঘানাযতনঞ্চ নুপ্পজ্জিত্থ ধম্মাযতনঞ্চ নুপ্পজ্জিস্সতি.

(খ) যস্স ৱা পন যত্থ ধম্মাযতনং নুপ্পজ্জিস্সতি তস্স তত্থ ঘানাযতনং নুপ্পজ্জিত্থাতি?

কামাৱচৰে পচ্ছিমভৱিকানং তেসং তত্থ ধম্মাযতনং নুপ্পজ্জিস্সতি, নো চ তেসং তত্থ ঘানাযতনং নুপ্পজ্জিত্থ. ৰূপাৱচৰে অৰূপাৱচৰে পচ্ছিমভৱিকানং তেসং তত্থ ধম্মাযতনঞ্চ নুপ্পজ্জিস্সতি ঘানাযতনঞ্চ নুপ্পজ্জিত্থ. (ঘানাযতনমূলকং)

১১৮. (ক) যস্স যত্থ ৰূপাযতনং নুপ্পজ্জিত্থ তস্স তত্থ মনাযতনং নুপ্পজ্জিস্সতীতি?

অৰূপানং তেসং তত্থ ৰূপাযতনং নুপ্পজ্জিত্থ, নো চ তেসং তত্থ মনাযতনং নুপ্পজ্জিস্সতি. সুদ্ধাৱাসানং অৰূপে পচ্ছিমভৱিকানং তেসং তত্থ ৰূপাযতনঞ্চ নুপ্পজ্জিত্থ মনাযতনঞ্চ নুপ্পজ্জিস্সতি.

(খ) যস্স ৱা পন যত্থ মনাযতনং নুপ্পজ্জিস্সতি তস্স তত্থ ৰূপাযতনং নুপ্পজ্জিত্থাতি?

পঞ্চৱোকাৰে পচ্ছিমভৱিকানং অসঞ্ঞসত্তানং তেসং তত্থ মনাযতনং নুপ্পজ্জিস্সতি, নো চ তেসং তত্থ ৰূপাযতনং নুপ্পজ্জিত্থ. সুদ্ধাৱাসানং অৰূপে পচ্ছিমভৱিকানং তেসং তত্থ মনাযতনঞ্চ নুপ্পজ্জিস্সতি ৰূপাযতনঞ্চ নুপ্পজ্জিত্থ.

(ক) যস্স =৯৩ যত্থ ৰূপাযতনং নুপ্পজ্জিত্থ তস্স তত্থ ধম্মাযতনং নুপ্পজ্জিস্সতীতি?

অৰূপানং তেসং তত্থ ৰূপাযতনং নুপ্পজ্জিত্থ, নো চ তেসং তত্থ ধম্মাযতনং নুপ্পজ্জিস্সতি. সুদ্ধাৱাসানং অৰূপে পচ্ছিমভৱিকানং তেসং তত্থ ৰূপাযতনঞ্চ নুপ্পজ্জিত্থ ধম্মাযতনঞ্চ নুপ্পজ্জিস্সতি.

(খ) যস্স ৱা পন যত্থ ধম্মাযতনং নুপ্পজ্জিস্সতি তস্স তত্থ ৰূপাযতনং নুপ্পজ্জিত্থাতি?

পঞ্চৱোকাৰে পচ্ছিমভৱিকানং তেসং তত্থ ধম্মাযতনং নুপ্পজ্জিস্সতি, নো চ তেসং তত্থ ৰূপাযতনং নুপ্পজ্জিত্থ. সুদ্ধাৱাসানং অৰূপে পচ্ছিমভৱিকানং তেসং তত্থ ধম্মাযতনঞ্চ নুপ্পজ্জিস্সতি ৰূপাযতনঞ্চ নুপ্পজ্জিত্থ. (ৰূপাযতনমূলকং)

১১৯. (ক) যস্স যত্থ মনাযতনং নুপ্পজ্জিত্থ তস্স তত্থ ধম্মাযতনং নুপ্পজ্জিস্সতীতি?

অসঞ্ঞসত্তানং তেসং তত্থ মনাযতনং নুপ্পজ্জিত্থ, নো চ তেসং তত্থ ধম্মাযতনং নুপ্পজ্জিস্সতি. সুদ্ধাৱাসানং তেসং তত্থ মনাযতনঞ্চ নুপ্পজ্জিত্থ ধম্মাযতনঞ্চ নুপ্পজ্জিস্সতি.

(খ) যস্স ৱা পন যত্থ ধম্মাযতনং নুপ্পজ্জিস্সতি তস্স তত্থ মনাযতনং নুপ্পজ্জিত্থাতি?

পচ্ছিমভৱিকানং তেসং তত্থ ধম্মাযতনং নুপ্পজ্জিস্সতি, নো চ তেসং তত্থ মনাযতনং নুপ্পজ্জিত্থ. সুদ্ধাৱাসানং তেসং তত্থ ধম্মাযতনঞ্চ নুপ্পজ্জিস্সতি মনাযতনঞ্চ নুপ্পজ্জিত্থ.

উপ্পাদৱাৰো.