(৬) অতীতানাগতৱাৰো

(ক) অনুলোমপুগ্গলো

১৯৬. (ক) যস্স ৰূপক্খন্ধো উপ্পজ্জিত্থ তস্স ৱেদনাক্খন্ধো নিৰুজ্ঝিস্সতীতি?

পৰিনিব্বন্তানং তেসং ৰূপক্খন্ধো উপ্পজ্জিত্থ, নো চ তেসং ৱেদনাক্খন্ধো নিৰুজ্ঝিস্সতি. ইতৰেসং তেসং ৰূপক্খন্ধো চ উপ্পজ্জিত্থ ৱেদনাক্খন্ধো চ নিৰুজ্ঝিস্সতি.

(খ) যস্স ৱা পন ৱেদনাক্খন্ধো নিৰুজ্ঝিস্সতি তস্স ৰূপক্খন্ধো উপ্পজ্জিত্থাতি? আমন্তা.

১৯৭. (ক) যস্স ৱেদনাক্খন্ধো উপ্পজ্জিত্থ তস্স সঞ্ঞাক্খন্ধো নিৰুজ্ঝিস্সতীতি?

পৰিনিব্বন্তানং তেসং ৱেদনাক্খন্ধো উপ্পজ্জিত্থ, নো চ তেসং সঞ্ঞাক্খন্ধো নিৰুজ্ঝিস্সতি. ইতৰেসং তেসং ৱেদনাক্খন্ধো চ উপ্পজ্জিত্থ সঞ্ঞাক্খন্ধো চ নিৰুজ্ঝিস্সতি.

(খ) যস্স ৱা পন সঞ্ঞাক্খন্ধো নিৰুজ্ঝিস্সতি তস্স ৱেদনাক্খন্ধো উপ্পজ্জিত্থাতি? আমন্তা.

(খ) অনুলোমওকাসো

১৯৮. যত্থ ৰূপক্খন্ধো উপ্পজ্জিত্থ…পে….

(গ) অনুলোমপুগ্গলোকাসা

১৯৯. (ক) যস্স যত্থ ৰূপক্খন্ধো উপ্পজ্জিত্থ তস্স তত্থ ৱেদনাক্খন্ধো নিৰুজ্ঝিস্সতীতি?

পঞ্চৱোকাৰে পৰিনিব্বন্তানং অসঞ্ঞসত্তানং তেসং তত্থ ৰূপক্খন্ধো উপ্পজ্জিত্থ, নো চ তেসং তত্থ ৱেদনাক্খন্ধো নিৰুজ্ঝিস্সতি. ইতৰেসং পঞ্চৱোকাৰানং তেসং তত্থ ৰূপক্খন্ধো চ উপ্পজ্জিত্থ ৱেদনাক্খন্ধো চ নিৰুজ্ঝিস্সতি.

(খ) যস্স ৱা পন যত্থ ৱেদনাক্খন্ধো নিৰুজ্ঝিস্সতি তস্স তত্থ ৰূপক্খন্ধো উপ্পজ্জিত্থাতি?

সুদ্ধাৱাসং উপপজ্জন্তানং অৰূপানং তেসং তত্থ ৱেদনাক্খন্ধো নিৰুজ্ঝিস্সতি, নো চ তেসং তত্থ ৰূপক্খন্ধো উপ্পজ্জিত্থ. ইতৰেসং পঞ্চৱোকাৰানং তেসং তত্থ ৱেদনাক্খন্ধো চ নিৰুজ্ঝিস্সতি ৰূপক্খন্ধো চ উপ্পজ্জিত্থ.

২০০. (ক) যস্স যত্থ ৱেদনাক্খন্ধো উপ্পজ্জিত্থ তস্স তত্থ সঞ্ঞাক্খন্ধো নিৰুজ্ঝিস্সতীতি?

পৰিনিব্বন্তানং তেসং তত্থ ৱেদনাক্খন্ধো উপ্পজ্জিত্থ, নো চ তেসং তত্থ সঞ্ঞাক্খন্ধো নিৰুজ্ঝিস্সতি. ইতৰেসং চতুৱোকাৰানং পঞ্চৱোকাৰানং তেসং তত্থ ৱেদনাক্খন্ধো চ উপ্পজ্জিত্থ সঞ্ঞাক্খন্ধো চ নিৰুজ্ঝিস্সতি.

(খ) যস্স ৱা পন যত্থ সঞ্ঞাক্খন্ধো নিৰুজ্ঝিস্সতি তস্স তত্থ ৱেদনাক্খন্ধো উপ্পজ্জিত্থাতি?

সুদ্ধাৱাসং উপপজ্জন্তানং তেসং তত্থ সঞ্ঞাক্খন্ধো নিৰুজ্ঝিস্সতি, নো চ তেসং তত্থ ৱেদনাক্খন্ধো উপ্পজ্জিত্থ. ইতৰেসং চতুৱোকাৰানং পঞ্চৱোকাৰানং তেসং তত্থ সঞ্ঞাক্খন্ধো চ নিৰুজ্ঝিস্সতি ৱেদনাক্খন্ধো চ উপ্পজ্জিত্থ.

(ঘ) পচ্চনীকপুগ্গলো

২০১. (ক) যস্স ৰূপক্খন্ধো নুপ্পজ্জিত্থ তস্স ৱেদনাক্খন্ধো ন নিৰুজ্ঝিস্সতীতি? নত্থি.

(খ) যস্স ৱা পন ৱেদনাক্খন্ধো ন নিৰুজ্ঝিস্সতি তস্স ৰূপক্খন্ধো নুপ্পজ্জিত্থাতি? উপ্পজ্জিত্থ.

২০২. (ক) যস্স ৱেদনাক্খন্ধো নুপ্পজ্জিত্থ তস্স সঞ্ঞাক্খন্ধো ন নিৰুজ্ঝিস্সতীতি? নত্থি.

(খ) যস্স ৱা পন সঞ্ঞাক্খন্ধো ন নিৰুজ্ঝিস্সতি তস্স ৱেদনাক্খন্ধো নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

২০৩. যত্থ ৰূপক্খন্ধো নুপ্পজ্জিত্থ…পে….

(চ) পচ্চনীকপুগ্গলোকাসা

২০৪. (ক) যস্স যত্থ ৰূপক্খন্ধো নুপ্পজ্জিত্থ তস্স তত্থ ৱেদনাক্খন্ধো ন নিৰুজ্ঝিস্সতীতি?

সুদ্ধাৱাসং উপপজ্জন্তানং অৰূপানং তেসং তত্থ ৰূপক্খন্ধো নুপ্পজ্জিত্থ, নো চ তেসং তত্থ ৱেদনাক্খন্ধো ন নিৰুজ্ঝিস্সতি. সুদ্ধাৱাসে পৰিনিব্বন্তানং অৰূপে পৰিনিব্বন্তানং তেসং তত্থ ৰূপক্খন্ধো চ নুপ্পজ্জিত্থ ৱেদনাক্খন্ধো চ ন নিৰুজ্ঝিস্সতি.

(খ) যস্স ৱা পন যত্থ ৱেদনাক্খন্ধো ন নিৰুজ্ঝিস্সতি তস্স তত্থ ৰূপক্খন্ধো নুপ্পজ্জিত্থাতি?

পঞ্চৱোকাৰে পৰিনিব্বন্তানং অসঞ্ঞসত্তানং তেসং তত্থ ৱেদনাক্খন্ধো ন নিৰুজ্ঝিস্সতি, নো চ তেসং তত্থ ৰূপক্খন্ধো নুপ্পজ্জিত্থ. সুদ্ধাৱাসে পৰিনিব্বন্তানং অৰূপে পৰিনিব্বন্তানং তেসং তত্থ ৱেদনাক্খন্ধো চ ন নিৰুজ্ঝিস্সতি ৰূপক্খন্ধো চ নুপ্পজ্জিত্থ.

২০৫. (ক) যস্স যত্থ ৱেদনাক্খন্ধো নুপ্পজ্জিত্থ তস্স তত্থ সঞ্ঞাক্খন্ধো ন নিৰুজ্ঝিস্সতীতি?

সুদ্ধাৱাসং উপপজ্জন্তানং তেসং তত্থ ৱেদনাক্খন্ধো নুপ্পজ্জিত্থ, নো চ তেসং তত্থ সঞ্ঞাক্খন্ধো ন নিৰুজ্ঝিস্সতি. সুদ্ধাৱাসে পৰিনিব্বন্তানং অসঞ্ঞসত্তানং তেসং তত্থ ৱেদনাক্খন্ধো চ নুপ্পজ্জিত্থ সঞ্ঞাক্খন্ধো চ ন নিৰুজ্ঝিস্সতি.

(খ) যস্স ৱা পন যত্থ সঞ্ঞাক্খন্ধো ন নিৰুজ্ঝিস্সতি তস্স তত্থ ৱেদনাক্খন্ধো নুপ্পজ্জিত্থাতি?

পৰিনিব্বন্তানং তেসং তত্থ সঞ্ঞাক্খন্ধো ন নিৰুজ্ঝিস্সতি, নো চ তেসং তত্থ ৱেদনাক্খন্ধো নুপ্পজ্জিত্থ. সুদ্ধাৱাসে পৰিনিব্বন্তানং অসঞ্ঞসত্তানং তেসং তত্থ সঞ্ঞাক্খন্ধো চ ন নিৰুজ্ঝিস্সতি ৱেদনাক্খন্ধো চ নুপ্পজ্জিত্থ.

উপ্পাদনিৰোধৱাৰো.

পৱত্তিৱাৰো নিট্ঠিতো.