(১) পচ্চুপ্পন্নৱাৰো

(ক) অনুলোমপুগ্গলো

১০৪. (ক) যস্স ৰূপক্খন্ধো নিৰুজ্ঝতি তস্স ৱেদনাক্খন্ধো নিৰুজ্ঝতীতি?

অসঞ্ঞসত্তা চৱন্তানং তেসং ৰূপক্খন্ধো নিৰুজ্ঝতি, নো চ তেসং ৱেদনাক্খন্ধো নিৰুজ্ঝতি. পঞ্চৱোকাৰা চৱন্তানং তেসং ৰূপক্খন্ধো চ নিৰুজ্ঝতি ৱেদনাক্খন্ধো চ নিৰুজ্ঝতি.

(খ) যস্স ৱা পন ৱেদনাক্খন্ধো নিৰুজ্ঝতি তস্স ৰূপক্খন্ধো নিৰুজ্ঝতীতি?

অৰূপা চৱন্তানং তেসং ৱেদনাক্খন্ধো নিৰুজ্ঝতি, নো চ তেসং ৰূপক্খন্ধো নিৰুজ্ঝতি. পঞ্চৱোকাৰা চৱন্তানং তেসং ৱেদনাক্খন্ধো চ নিৰুজ্ঝতি ৰূপক্খন্ধো চ নিৰুজ্ঝতি.

(খ) অনুলোমওকাসো

১০৫. (ক) যত্থ ৰূপক্খন্ধো নিৰুজ্ঝতি তত্থ ৱেদনাক্খন্ধো নিৰুজ্ঝতীতি?

অসঞ্ঞসত্তে তত্থ ৰূপক্খন্ধো নিৰুজ্ঝতি, নো চ তত্থ ৱেদনাক্খন্ধো নিৰুজ্ঝতি. পঞ্চৱোকাৰে তত্থ ৰূপক্খন্ধো চ নিৰুজ্ঝতি ৱেদনাক্খন্ধো চ নিৰুজ্ঝতি.

(খ) যত্থ ৱা পন ৱেদনাক্খন্ধো নিৰুজ্ঝতি তত্থ ৰূপক্খন্ধো নিৰুজ্ঝতীতি?

অৰূপে তত্থ ৱেদনাক্খন্ধো নিৰুজ্ঝতি, নো চ তত্থ ৰূপক্খন্ধো নিৰুজ্ঝতি. পঞ্চৱোকাৰে তত্থ ৱেদনাক্খন্ধো চ নিৰুজ্ঝতি ৰূপক্খন্ধো চ নিৰুজ্ঝতি.

(গ) অনুলোমপুগ্গলোকাসা

১০৬. (ক) যস্স যত্থ ৰূপক্খন্ধো নিৰুজ্ঝতি তস্স তত্থ ৱেদনাক্খন্ধো নিৰুজ্ঝতীতি?

অসঞ্ঞসত্তা চৱন্তানং তেসং তত্থ ৰূপক্খন্ধো নিৰুজ্ঝতি, নো চ তেসং তত্থ ৱেদনাক্খন্ধো নিৰুজ্ঝতি. পঞ্চৱোকাৰা চৱন্তানং তেসং তত্থ ৰূপক্খন্ধো চ নিৰুজ্ঝতি ৱেদনাক্খন্ধো চ নিৰুজ্ঝতি.

(খ) যস্স ৱা পন যত্থ ৱেদনাক্খন্ধো নিৰুজ্ঝতি তস্স তত্থ ৰূপক্খন্ধো নিৰুজ্ঝতীতি?

অৰূপা চৱন্তানং তেসং তত্থ ৱেদনাক্খন্ধো নিৰুজ্ঝতি, নো চ তেসং তত্থ ৰূপক্খন্ধো নিৰুজ্ঝতি. পঞ্চৱোকাৰা চৱন্তানং তেসং তত্থ ৱেদনাক্খন্ধো চ নিৰুজ্ঝতি ৰূপক্খন্ধো চ নিৰুজ্ঝতি.

(ঘ) পচ্চনীকপুগ্গলো

১০৭. (ক) যস্স ৰূপক্খন্ধো ন নিৰুজ্ঝতি তস্স ৱেদনাক্খন্ধো ন নিৰুজ্ঝতীতি?

অৰূপা চৱন্তানং তেসং ৰূপক্খন্ধো ন নিৰুজ্ঝতি, নো চ তেসং ৱেদনাক্খন্ধো ন নিৰুজ্ঝতি. সব্বেসং উপপজ্জন্তানং তেসং ৰূপক্খন্ধো চ ন নিৰুজ্ঝতি ৱেদনাক্খন্ধো চ ন নিৰুজ্ঝতি.

(খ) যস্স ৱা পন ৱেদনাক্খন্ধো ন নিৰুজ্ঝতি তস্স ৰূপক্খন্ধো ন নিৰুজ্ঝতীতি?

অসঞ্ঞসত্তা চৱন্তানং তেসং ৱেদনাক্খন্ধো ন নিৰুজ্ঝতি, নো চ তেসং ৰূপক্খন্ধো ন নিৰুজ্ঝতি. সব্বেসং উপপজ্জন্তানং তেসং ৱেদনাক্খন্ধো চ ন নিৰুজ্ঝতি ৰূপক্খন্ধো চ ন নিৰুজ্ঝতি.

(ঙ) পচ্চনীকওকাসো

১০৮. (ক) যত্থ ৰূপক্খন্ধো ন নিৰুজ্ঝতি তত্থ ৱেদনাক্খন্ধো ন নিৰুজ্ঝতীতি? নিৰুজ্ঝতি.

(খ) যত্থ ৱা পন ৱেদনাক্খন্ধো ন নিৰুজ্ঝতি তত্থ ৰূপক্খন্ধো ন নিৰুজ্ঝতীতি? নিৰুজ্ঝতি.

(চ) পচ্চনীকপুগ্গলোকাসা

১০৯. (ক) যস্স যত্থ ৰূপক্খন্ধো ন নিৰুজ্ঝতি তস্স তত্থ ৱেদনাক্খন্ধো ন নিৰুজ্ঝতীতি?

অৰূপা চৱন্তানং তেসং তত্থ ৰূপক্খন্ধো ন নিৰুজ্ঝতি, নো চ তেসং তত্থ ৱেদনাক্খন্ধো ন নিৰুজ্ঝতি. সব্বেসং উপপজ্জন্তানং তেসং তত্থ ৰূপক্খন্ধো চ ন নিৰুজ্ঝতি ৱেদনাক্খন্ধো চ ন নিৰুজ্ঝতি.

(খ) যস্স ৱা পন যত্থ ৱেদনাক্খন্ধো ন নিৰুজ্ঝতি তস্স তত্থ ৰূপক্খন্ধো ন নিৰুজ্ঝতীতি?

অসঞ্ঞসত্তা চৱন্তানং তেসং তত্থ ৱেদনাক্খন্ধো ন নিৰুজ্ঝতি, নো চ তেসং তত্থ ৰূপক্খন্ধো ন নিৰুজ্ঝতি. সব্বেসং উপপজ্জন্তানং তেসং তত্থ ৱেদনাক্খন্ধো চ ন নিৰুজ্ঝতি ৰূপক্খন্ধো চ ন নিৰুজ্ঝতি.