৩. পঞ্হাপুচ্ছকং

১৬৮. দ্ৱাদসাযতনানি – চক্খাযতনং, ৰূপাযতনং, সোতাযতনং, সদ্দাযতনং, ঘানাযতনং, গন্ধাযতনং, জিৱ্হাযতনং, ৰসাযতনং, কাযাযতনং, ফোট্ঠব্বাযতনং, মনাযতনং, ধম্মাযতনং.

১৬৯. দ্ৱাদসন্নং আযতনানং কতি কুসলা, কতি অকুসলা, কতি অব্যাকতা…পে… কতি সৰণা, কতি অৰণা?

১. তিকং

১৭০. দসাযতনা অব্যাকতা. দ্ৱাযতনা সিযা কুসলা, সিযা অকুসলা, সিযা অব্যাকতা. দসাযতনা ন ৱত্তব্বা – ‘‘সুখায ৱেদনায সম্পযুত্তা’’তিপি, ‘‘দুক্খায ৱেদনায সম্পযুত্তা’’তিপি, ‘‘অদুক্খমসুখায ৱেদনায সম্পযুত্তা’’তিপি. মনাযতনং সিযা সুখায ৱেদনায সম্পযুত্তং, সিযা দুক্খায ৱেদনায সম্পযুত্তং, সিযা অদুক্খমসুখায ৱেদনায সম্পযুত্তং. ধম্মাযতনং সিযা সুখায ৱেদনায সম্পযুত্তং, সিযা দুক্খায ৱেদনায সম্পযুত্তং, সিযা অদুক্খমসুখায ৱেদনায সম্পযুত্তং, সিযা ন ৱত্তব্বং – ‘‘সুখায ৱেদনায সম্পযুত্ত’’ন্তিপি, ‘‘দুক্খায ৱেদনায সম্পযুত্ত’’ন্তিপি, ‘‘অদুক্খমসুখায ৱেদনায সম্পযুত্ত’’ন্তিপি. দসাযতনা নেৱৱিপাকনৱিপাকধম্মধম্মা. দ্ৱাযতনা সিযা ৱিপাকা, সিযা ৱিপাকধম্মধম্মা, সিযা নেৱৱিপাকনৱিপাকধম্মধম্মা.

পঞ্চাযতনা উপাদিন্নুপাদানিযা. সদ্দাযতনং অনুপাদিন্নুপাদানিযং. চত্তাৰো আযতনা সিযা উপাদিন্নুপাদানিযা, সিযা অনুপাদিন্নুপাদানিযা, সিযা অনুপাদানিযা. দ্ৱাযতনা সিযা উপাদিন্নুপাদানিযা, সিযা অনুপাদিন্নুপাদানিযা, সিযা অনুপাদিন্নঅনুপাদানিযা. দসাযতনা অসংকিলিট্ঠসংকিলেসিকা. দ্ৱাযতনা সিযা সংকিলিট্ঠসংকিলেসিকা, সিযা অসংকিলিট্ঠসংকিলেসিকা, সিযা অসংকিলিট্ঠঅসংকিলেসিকা. দসাযতনা অৱিতক্কঅৱিচাৰা. মনাযতনং সিযা সৱিতক্কসৱিচাৰং, সিযা অৱিতক্কৱিচাৰমত্তং, সিযা অৱিতক্কঅৱিচাৰং. ধম্মাযতনং সিযা সৱিতক্কসৱিচাৰং, সিযা অৱিতক্কৱিচাৰমত্তং, সিযা অৱিতক্কঅৱিচাৰং, সিযা ন ৱত্তব্বং – ‘‘সৱিতক্কসৱিচাৰ’’ন্তিপি, ‘‘অৱিতক্কৱিচাৰমত্ত’’ন্তিপি, ‘‘অৱিতক্কঅৱিচাৰ’’ন্তিপি. দসাযতনা ন ৱত্তব্বা – ‘‘পীতিসহগতা’’তিপি, ‘‘সুখসহগতা’’তিপি, ‘‘উপেক্খাসহগতা’’তিপি. দ্ৱাযতনা সিযা পীতিসহগতা, সিযা সুখসহগতা, সিযা উপেক্খাসহগতা, সিযা ন ৱত্তব্বা – ‘‘পীতিসহগতা’’তিপি, ‘‘সুখসহগতা’’তিপি, ‘‘উপেক্খাসহগতা’’তিপি.

দসাযতনা নেৱ দস্সনেন ন ভাৱনায পহাতব্বা. দ্ৱাযতনা সিযা দস্সনেন পহাতব্বা, সিযা ভাৱনায পহাতব্বা, সিযা নেৱ দস্সনেন ন ভাৱনায পহাতব্বা. দসাযতনা নেৱ দস্সনেন ন ভাৱনায পহাতব্বহেতুকা. দ্ৱাযতনা সিযা দস্সনেন পহাতব্বহেতুকা, সিযা ভাৱনায পহাতব্বহেতুকা, সিযা নেৱ দস্সনেন ন ভাৱনায পহাতব্বহেতুকা. দসাযতনা নেৱাচযগামিনাপচযগামিনো. দ্ৱাযতনা সিযা আচযগামিনো, সিযা অপচযগামিনো, সিযা নেৱাচযগামিনাপচযগামিনো. দসাযতনা নেৱসেক্খনাসেক্খা. দ্ৱাযতনা সিযা সেক্খা, সিযা অসেক্খা, সিযা নেৱসেক্খনাসেক্খা. দসাযতনা পৰিত্তা. দ্ৱাযতনা সিযা পৰিত্তা, সিযা মহগ্গতা, সিযা অপ্পমাণা. দসাযতনা অনাৰম্মণা. দ্ৱাযতনা সিযা পৰিত্তাৰম্মণা, সিযা মহগ্গতাৰম্মণা, সিযা অপ্পমাণাৰম্মণা, সিযা ন ৱত্তব্বা – ‘‘পৰিত্তাৰম্মণা’’তিপি, ‘‘মহগ্গতাৰম্মণা’’তিপি, ‘‘অপ্পমাণাৰম্মণা’’তিপি. দসাযতনা মজ্ঝিমা. দ্ৱাযতনা সিযা হীনা, সিযা মজ্ঝিমা, সিযা পণীতা. দসাযতনা অনিযতা. দ্ৱাযতনা সিযা মিচ্ছত্তনিযতা, সিযা সম্মত্তনিযতা, সিযা অনিযতা.

দসাযতনা অনাৰম্মণা. দ্ৱাযতনা সিযা মগ্গাৰম্মণা, সিযা মগ্গহেতুকা, সিযা মগ্গাধিপতিনো, সিযা ন ৱত্তব্বা – ‘‘মগ্গাৰম্মণা’’তিপি, ‘‘মগ্গহেতুকা’’তিপি, ‘‘মগ্গাধিপতিনো’’তিপি. পঞ্চাযতনা সিযা উপ্পন্না, সিযা উপ্পাদিনো, ন ৱত্তব্বা – ‘‘অনুপ্পন্না’’তি. সদ্দাযতনং সিযা উপ্পন্নং, সিযা অনুপ্পন্নং, ন ৱত্তব্বং – ‘‘উপ্পাদী’’তি. পঞ্চাযতনা সিযা উপ্পন্না, সিযা অনুপ্পন্না, সিযা উপ্পাদিনো. ধম্মাযতনং সিযা উপ্পন্নং, সিযা অনুপ্পন্নং, সিযা উপ্পাদি, সিযা ন ৱত্তব্বং – ‘‘উপ্পন্ন’’ন্তিপি, ‘‘অনুপ্পন্ন’’ন্তিপি, ‘‘উপ্পাদী’’তিপি. একাদসাযতনা সিযা অতীতা, সিযা অনাগতা, সিযা পচ্চুপ্পন্না. ধম্মাযতনং সিযা অতীতং, সিযা অনাগতং, সিযা পচ্চুপ্পন্নং, সিযা ন ৱত্তব্বং – ‘‘অতীত’’ন্তিপি, ‘‘অনাগত’’ন্তিপি, ‘‘পচ্চুপ্পন্ন’’ন্তিপি. দসাযতনা অনাৰম্মণা. দ্ৱাযতনা সিযা অতীতাৰম্মণা, সিযা অনাগতাৰম্মণা, সিযা পচ্চুপ্পন্নাৰম্মণা, সিযা ন ৱত্তব্বা – ‘‘অতীতাৰম্মণা’’তিপি, ‘‘অনাগতাৰম্মণা’’তিপি, ‘‘পচ্চুপ্পন্নাৰম্মণা’’তিপি; সিযা অজ্ঝত্তা, সিযা বহিদ্ধা, সিযা অজ্ঝত্তবহিদ্ধা. দসাযতনা অনাৰম্মণা. দ্ৱাযতনা সিযা অজ্ঝত্তাৰম্মণা, সিযা বহিদ্ধাৰম্মণা, সিযা অজ্ঝত্তবহিদ্ধাৰম্মণা, সিযা ন ৱত্তব্বা – ‘‘অজ্ঝত্তাৰম্মণা’’তিপি, ‘‘বহিদ্ধাৰম্মণা’’তিপি, ‘‘অজ্ঝত্তবহিদ্ধাৰম্মণা’’তিপি. ৰূপাযতনং সনিদস্সনসপ্পটিঘং. নৱাযতনা অনিদস্সনসপ্পটিঘা. দ্ৱাযতনা অনিদস্সনঅপ্পটিঘা.

২. দুকং

১৭১. একাদসাযতনা ন হেতূ. ধম্মাযতনং সিযা হেতু, সিযা ন হেতু. দসাযতনা অহেতুকা. দ্ৱাযতনা সিযা সহেতুকা, সিযা অহেতুকা. দসাযতনা হেতুৱিপ্পযুত্তা. দ্ৱাযতনা সিযা হেতুসম্পযুত্তা, সিযা হেতুৱিপ্পযুত্তা. দসাযতনা ন ৱত্তব্বা – ‘‘হেতূ চেৱ সহেতুকা চা’’তিপি, ‘‘সহেতুকা চেৱ ন চ হেতূ’’তিপি. মনাযতনং ন ৱত্তব্বং – ‘‘হেতু চেৱ সহেতুকঞ্চা’’তি, সিযা সহেতুকঞ্চেৱ ন চ হেতু, সিযা ন ৱত্তব্বং – ‘‘সহেতুকঞ্চেৱ ন চ হেতূ’’তি. ধম্মাযতনং সিযা হেতু চেৱ সহেতুকঞ্চ, সিযা সহেতুকঞ্চেৱ ন চ হেতু, সিযা ন ৱত্তব্বং – ‘‘হেতু চেৱ সহেতুকঞ্চা’’তিপি, ‘‘সহেতুকঞ্চেৱ ন চ হেতূ’’তিপি. দসাযতনা ন ৱত্তব্বা – ‘‘হেতূ চেৱ হেতুসম্পযুত্তা চা’’তিপি, ‘‘হেতুসম্পযুত্তা চেৱ ন চ হেতূ’’তিপি. মনাযতনং ন ৱত্তব্বং – ‘‘হেতু চেৱ হেতুসম্পযুত্তঞ্চা’’তি, সিযা হেতুসম্পযুত্তঞ্চেৱ ন চ হেতু, সিযা ন ৱত্তব্বং – ‘‘হেতুসম্পযুত্তঞ্চেৱ ন চ হেতূ’’তি. ধম্মাযতনং সিযা হেতু চেৱ হেতুসম্পযুত্তঞ্চ, সিযা হেতুসম্পযুত্তঞ্চেৱ ন চ হেতু, সিযা ন ৱত্তব্বং – ‘‘হেতু চেৱ হেতুসম্পযুত্তঞ্চা’’তিপি, ‘‘হেতুসম্পযুত্তঞ্চেৱ ন চ হেতূ’’তিপি. দসাযতনা ন হেতূঅহেতুকা. মনাযতনং সিযা ন হেতুসহেতুকং, সিযা ন হেতুঅহেতুকং. ধম্মাযতনং সিযা ন হেতুসহেতুকং, সিযা ন হেতুঅহেতুকং, সিযা ন ৱত্তব্বং – ‘‘ন হেতুসহেতুক’’ন্তিপি, ‘‘ন হেতুঅহেতুক’’ন্তিপি.

একাদসাযতনা সপ্পচ্চযা. ধম্মাযতনং সিযা সপ্পচ্চযং, সিযা অপ্পচ্চযং. একাদসাযতনা সঙ্খতা. ধম্মাযতনং সিযা সঙ্খতং, সিযা অসঙ্খতং. ৰূপাযতনং সনিদস্সনং. একাদসাযতনা অনিদস্সনা. দসাযতনা সপ্পটিঘা. দ্ৱাযতনা অপ্পটিঘা. দসাযতনা ৰূপা. মনাযতনং অৰূপং. ধম্মাযতনং সিযা ৰূপং, সিযা অৰূপং. দসাযতনা লোকিযা. দ্ৱাযতনা সিযা লোকিযা, সিযা লোকুত্তৰা; কেনচি ৱিঞ্ঞেয্যা, কেনচি ন ৱিঞ্ঞেয্যা.

একাদসাযতনা নো আসৱা. ধম্মাযতনং সিযা আসৱো, সিযা নো আসৱো. দসাযতনা সাসৱা. দ্ৱাযতনা সিযা সাসৱা, সিযা অনাসৱা. দসাযতনা আসৱৱিপ্পযুত্তা. দ্ৱাযতনা সিযা আসৱসম্পযুত্তা, সিযা আসৱৱিপ্পযুত্তা. দসাযতনা ন ৱত্তব্বা – ‘‘আসৱা চেৱ সাসৱা চা’’তি, ‘‘সাসৱা চেৱ নো চ আসৱা’’. মনাযতনং ন ৱত্তব্বং – ‘‘আসৱো চেৱ সাসৱঞ্চা’’তি, সিযা সাসৱঞ্চেৱ নো চ আসৱো, সিযা ন ৱত্তব্বং – ‘‘সাসৱঞ্চেৱ নো চ আসৱো’’তি. ধম্মাযতনং সিযা আসৱো চেৱ সাসৱঞ্চ, সিযা সাসৱঞ্চেৱ নো চ আসৱো, সিযা ন ৱত্তব্বং – ‘‘আসৱো চেৱ সাসৱঞ্চা’’তিপি, ‘‘সাসৱঞ্চেৱ নো চ আসৱো’’তিপি. দসাযতনা ন ৱত্তব্বা – ‘‘আসৱা চেৱ আসৱসম্পযুত্তা চা’’তিপি, ‘‘আসৱসম্পযুত্তা চেৱ নো চ আসৱা’’তিপি. মনাযতনং ন ৱত্তব্বং – ‘‘আসৱো চেৱ আসৱসম্পযুত্তঞ্চা’’তি, সিযা আসৱসম্পযুত্তঞ্চেৱ নো চ আসৱো, সিযা ন ৱত্তব্বং – ‘‘আসৱসম্পযুত্তঞ্চেৱ নো চ আসৱো’’তি. ধম্মাযতনং সিযা আসৱো চেৱ আসৱসম্পযুত্তঞ্চ, সিযা আসৱসম্পযুত্তঞ্চেৱ নো চ আসৱো, সিযা ন ৱত্তব্বং – ‘‘আসৱো চেৱ আসৱসম্পযুত্তঞ্চা’’তিপি, ‘‘আসৱসম্পযুত্তঞ্চেৱ নো চ আসৱো’’তিপি. দসাযতনা আসৱৱিপ্পযুত্তসাসৱা. দ্ৱাযতনা সিযা আসৱৱিপ্পযুত্তসাসৱা, সিযা আসৱৱিপ্পযুত্তঅনাসৱা, সিযা ন ৱত্তব্বা – ‘‘আসৱৱিপ্পযুত্তসাসৱা’’তিপি, ‘‘আসৱৱিপ্পযুত্তঅনাসৱা’’তিপি.

একাদসাযতনা নো সংযোজনা. ধম্মাযতনং সিযা সংযোজনং, সিযা নো সংযোজনং. দসাযতনা সংযোজনিযা. দ্ৱাযতনা সিযা সংযোজনিযা, সিযা অসংযোজনিযা. দসাযতনা সংযোজনৱিপ্পযুত্তা. দ্ৱাযতনা সিযা সংযোজনসম্পযুত্তা, সিযা সংযোজনৱিপ্পযুত্তা. দসাযতনা ন ৱত্তব্বা – ‘‘সংযোজনা চেৱ সংযোজনিযা চা’’তি, সংযোজনিযা চেৱ নো চ সংযোজনা. মনাযতনং ন ৱত্তব্বং – ‘‘সংযোজনঞ্চেৱ সংযোজনিযঞ্চা’’তি, সিযা সংযোজনিযঞ্চেৱ নো চ সংযোজনং, সিযা ন ৱত্তব্বং – ‘‘সংযোজনিযঞ্চেৱ নো চ সংযোজন’’ন্তি. ধম্মাযতনং সিযা সংযোজনঞ্চেৱ সংযোজনিযঞ্চ, সিযা সংযোজনিযঞ্চেৱ নো চ সংযোজনং, সিযা ন ৱত্তব্বং – ‘‘সংযোজনঞ্চেৱ সংযোজনিয’’ন্তিপি, ‘‘সংযোজনিযঞ্চেৱ নো চ সংযোজন’’ন্তিপি. দসাযতনা ন ৱত্তব্বা – ‘‘সংযোজনা চেৱ সংযোজনসম্পযুত্তা চা’’তিপি, ‘‘সংযোজনসম্পযুত্তা চেৱ নো চ সংযোজনা’’তিপি. মনাযতনং ন ৱত্তব্বং – ‘‘সংযোজনঞ্চেৱ সংযোজনসম্পযুত্তঞ্চা’’তি, সিযা সংযোজনসম্পযুত্তঞ্চেৱ নো চ সংযোজনং, সিযা ন ৱত্তব্বং – ‘‘সংযোজনসম্পযুত্তঞ্চেৱ নো চ সংযোজন’’ন্তি. ধম্মাযতনং সিযা সংযোজনঞ্চেৱ সংযোজনসম্পযুত্তঞ্চ, সিযা সংযোজনসম্পযুত্তঞ্চেৱ নো চ সংযোজনং, সিযা ন ৱত্তব্বং – ‘‘সংযোজনঞ্চেৱ সংযোজনসম্পযুত্তঞ্চা’’তিপি, ‘‘সংযোজনসম্পযুত্তঞ্চেৱ নো চ সংযোজন’’ন্তিপি. দসাযতনা সংযোজনৱিপ্পযুত্তসংযোজনিযা. দ্ৱাযতনা সিযা সংযোজনৱিপ্পযুত্তসংযোজনিযা, সিযা সংযোজনৱিপ্পযুত্তঅসংযোজনিযা, সিযা ন ৱত্তব্বা – ‘‘সংযোজনৱিপ্পযুত্তসংযোজনিযা’’তিপি, ‘‘সংযোজনৱিপ্পযুত্তঅসংযোজনিযা’’তিপি.

একাদসাযতনা নো গন্থা. ধম্মাযতনং সিযা গন্থো, সিযা নো গন্থো. দসাযতনা গন্থনিযা. দ্ৱাযতনা সিযা গন্থনিযা, সিযা অগন্থনিযা. দসাযতনা গন্থৱিপ্পযুত্তা. দ্ৱাযতনা সিযা গন্থসম্পযুত্তা, সিযা গন্থৱিপ্পযুত্তা. দসাযতনা ন ৱত্তব্বা – ‘‘গন্থা চেৱ গন্থনিযা চা’’তি, গন্থনিযা চেৱ নো চ গন্থা. মনাযতনং ন ৱত্তব্বং – ‘‘গন্থো চেৱ গন্থনিযঞ্চা’’তি, সিযা গন্থনিযঞ্চেৱ নো চ গন্থো, সিযা ন ৱত্তব্বং – ‘‘গন্থনিযঞ্চেৱ নো চ গন্থো’’তি. ধম্মাযতনং সিযা গন্থো চেৱ গন্থনিযঞ্চ, সিযা গন্থনিযঞ্চেৱ নো চ গন্থো, সিযা ন ৱত্তব্বং – ‘‘গন্থো চেৱ গন্থনিযঞ্চা’’তিপি, ‘‘গন্থনিযঞ্চেৱ নো চ গন্থো’’তিপি. দসাযতনা ন ৱত্তব্বা – ‘‘গন্থা চেৱ গন্থসম্পযুত্তা চা’’তিপি, ‘‘গন্থসম্পযুত্তা চেৱ নো চ গন্থা’’তিপি. মনাযতনং ন ৱত্তব্বং – ‘‘গন্থো চেৱ গন্থসম্পযুত্তঞ্চা’’তি, সিযা গন্থসম্পযুত্তঞ্চেৱ নো চ গন্থো, সিযা ন ৱত্তব্বং – ‘‘গন্থসম্পযুত্তঞ্চেৱ নো চ গন্থো’’তি. ধম্মাযতনং সিযা গন্থো চেৱ গন্থসম্পযুত্তঞ্চ, সিযা গন্থসম্পযুত্তঞ্চেৱ নো চ গন্থো, সিযা ন ৱত্তব্বং – ‘‘গন্থো চেৱ গন্থসম্পযুত্তঞ্চা’’তিপি, ‘‘গন্থসম্পযুত্তঞ্চেৱ নো চ গন্থো’’তিপি. দসাযতনা গন্থৱিপ্পযুত্তগন্থনিযা. দ্ৱাযতনা সিযা গন্থৱিপ্পযুত্তগন্থনিযা, সিযা গন্থৱিপ্পযুত্তঅগন্থনিযা, সিযা ন ৱত্তব্বা – ‘‘গন্থৱিপ্পযুত্তগন্থনিযা’’তিপি, ‘‘গন্থৱিপ্পযুত্তঅগন্থনিযা’’তিপি.

একাদসাযতনা নো ওঘা…পে… নো যোগা…পে… নো নীৱৰণা. ধম্মাযতনং সিযা নীৱৰণং, সিযা নো নীৱৰণং. দসাযতনা নীৱৰণিযা. দ্ৱাযতনা সিযা নীৱৰণিযা, সিযা অনীৱৰণিযা. দসাযতনা নীৱৰণৱিপ্পযুত্তা. দ্ৱাযতনা সিযা নীৱৰণসম্পযুত্তা, সিযা নীৱৰণৱিপ্পযুত্তা. দসাযতনা ন ৱত্তব্বা – ‘‘নীৱৰণা চেৱ নীৱৰণিযা চা’’তি, নীৱৰণিযা চেৱ নো চ নীৱৰণা. মনাযতনং ন ৱত্তব্বং – ‘‘নীৱৰণঞ্চেৱ নীৱৰণিযঞ্চা’’তি, সিযা নীৱৰণিযঞ্চেৱ নো চ নীৱৰণং, সিযা ন ৱত্তব্বং – ‘‘নীৱৰণিযঞ্চেৱ নো চ নীৱৰণ’’ন্তি. ধম্মাযতনং সিযা নীৱৰণঞ্চেৱ নীৱৰণিযঞ্চ, সিযা নীৱৰণিযঞ্চেৱ নো চ নীৱৰণং, সিযা ন ৱত্তব্বং – ‘‘নীৱৰণঞ্চেৱ নীৱৰণিযঞ্চা’’তিপি, ‘‘নীৱৰণিযঞ্চেৱ নো চ নীৱৰণ’’ন্তিপি. দসাযতনা ন ৱত্তব্বা – ‘‘নীৱৰণা চেৱ নীৱৰণসম্পযুত্তা চা’’তিপি, ‘‘নীৱৰণসম্পযুত্তা চেৱ নো চ নীৱৰণা’’তিপি. মনাযতনং ন ৱত্তব্বং – ‘‘নীৱৰণঞ্চেৱ নীৱৰণসম্পযুত্তঞ্চা’’তি, সিযা নীৱৰণসম্পযুত্তঞ্চেৱ নো চ নীৱৰণং, সিযা ন ৱত্তব্বং – ‘‘নীৱৰণসম্পযুত্তঞ্চেৱ নো চ নীৱৰণ’’ন্তি. ধম্মাযতনং সিযা নীৱৰণঞ্চেৱ নীৱৰণসম্পযুত্তঞ্চ, সিযা নীৱৰণসম্পযুত্তঞ্চেৱ নো চ নীৱৰণং, সিযা ন ৱত্তব্বং – ‘‘নীৱৰণঞ্চেৱ নীৱৰণসম্পযুত্তঞ্চা’’তিপি, ‘‘নীৱৰণসম্পযুত্তঞ্চেৱ নো চ নীৱৰণ’’ন্তিপি. দসাযতনা নীৱৰণৱিপ্পযুত্তনীৱৰণিযা. দ্ৱাযতনা সিযা নীৱৰণৱিপ্পযুত্তনীৱৰণিযা, সিযা নীৱৰণৱিপ্পযুত্তঅনীৱৰণিযা, সিযা ন ৱত্তব্বা – ‘‘নীৱৰণৱিপ্পযুত্তনীৱৰণিযা’’তিপি, ‘‘নীৱৰণৱিপ্পযুত্তঅনীৱৰণিযা’’তিপি.

একাদসাযতনা নো পৰামাসা. ধম্মাযতনং সিযা পৰামাসো, সিযা নো পৰামাসো. দসাযতনা পৰামট্ঠা. দ্ৱাযতনা সিযা পৰামট্ঠা, সিযা অপৰামট্ঠা. দসাযতনা পৰামাসৱিপ্পযুত্তা. মনাযতনং সিযা পৰামাসসম্পযুত্তং, সিযা পৰামাসৱিপ্পযুত্তং. ধম্মাযতনং সিযা পৰামাসসম্পযুত্তং, সিযা পৰামাসৱিপ্পযুত্তং, সিযা ন ৱত্তব্বং – ‘‘পৰামাসসম্পযুত্ত’’ন্তিপি, ‘‘পৰামাসৱিপ্পযুত্ত’’ন্তিপি. দসাযতনা ন ৱত্তব্বা – ‘‘পৰামাসা চেৱ পৰামট্ঠা চা’’তি, ‘‘পৰামট্ঠা চেৱ নো চ পৰামাসা’’. মনাযতনং ন ৱত্তব্বং – ‘‘পৰামাসো চেৱ পৰামট্ঠঞ্চা’’তি, সিযা পৰামট্ঠঞ্চেৱ নো চ পৰামাসো, সিযা ন ৱত্তব্বং – ‘‘পৰামট্ঠঞ্চেৱ নো চ পৰামাসো’’তি. ধম্মাযতনং সিযা পৰামাসো চেৱ পৰামট্ঠঞ্চ, সিযা পৰামট্ঠঞ্চেৱ নো চ পৰামাসো, সিযা ন ৱত্তব্বং – ‘‘পৰামাসো চেৱ পৰামট্ঠঞ্চা’’তিপি, ‘‘পৰামট্ঠঞ্চেৱ নো চ পৰামাসো’’তিপি. দসাযতনা পৰামাসৱিপ্পযুত্তপৰামট্ঠা. দ্ৱাযতনা সিযা পৰামাসৱিপ্পযুত্তপৰামট্ঠা, সিযা পৰামাসৱিপ্পযুত্তঅপৰামট্ঠা, সিযা ন ৱত্তব্বা – ‘‘পৰামাসৱিপ্পযুত্তপৰামট্ঠা’’তিপি, ‘‘পৰামাসৱিপ্পযুত্তঅপৰামট্ঠা’’তিপি.

দসাযতনা অনাৰম্মণা. মনাযতনং সাৰম্মণং. ধম্মাযতনং সিযা সাৰম্মণং, সিযা অনাৰম্মণং. মনাযতনং চিত্তং. একাদসাযতনা নো চিত্তা. একাদসাযতনা অচেতসিকা. ধম্মাযতনং সিযা চেতসিকং, সিযা অচেতসিকং. দসাযতনা চিত্তৱিপ্পযুত্তা. ধম্মাযতনং সিযা চিত্তসম্পযুত্তং, সিযা চিত্তৱিপ্পযুত্তং. মনাযতনং ন ৱত্তব্বং – ‘‘চিত্তেন সম্পযুত্ত’’ন্তিপি, ‘‘চিত্তেন ৱিপ্পযুত্ত’’ন্তিপি. দসাযতনা চিত্তৱিসংসট্ঠা. ধম্মাযতনং সিযা চিত্তসংসট্ঠং, সিযা চিত্তৱিসংসট্ঠং. মনাযতনং ন ৱত্তব্বং – ‘‘চিত্তেন সংসট্ঠ’’ন্তিপি, ‘‘চিত্তেন ৱিসংসট্ঠ’’ন্তিপি. ছাযতনা নো চিত্তসমুট্ঠানা. ছাযতনা সিযা চিত্তসমুট্ঠানা, সিযা নো চিত্তসমুট্ঠানা. একাদসাযতনা নো চিত্তসহভুনো. ধম্মাযতনং সিযা চিত্তসহভূ, সিযা নো চিত্তসহভূ. একাদসাযতনা নো চিত্তানুপৰিৱত্তিনো. ধম্মাযতনং সিযা চিত্তানুপৰিৱত্তি, সিযা নো চিত্তানুপৰিৱত্তি. একাদসাযতনা নো চিত্তসংসট্ঠসমুট্ঠানা. ধম্মাযতনং সিযা চিত্তসংসট্ঠসমুট্ঠানং, সিযা নো চিত্তসংসট্ঠসমুট্ঠানং. একাদসাযতনা নো চিত্তসংসট্ঠসমুট্ঠানসহভুনো. ধম্মাযতনং সিযা চিত্তসংসট্ঠসমুট্ঠানসহভূ, সিযা নো চিত্তসংসট্ঠসমুট্ঠানসহভূ. একাদসাযতনা নো চিত্তসংসট্ঠসমুট্ঠানানুপৰিৱত্তিনো. ধম্মাযতনং সিযা চিত্তসংসট্ঠসমুট্ঠানানুপৰিৱত্তি, সিযা নো চিত্তসংসট্ঠসমুট্ঠানানুপৰিৱত্তি.

ছাযতনা অজ্ঝত্তিকা. ছাযতনা বাহিৰা. নৱাযতনা উপাদা. দ্ৱাযতনা নো উপাদা. ধম্মাযতনং সিযা উপাদা, সিযা নো উপাদা. পঞ্চাযতনা উপাদিন্না. সদ্দাযতনং অনুপাদিন্নং. ছাযতনা সিযা উপাদিন্না, সিযা অনুপাদিন্না. একাদসাযতনা নো উপাদানা. ধম্মাযতনং সিযা উপাদানং, সিযা নো উপাদানং. দসাযতনা উপাদানিযা. দ্ৱাযতনা সিযা উপাদানিযা, সিযা অনুপাদানিযা. দসাযতনা উপাদানৱিপ্পযুত্তা. দ্ৱাযতনা সিযা উপাদানসম্পযুত্তা, সিযা উপাদানৱিপ্পযুত্তা. দসাযতনা ন ৱত্তব্বা – ‘‘উপাদানা চেৱ উপাদানিযা চা’’তি, উপাদানিযা চেৱ নো চ উপাদানা. মনাযতনং ন ৱত্তব্বং – ‘‘উপাদানঞ্চেৱ উপাদানিযঞ্চা’’তি, সিযা উপাদানিযঞ্চেৱ নো চ উপাদানং, সিযা ন ৱত্তব্বং – ‘‘উপাদানিযঞ্চেৱ নো চ উপাদান’’ন্তি. ধম্মাযতনং সিযা উপাদানঞ্চেৱ উপাদানিযঞ্চ, সিযা উপাদানিযঞ্চেৱ নো চ উপাদানং, সিযা ন ৱত্তব্বং – ‘‘উপাদানঞ্চেৱ উপাদানিযঞ্চা’’তিপি, ‘‘উপাদানিযঞ্চেৱ নো চ উপাদান’’ন্তিপি. দসাযতনা ন ৱত্তব্বা – ‘‘উপাদানা চেৱ উপাদানসম্পযুত্তা চা’’তিপি, ‘‘উপাদানসম্পযুত্তা চেৱ নো চ উপাদানা’’তিপি. মনাযতনং ন ৱত্তব্বং – ‘‘উপাদানিযঞ্চেৱ উপাদানসম্পযুত্তঞ্চা’’তি, সিযা উপাদানসম্পযুত্তঞ্চেৱ নো চ উপাদানং, সিযা ন ৱত্তব্বং – ‘‘উপাদানসম্পযুত্তঞ্চেৱ নো চ উপাদান’’ন্তি. ধম্মাযতনং সিযা উপাদানঞ্চেৱ উপাদানসম্পযুত্তঞ্চ, সিযা উপাদানসম্পযুত্তঞ্চেৱ নো চ উপাদানং, সিযা ন ৱত্তব্বং – ‘‘উপাদানঞ্চেৱ উপাদানসম্পযুত্তঞ্চা’’তিপি, ‘‘উপাদানসম্পযুত্তঞ্চেৱ নো চ উপাদান’’ন্তিপি. দসাযতনা উপাদানৱিপ্পযুত্তউপাদানিযা. দ্ৱাযতনা সিযা উপাদানসম্পযুত্তউপাদানিযা, সিযা উপাদানৱিপ্পযুত্তঅনুপাদানিযা, সিযা ন ৱত্তব্বা – ‘‘উপাদানৱিপ্পযুত্তউপাদানিযা’’তিপি, ‘‘উপাদানৱিপ্পযুত্তঅনুপাদানিযা’’তিপি.

একাদসাযতনা নো কিলেসা. ধম্মাযতনং সিযা কিলেসো, সিযা নো কিলেসো. দসাযতনা সংকিলেসিকা. দ্ৱাযতনা সিযা সংকিলেসিকা, সিযা অসংকিলেসিকা. দসাযতনা অসংকিলিট্ঠা. দ্ৱাযতনা সিযা সংকিলিট্ঠা, সিযা অসংকিলিট্ঠা. দসাযতনা কিলেসৱিপ্পযুত্তা. দ্ৱাযতনা সিযা কিলেসসম্পযুত্তা, সিযা কিলেসৱিপ্পযুত্তা. দসাযতনা ন ৱত্তব্বা – ‘‘কিলেসা চেৱ সংকিলেসিকা চা’’তি, ‘‘সংকিলেসিকা চেৱ নো চ কিলেসা’’. মনাযতনং ন ৱত্তব্বং – ‘‘কিলেসো চেৱ সংকিলেসিকঞ্চা’’তি, সিযা সংকিলেসিকঞ্চেৱ নো চ কিলেসো, সিযা ন ৱত্তব্বং – ‘‘সংকিলেসিকঞ্চেৱ নো চ কিলেসো’’তি. ধম্মাযতনং সিযা কিলেসো চেৱ সংকিলেসিকঞ্চ, সিযা সংকিলেসিকঞ্চেৱ নো চ কিলেসো, সিযা ন ৱত্তব্বং – ‘‘কিলেসো চেৱ সংকিলেসিকঞ্চা’’তিপি, ‘‘সংকিলেসিকঞ্চেৱ নো চ কিলেসো’’তিপি. দসাযতনা ন ৱত্তব্বা – ‘‘কিলেসা চেৱ সংকিলিট্ঠা চা’’তিপি, ‘‘সংকিলিট্ঠা চেৱ নো চ কিলেসা’’তিপি. মনাযতনং ন ৱত্তব্বং – ‘‘কিলেসো চেৱ সংকিলিট্ঠঞ্চা’’তি, সিযা সংকিলিট্ঠঞ্চেৱ নো চ কিলেসো, সিযা ন ৱত্তব্বং – ‘‘সংকিলিট্ঠঞ্চেৱ নো চ কিলেসো’’তি. ধম্মাযতনং সিযা কিলেসো চেৱ সংকিলিট্ঠঞ্চ, সিযা সংকিলিট্ঠঞ্চেৱ নো চ কিলেসো, সিযা ন ৱত্তব্বং – ‘‘কিলেসো চেৱ সংকিলিট্ঠঞ্চা’’তিপি, ‘‘সংকিলিট্ঠঞ্চেৱ নো চ কিলেসো’’তিপি.

দসাযতনা ন ৱত্তব্বা – ‘‘কিলেসা চেৱ কিলেসসম্পযুত্তা চা’’তিপি, ‘‘কিলেসসম্পযুত্তা চেৱ নো চ ন কিলেসা’’তিপি. মনাযতনং ন ৱত্তব্বং – ‘‘কিলেসো চেৱ কিলেসসম্পযুত্তঞ্চা’’তি, সিযা কিলেসসম্পযুত্তঞ্চেৱ নো চ কিলেসো, সিযা ন ৱত্তব্বং – ‘‘কিলেসসম্পযুত্তঞ্চেৱ নো চ কিলেসো’’তি. ধম্মাযতনং সিযা কিলেসো চেৱ কিলেসসম্পযুত্তঞ্চ, সিযা কিলেসসম্পযুত্তঞ্চেৱ নো চ কিলেসো, সিযা ন ৱত্তব্বং – ‘‘কিলেসো চেৱ কিলেসসম্পযুত্তঞ্চা’’তিপি, ‘‘কিলেসসম্পযুত্তঞ্চেৱ নো চ কিলেসো’’তিপি. দসাযতনা কিলেসৱিপ্পযুত্তসংকিলেসিকা. দ্ৱাযতনা সিযা কিলেসৱিপ্পযুত্তসংকিলেসিকা, সিযা কিলেসৱিপ্পযুত্তঅসংকিলেসিকা, সিযা ন ৱত্তব্বা – ‘‘কিলেসৱিপ্পযুত্তসংকিলেসিকা’’তিপি, ‘‘কিলেসৱিপ্পযুত্তঅসংকিলেসিকা’’তিপি.

দসাযতনা ন দস্সনেন পহাতব্বা. দ্ৱাযতনা সিযা দস্সনেন পহাতব্বা, সিযা ন দস্সনেন পহাতব্বা. দসাযতনা ন ভাৱনায পহাতব্বা. দ্ৱাযতনা সিযা ভাৱনায পহাতব্বা, সিযা ন ভাৱনায পহাতব্বা. দসাযতনা ন দস্সনেন পহাতব্বহেতুকা. দ্ৱাযতনা সিযা দস্সনেন পহাতব্বহেতুকা, সিযা ন দস্সনেন পহাতব্বহেতুকা. দসাযতনা ন ভাৱনায পহাতব্বহেতুকা. দ্ৱাযতনা সিযা ভাৱনায পহাতব্বহেতুকা, সিযা ন ভাৱনায পহাতব্বহেতুকা. দসাযতনা অৱিতক্কা. দ্ৱাযতনা সিযা সৱিতক্কা, সিযা অৱিতক্কা. দসাযতনা অৱিচাৰা. দ্ৱাযতনা সিযা সৱিচাৰা, সিযা অৱিচাৰা. দসাযতনা অপ্পীতিকা. দ্ৱাযতনা সিযা সপ্পীতিকা, সিযা অপ্পীতিকা. দসাযতনা ন পীতিসহগতা. দ্ৱাযতনা সিযা পীতিসহগতা, সিযা ন পীতিসহগতা. দসাযতনা ন সুখসহগতা. দ্ৱাযতনা সিযা সুখসহগতা, সিযা ন সুখসহগতা. দসাযতনা ন উপেক্খাসহগতা. দ্ৱাযতনা সিযা উপেক্খাসহগতা, সিযা ন উপেক্খাসহগতা.

দসাযতনা কামাৱচৰা. দ্ৱাযতনা সিযা কামাৱচৰা, সিযা ন কামাৱচৰা. দসাযতনা ন ৰূপাৱচৰা. দ্ৱাযতনা সিযা ৰূপাৱচৰা, সিযা ন ৰূপাৱচৰা. দসাযতনা ন অৰূপাৱচৰা. দ্ৱাযতনা সিযা অৰূপাৱচৰা, সিযা ন অৰূপাৱচৰা. দসাযতনা পৰিযাপন্না. দ্ৱাযতনা সিযা পৰিযাপন্না, সিযা অপৰিযাপন্না. দসাযতনা অনিয্যানিকা. দ্ৱাযতনা সিযা নিয্যানিকা, সিযা অনিয্যানিকা. দসাযতনা অনিযতা. দ্ৱাযতনা সিযা নিযতা, সিযা অনিযতা. দসাযতনা সউত্তৰা. দ্ৱাযতনা সিযা সউত্তৰা, সিযা অনুত্তৰা. দসাযতনা অৰণা. দ্ৱাযতনা সিযা সৰণা, সিযা অৰণাতি.

পঞ্হাপুচ্ছকং.

আযতনৱিভঙ্গো নিট্ঠিতো.