১. পচ্চযানুলোমং

হেতুপচ্চযো

৫০. অনিদস্সনসপ্পটিঘং ধম্মং পটিচ্চ নঅনিদস্সনসপ্পটিঘো ধম্মো উপ্পজ্জতি হেতুপচ্চযা. অনিদস্সনসপ্পটিঘং ধম্মং পটিচ্চ নসনিদস্সনসপ্পটিঘো ধম্মো উপ্পজ্জতি হেতুপচ্চযা. অনিদস্সনসপ্পটিঘং ধম্মং পটিচ্চ নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. অনিদস্সনসপ্পটিঘং ধম্মং পটিচ্চ নসনিদস্সনসপ্পটিঘো চ নঅনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা. অনিদস্সনসপ্পটিঘং ধম্মং পটিচ্চ নঅনিদস্সনসপ্পটিঘো চ নঅনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা. অনিদস্সনসপ্পটিঘং ধম্মং পটিচ্চ নসনিদস্সনসপ্পটিঘো চ নঅনিদস্সনসপ্পটিঘো চ ধম্মা উপ্পজ্জন্তি হেতুপচ্চযা. (৬)

অনিদস্সনঅপ্পটিঘং ধম্মং পটিচ্চ নঅনিদস্সনঅপ্পটিঘো ধম্মো উপ্পজ্জতি হেতুপচ্চযা… ছ.

অনিদস্সনসপ্পটিঘঞ্চ অনিদস্সনঅপ্পটিঘঞ্চ ধম্মং পটিচ্চ নসনিদস্সনসপ্পটিঘো ধম্মো উপ্পজ্জতি হেতুপচ্চযা… ছ. (সংখিত্তং.)

হেতুযা অট্ঠাৰস, আৰম্মণে তীণি…পে… অৱিগতে অট্ঠাৰস. (সব্বত্থ ৱিত্থাৰো. সহজাতৱাৰম্পি…পে… সম্পযুত্তৱাৰম্পি ৱিত্থাৰেতব্বং.)

হেতু-আৰম্মণপচ্চযা

৫১. অনিদস্সনঅপ্পটিঘো ধম্মো নঅনিদস্সনঅপ্পটিঘস্স ধম্মস্স হেতুপচ্চযেন পচ্চযো. অনিদস্সনঅপ্পটিঘো ধম্মো নসনিদস্সনসপ্পটিঘস্স ধম্মস্স হেতুপচ্চযেন পচ্চযো. অনিদস্সনঅপ্পটিঘো ধম্মো নঅনিদস্সনসপ্পটিঘস্স ধম্মস্স হেতুপচ্চযেন পচ্চযো. অনিদস্সনঅপ্পটিঘো ধম্মো নসনিদস্সনসপ্পটিঘস্স চ নঅনিদস্সনঅপ্পটিঘস্স চ ধম্মস্স হেতুপচ্চযেন পচ্চযো. নঅনিদস্সনঅপ্পটিঘো ধম্মো নঅনিদস্সনসপ্পটিঘস্স চ নঅনিদস্সনঅপ্পটিঘস্স চ ধম্মস্স হেতুপচ্চযেন পচ্চযো. অনিদস্সনঅপ্পটিঘো ধম্মো নসনিদস্সনসপ্পটিঘস্স চ নঅনিদস্সনসপ্পটিঘস্স চ ধম্মস্স হেতুপচ্চযেন পচ্চযো. (৬)

সনিদস্সনসপ্পটিঘো ধম্মো নসনিদস্সনসপ্পটিঘস্স ধম্মস্স আৰম্মণপচ্চযেন পচ্চযো… তীণি. (সংখিত্তং.)

৫২. হেতুযা ছ, আৰম্মণে নৱ. (পঞ্হাৱাৰং ৱিত্থাৰেতব্বং.)

ধম্মানুলোমপচ্চনীযে তিকপট্ঠানং নিট্ঠিতং.